VIDEO| ಬರ್ತಡೇ ವಿಶ್​ ಮಾಡಿ ಸೆಲ್ಫಿ ತೆಗೆದುಕೊಳ್ಳಲು ಬಂದ ಫ್ಯಾನ್ಸ್​ನ ತಳ್ಳಿದ ಸಂಜಯ್ ದತ್

ಮುಂಬೈ: ಜುಲೈ 29ರಂದು 65ನೇ ವಸಂತಕ್ಕೆ ಕಾಲಿಟ್ಟ ನಟ ಸಂಜಯ್​ ದತ್​ ತಮ್ಮ ಜನ್ಮದಿನವನ್ನು ಅಭಿಮಾನಿಗಳು ಹಾಗೂ ಕುಟುಂಬದವರ ಜೊತೆಗೆ ಸರಳವಾಗಿ ಆಚರಿಸಿಕೊಂಡಿದ್ದಾರೆ. ಈ ವೇಳೆ ಘಟನೆಯೊಂದು ನಡೆದಿದ್ದು, ಇದು ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದೆ. ಹಲವರು ಸಂಜಯ್​ ದತ್​ ನಡೆಗೆ ಕಿಡಿಕಾರಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಜುಲೈ 29ರಂದು ತಮ್ಮ ಜನ್ಮದಿನವನ್ನು ಆಪ್ತರ ಜೊತೆ ಆಚರಿಸಿಕೊಳ್ಳಲು ಸಂಜಯ್​ ದತ್​ ಮುಂಬೈನ ಹೋಟೆಲ್​ ಒಂದಕ್ಕೆ ಆಗಮಿಸಿದ್ದರು. ನೆಚ್ಚಿನ ನಟ ಆಗಮಿಸಿರುವ ಸುದ್ದಿ ತಿಳಿದ ಅಭಿಮಾನಿಗಳು ಸಂಜಯ್​ರನ್ನು ನೋಡಲು ಮುಗಿಬಿದ್ದಿದ್ದಾರೆ. ಅಭಿಮಾನಿಗಳು ಮುತ್ತಿಕೊಳ್ಳುತ್ತಿದ್ದಂತೆ ಕಿರಿಕಿರಿ ಅನುಭವಿಸಿದ ನಟ ಅವರನ್ನು ನೂಕಿ ಮುಂದಕ್ಕೆ ಸಾಗಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ: ರಜಿನಿಕಾಂತ್ ಸಿನಿಮಾದಲ್ಲಿ ನಟಿಸಲ್ಲ ಎಂದ ಸ್ಟಾರ್​ ಹೀರೋ; ಅಸಲಿ ಕಾರಣವೇನು ಗೊತ್ತಾ?

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಹೋಟೆಲ್​ ಒಂದರಿಂದ ಹೊರಬರುವ ಸಂಜಯ್​, ಫ್ಯಾನ್ಸ್​​ನ ಮಾತನಾಡಿಸದೆ ಹೋಗುತ್ತಿರುವುದನ್ನು ನೋಡಬಹುದಾಗಿದೆ.  ಫ್ಯಾನ್ಸ್ ಸೆಲ್ಫಿಗಾಗಿ ಒತ್ತಾಯ ಮಾಡುತ್ತಿದ್ದರು ಇದನ್ನು ಗಮನಿಸಿದ ಸಂಜಯ್​ ತಮ್ಮ ಪಾಡಿಗೆ ತಾವು ಮುಂದೆ ಸಾಗಿದ್ದಾರೆ. ಸಂಜಯ್​ಗೆ ಅಡ್ಡಲಾಗಿ ಅಭಿಮಾನಿಗಳು ನಿಂತಿದ್ದು, ಇದರಿಂದ ಕೋಪಗೊಂಡ ಸಂಜಯ್​ ಅಬಿಮಾನಿಗಳನ್ನು ನೂಕಿ ಮುಂದಕ್ಕೆ ಸಾಗಿದ್ದಾರೆ.

ಇತ್ತ ಸಂಜಯ್​ ದತ್​ ನಡೆಗೆ ಹಲವರು ಕಿಡಿಕಾರಿದ್ದು, ಅವರ ಮುಖ ನೋಡಿದರೆ ಸ್ಪಷ್ಟವಾಗಿ ಕಾಣುತ್ತದೆ ಎಷ್ಟು ಮದ್ಯ ಸೇವಿಸಿದ್ದಾರೆಂದು. ಇಂತಹ ಸಮಯದಲ್ಲಿ ಈ ರೀತಿಯಾಗುವುದು ಸಹಜ ಎಂದು ನಟನ ನಡೆ ಖಂಡಿಸಿ ನೆಟ್ಟಿಗರು ಕಮೆಂಟ್​ ಹಾಕಿದ್ದಾರೆ.

https://www.vijayavani.net/death-toll-rises-to-84-government-declares-period-of-mourning

https://www.vijayavani.net/glenn-maxwells-big-move-ahead-of-ipl-mega-auction-stuns-rcb-fans