More

    ಈ ಐಪಿಒದಲ್ಲಿ ಹೂಡಿಕೆ ಲಾಭದಾಯಕ: ರೂ. 455ರ ಷೇರಿಗೆ ಗ್ರೇ ಮಾರುಕಟ್ಟೆಯಲ್ಲಿ ರೂ. 615

    ಮುಂಬೈ: ನೀವು ಆರಂಭಿಕ ಸಾರ್ವಜನಿಕ ಕೊಡುಗೆ (IPO)ಯಲ್ಲಿ ಹೂಡಿಕೆ ಮಾಡುವ ಮೂಲಕ ಗಳಿಸಿದರೆ, ಈ ಸುದ್ದಿ ನಿಮಗೆ ಉಪಯುಕ್ತವಾಗಿದೆ. ವಾಸ್ತವವಾಗಿ, ಇಂಡಿಜಿನ್​ (Indengene) ಕಂಪನಿಯ ಐಪಿಒ ಚಂದಾದಾರಿಕೆಗಾಗಿ ತೆರೆಯಲಿದೆ.

    ಫಾರ್ಮಾ-ಸಂಬಂಧಿತ ಡಿಜಿಟಲ್ ಸೇವಾ ಪೂರೈಕೆದಾರ ಕಂಪನಿಯಾದ ಇಂಡಿಜಿನ್​ನ ಐಪಿಒ ಮೇ 6, 2024 ರಂದು ಚಂದಾದಾರಿಕೆಗಾಗಿ ತೆರೆಯುತ್ತದೆ. ಮೇ 8, 2024 ರವರೆಗೆ ಬಿಡ್ಡಿಂಗ್‌ಗೆ ಮುಕ್ತವಾಗಿರುತ್ತದೆ. ಇಂಡಿಜಿನ್ ಐಪಿಒ ರೂ. 760 ಕೋಟಿ ಮೊತ್ತದಾಗಿದ್ದು, 2.39 ಕೋಟಿ ಷೇರುಗಳ ಮಾರಾಟಕ್ಕೆ ಇಡಲಾಗಿದೆ.

    ಮೇ 9, 2024 ರಂದು ಈ ಐಪಿಒ ಷೇರುಗಳನ್ನು ಹಂಚಿಕೆ ಮಾಡಲಾಗುತ್ತದೆ. ಮೇ 13, 2024 ರಂದು ಷೇರು ಮಾರುಕಟ್ಟೆಯಲ್ಲಿ ಈ ಐಪಿಒ ಷೇರನ್ನು ಪಟ್ಟಿ ಮಾಡುವ ನಿರೀಕ್ಷೆ ಇದೆ.

    ಈ ಐಪಿಒದಲ್ಲಿ ಷೇರು ಬೆಲೆ ರೂ. 455 ಇದೆ. ಈಗಾಗಲೇ ಈ ಷೇರು ಗ್ರೇ ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸುತ್ತಿದೆ. ಗ್ರೇ ಮಾರ್ಕೆಟ್ ಪ್ರೀಮಿಯಂ 160 ರೂ. ಇದೆ. ಅಂದರೆ, ಗ್ರೇ ಮಾರುಕಟ್ಟೆಯಲ್ಲಿ ಈಗಾಗಲೇ ಷೇರು ಬೆಲೆ 615 ರೂ. ಇದೆ.

    ಇನ್ಫೋಸಿಸ್ ಸಹ-ಸಂಸ್ಥಾಪಕ ನಡತೂರ್ ಎಸ್. ರಾಘವನ್ ಒಡೆತನದ ಖಾಸಗಿ ಈಕ್ವಿಟಿ ಸಂಸ್ಥೆ ನಡತೂರ್ ಫಾರ್ ಈಸ್ಟ್ ಪ್ರೈವೇಟ್ ಲಿಮಿಟೆಡ್, ಇಂಡಿಜೀನ್‌ನಲ್ಲಿ 23.64 ಶೇಕಡಾ ಪಾಲನ್ನು ಹೊಂದಿರುವ ಅತಿದೊಡ್ಡ ಪಾಲುದಾರನಾಗಿದೆ.

    ಕೋಟಕ್ ಮಹೀಂದ್ರಾ ಕ್ಯಾಪಿಟಲ್ ಕಂಪನಿ ಲಿಮಿಟೆಡ್, ಸಿಟಿಗ್ರೂಪ್ ಗ್ಲೋಬಲ್ ಮಾರ್ಕೆಟ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್, ಜೆಪಿ ಮೋರ್ಗಾನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಮತ್ತು ನೋಮುರಾ ಫೈನಾನ್ಷಿಯಲ್ ಅಡ್ವೈಸರಿ & ಸೆಕ್ಯುರಿಟೀಸ್ (ಇಂಡಿಯಾ) ಪ್ರೈವೇಟ್ ಲಿಮಿಟೆಡ್ ಈ ಐಪಿಒದ ಪ್ರಮುಖ ವ್ಯವಸ್ಥಾಪಕ ಕಂಪನಿಗಳಾಗಿವೆ.

    See also  4 ದಿನಗಳ ಕರಡಿಯ ಕುಣಿತದ ನಂತರ ಗುಟುರು ಹಾಕಿದ ಗೂಳಿ: ಷೇರು ಸೂಚ್ಯಂಕ 599 ಅಂಕ ಏರಿಕೆ

    ಇಂಡಿಜಿನ್ ಕಂಪನಿಯು 1998 ರಲ್ಲಿ ಅಸ್ತಿತ್ವಕ್ಕೆ ಬಂದ ಕಂಪನಿಯಾಗಿದೆ. ಅಮೆರಿಕ, ಬ್ರಿಟನ್​, ಯುರೋಪ್, ಚೀನಾ, ಜಪಾನ್​ನಲ್ಲಿ ಅಸ್ತಿತ್ವವನ್ನು ಹೊಂದಿದೆ. ಮಾರ್ಚ್ 31, 2023 ಮತ್ತು ಮಾರ್ಚ್ 31, 2022 ಕ್ಕೆ ಕೊನೆಗೊಳ್ಳುವ ಹಣಕಾಸು ವರ್ಷಗಳ ನಡುವೆ ಕಂಪನಿಯ ಆದಾಯವು 39.85 ಪ್ರತಿಶತದಷ್ಟು ಮತ್ತು ತೆರಿಗೆಯ ನಂತರದ ಲಾಭ (PAT) 63.43 ಪ್ರತಿಶತದಷ್ಟು ಹೆಚ್ಚಾಗಿದೆ.

    ರೂ. 1200 ಕೋಟಿಯ ಗುತ್ತಿಗೆ ಪಡೆದುಕೊಂಡ ರೈಲ್ವೆ ಕಂಪನಿ: ಷೇರು ಬೆಲೆಗೆ ಎಕ್ಸ್​ಪ್ರೆಸ್​ ವೇಗ

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts