ಹಿರಿಯ ಹೂಡಿಕೆದಾರ ಕೆಡಿಯಾ ಬಾಜಿ ಕಟ್ಟಿದ ಐಟಿ ಷೇರು: ಕೇವಲ 20 ದಿನಗಳಲ್ಲಿ 400% ಏರಿಕೆ

ಮುಂಬೈ: ಷೇರು ಮಾರುಕಟ್ಟೆಯ ಹಿರಿಯ ಹೂಡಿಕೆದಾರ ವಿಜಯ್ ಕೆಡಿಯಾ ಇತ್ತೀಚೆಗೆ ಕಂಪನಿಯೊಂದರಲ್ಲಿ ಹೂಡಿಕೆ ಮಾಡಿದ್ದಾರೆ. ವಿಜಯ್ ಕೆಡಿಯಾ ಕೆಲವು ದಿನಗಳ ಹಿಂದೆ ಟಿಎಸಿ ಇನ್ಫೋಸೆಕ್ ಷೇರುಗಳಲ್ಲಿ ಪಾಲನ್ನು ತೆಗೆದುಕೊಂಡಿದ್ದಾರೆ. ಈ ಷೇರುಗಳು ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಿದ ಕೇವಲ 20 ದಿನಗಳಲ್ಲಿ ಹೂಡಿಕೆದಾರರಿಗೆ 400 ಪ್ರತಿಶತದಷ್ಟು ಬಂಪರ್ ಆದಾಯವನ್ನು ನೀಡಿವೆ.

TAC Infosec ಷೇರುಗಳ ಬೆಲೆ ಶುಕ್ರವಾರ ಶೇ. 6.80ರಷ್ಟು ಕುಸಿದು 494 ರೂ. ತಲುಪಿತು. ಈ ಷೇರಿನ 52 ವಾರಗಳ ಗರಿಷ್ಠ ಬೆಲೆ 560 ರೂ. ಆಗಿದೆ. TAC Infosec ಐಟಿ ವ್ಯವಹಾರದ ಕಂಪನಿಯಾಗಿದ್ದು, ಇಅದರ ಮಾರುಕಟ್ಟೆ ಮೌಲ್ಯ 550 ಕೋಟಿ ರೂ. ಆಗಿದೆ.

ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್ ಆದ ಕೇವಲ 20 ದಿನಗಳಲ್ಲಿ TAC Infosec ಷೇರುಗಳು ಹೂಡಿಕೆದಾರರಿಗೆ ಶೇಕಡಾ 400 ರಷ್ಟು ಬಂಪರ್ ರಿಟರ್ನ್ ನೀಡಿವೆ.

ಬುಧವಾರ ಕಂಪನಿಯು ಇತ್ತೀಚೆಗೆ ಪ್ರಮುಖ ಸೈಬರ್ ಭದ್ರತಾ ಮೌಲ್ಯಮಾಪಕರ ಕೆಲಸವನ್ನು ಪಡೆದುಕೊಂಡಿದೆ ಎಂದು ಷೇರು ಮಾರುಕಟ್ಟೆಗೆ ತಿಳಿಸಿತ್ತು. ಈ ಅಪ್ಲಿಕೇಶನ್ ಅನ್ನು ಡಿಫೆನ್ಸ್ ಅಲೈಯನ್ಸ್ (ADA) ಗಾಗಿ ನೀಡಲಾಗಿದೆ, ಇದರಲ್ಲಿ ಅಪ್ಲಿಕೇಶನ್‌ನ ಸುರಕ್ಷತೆಯ ಕುರಿತು ಕೆಲಸ ಮಾಡಬೇಕು. TAC Infosec ಸೈಬರ್ ಭದ್ರತಾ ಕಂಪನಿಯಾಗಿದೆ. 2019 ರಲ್ಲಿ ಗೂಗಲ್ ಬಿಡುಗಡೆ ಮಾಡಿದ ಆ್ಯಪ್ ಡಿಫೆನ್ಸ್ ಅಲೈಯನ್ಸ್‌ಗಾಗಿ TAC Infosec ಈ ಕೆಲಸವನ್ನು ಮಾಡಲಿದೆ.

ಇತ್ತೀಚೆಗೆ ಬಿಡುಗಡೆಯಾದ TAC Infosec ಷೇರುಗಳು ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡುವ ಮೂಲಕ ಹೂಡಿಕೆದಾರರನ್ನು ಶ್ರೀಮಂತರನ್ನಾಗಿ ಮಾಡಿದೆ. ಕಂಪನಿಯ ಷೇರುಗಳನ್ನು ಏಪ್ರಿಲ್ 5, 2024 ರಂದು ಶೇಕಡಾ 174 ಪ್ರೀಮಿಯಂನಲ್ಲಿ ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಲಾಗಿದೆ. ಈ ಕಂಪನಿಯ ಐಪಿಒ ಷೇರುಗಳ ಬೆಲೆ 106 ರೂ ಆಗಿತ್ತು, 290 ರೂ. ಬೆಲೆಯೊಂದಿಗೆ ಈ ಷೇರು ಪಟ್ಟಿಯಾಗಿತ್ತು.

ಕೇವಲ 20 ದಿನಗಳ ಅವಧಿಯಲ್ಲಿ, ವಿಜಯ್ ಕೇಡಿಯಾ ಹೂಡಿಕೆ ಮಾಡಿದ ಟಿಎಸಿ ಇನ್ಫೋಸೆಕ್ ಷೇರುಗಳು ಹೂಡಿಕೆದಾರರಿಗೆ ಶೇಕಡಾ 400 ರಷ್ಟು ಬಂಪರ್ ರಿಟರ್ನ್ ನೀಡಿವೆ. ದಲಾಲ್ ಸ್ಟ್ರೀಟ್​ನ ಹಿರಿಯ ಹೂಡಿಕೆದಾರ ವಿಜಯ್ ಕಿಶನ್ ಲಾಲ್ ಕೇಡಿಯಾ ಮತ್ತು ಅವರ ಮಗ ಅಂಕಿತ್ ವಿಜಯ್ ಕೇಡಿಯಾ ಅವರು TAC ಇನ್ಫೋಸೆಕ್‌ನ 15 ಲಕ್ಷ ಈಕ್ವಿಟಿ ಷೇರುಗಳನ್ನು ಹೊಂದಿದ್ದಾರೆ. ಇದು ಕಂಪನಿಯಲ್ಲಿ ಅವರ 14.6 ಶೇಕಡಾ ಪಾಲನ್ನು ತೋರಿಸುತ್ತದೆ.

https://www.vijayavani.net/72000-job-cuts-in-2023-24-financial-year-which-major-it-company-shed-how-many-workers

https://www.vijayavani.net/company-raising-capital-through-qip-experts-say-share-price-will-rise-after-elections

https://www.vijayavani.net/investment-in-this-ipo-is-profitable-rs-455-per-share-in-the-gray-market-at-rs-615