ಸೌದಿ ರಾಜಮನೆತನದ 150 ಮಂದಿಗೆ ಕರೊನಾ ವೈರಸ್​ ಸೋಂಕು: ಇಡೀ ಕುಟುಂಬ ಕ್ವಾರಂಟೈನ್​ನಲ್ಲಿ

ರಿಯಾದ್​: ಸೌದಿ ಅರೇಬಿಯಾದ ರಾಜಮನೆತನದ 150 ಮಂದಿ ಸದಸ್ಯರು ಕರೊನಾ ವೈರಸ್​ಗೆ ತುತ್ತಾಗಿದ್ದಾರೆ ಎಂದು ನ್ಯೂಯಾರ್ಕ್​ ಟೈಮ್ಸ್​ ವರದಿ ಮಾಡಿದೆ.

ರಾಜಮನೆತನಕ್ಕೆ ಹತ್ತಿರವಾಗಿರುವ ವ್ಯಕ್ತಿಯೊಬ್ಬರು ನ್ಯೂಯಾರ್ಕ್​ ಟೈಮ್ಸ್​ಗೆ ಮಾಹಿತಿ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.

ರಾಜಕುಮಾರ ಫೈಸಲ್​ ಬಿನ್​ ಬಂದರ್​ ಬಿನ್​ ಅಬ್ದುಲ್​ಜಿಜ್​ ಅಲ್​ ಸೌದ್​, ರಾಜ್​ ಸಲ್ಮಾನ್​ ಅವರಿಗೆ ಸೋಂಕು ಹರಡಿರುವುದು ಪರೀಕ್ಷೆಯಿಂದ ದೃಢಪಟ್ಟಿದೆ.

ಸೌದಿ ರಾಜಮನೆತನದವರು ಇತ್ತೀಚೆಗೆ ಯುರೋಪ್​ಗೆ ಪ್ರವಾಸ ತೆರಳಿದ್ದರು. ಈ ವೇಳೆ ಸೋಂಕು ಹರಡಿರಬಹುದು ಎಂದು ವೈದ್ಯರು ಶಂಕೆ ವ್ಯಕ್ತಪಡಿಸಿದ್ದಾರೆ.

ಮೊಹಮ್ಮದ್ ಬಿನ್ ಸಲ್ಮಾನ್ ಮತ್ತು ಅವರ ಮಂತ್ರಿಗಳು ಕೆಂಪು ಸಮುದ್ರದ ಕರಾವಳಿಯಲ್ಲಿ ಪ್ರತ್ಯೇಕವಾಗಿ ಇದ್ದಾರೆ. 84 ವರ್ಷದ ವೃದ್ಧ ರಾಜ ಸಲ್ಮಾನ್​ ಜೆಡ್ಡಾ ನಗರದಲ್ಲಿ ಕ್ವಾರಂಟೈನ್​ಗೆ ಒಳಗಾಗಿದ್ದಾರೆ.

ಸೌದಿ ಅರೇಬಿಯಾದಲ್ಲಿ ಮಾ.2ರಿಂದಲೇ ಲಾಕ್​ಡೌನ್​ ಆರಂಭವಾಗಿದೆ. ಸೌದಿ ಅರೇಬಿಯಾದಲ್ಲಿ ವೈರಸ್​ ಸೋಂಕಿಗೆ 41 ಮಂದಿ ಮೃತಪಟ್ಟಿದ್ದಾರೆ. 2795 ಮಂದಿಗೆ ಸೋಂಕು ಹರಡಿದೆ.

ಇರಾನ್​ ರಾಷ್ಟ್ರದಿಂದ ಸೌದಿಗೆ ಬಂದವರಿಂದ ಸೋಂಕು ಹರಡಿದೆ ಎಂದು ರಾಜಮನೆತನದ ಶಂಕೆ ವ್ಯಕ್ತಪಡಿಸಿದೆ. (ಏಜೆನ್ಸೀಸ್​)

https://www.vijayavani.net/home-minister-continues-with-vehicle-checking-in-attibele-near-tamilnadu-border/