ಮತ್ತಿಬ್ಬರು ಸ್ಟಾರ್​ ನಟರಿಗೆ ಕಾದಿದೆ ಡ್ರಗ್ಸ್​ ಗಂಡಾಂತರ... ಹೊಸ ಬಾಂಬ್​ ಸಿಡಿಸಿದ ಸಂಬರಗಿ

ಬೆಂಗಳೂರು: ಸ್ಯಾಂಡಲ್​ವುಡ್​ಗೆ ಡ್ರಗ್ಸ್​ ಮಾಫಿಯಾ ನಂಟಿನ ಪ್ರಕರಣ ಸಂಬಂಧ ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್​ ಸಂಬರಗಿ ಮತ್ತೊಂದು ಸ್ಫೋಟಕ ಬಾಂಬ್​ ಸಿಡಿಸಿದ್ದಾರೆ.

ಡ್ರಗ್ಸ್ ದಂಧೆಯಲ್ಲಿ ಎಂಎಲ್ಎ ಮಗ, ಡಾರ್ಕ್​ವೆಬ್​ ಬಳಕೆ ಮತ್ತು ಮತ್ತಿಬ್ಬರು ನಟರ ವಿಚಾರಣೆ ಸಣ್ಣ ಎಳೆಯಷ್ಟೆ ಎಂದಿರುವ ಸಂಬರಗಿ, ಮುಂದಿನ ದಿನಗಳಲ್ಲಿ ಇಬ್ಬರು ದೊಡ್ಡ ನಟರ ಸಮೇತ ಇನ್ನಷ್ಟು ಜನರ ವಿವರ ಬಹಿರಂಗ ಪಡಿಸುತ್ತೇನೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಹಿಂಟ್ ಬಿಟ್ಟುಕೊಟ್ಟಿದ್ದಾರೆ ಸಂಬರಗಿ. ಈ ಕುರಿತು ದಿಗ್ವಿಜಯ ನ್ಯೂಸ್​ ಜತೆ ಮಾತನಾಡಿದ ಸಂಬರಗಿ, 'ನಾಳೆ-ನಾಡಿದ್ದು ಸ್ಟಾರ್ ನಟರ ಬಂಡವಾಳ ಹೊರ ಬರುತ್ತೆ. ನಾಳೆ(ಶುಕ್ರವಾರ) ಇಷ್ಟೊತ್ತಿಗೆ ಅವ್ರ ಬಳಿ ಪೊಲೀಸರು ಇರ್ತಾರೆ. ದಾಖಲೆಗಳ ಸಮೇತ ನಾನೇ ನಾಳೆ ಕಂಪ್ಲೀಟ್ ಡೀಟೇಲ್ಸ್ ಹೇಳ್ತೀನಿ' ಎಂದು ಹೇಳಿದ್ದಾರೆ.

ಡ್ರಗ್ಸ್​ ಕೇಸ್​ನಲ್ಲಿ ಸ್ಯಾಂಡಲ್​ವುಡ್​ನ ಕೆಲ ನಟ-ನಟಿಯರು ಭಾಗಿಯಾಗಿದ್ದಾರೆ ಎಂದು ಆರಂಭದಿಂದಲೂ ಆರೋಪಿಸುತ್ತಿರುವ ಸಂಬರಗಿ, ಡ್ರಗ್ಸ್ ಪೆಡ್ಲರ್​ಗಳ ಜೊತೆ ಸಂಜನಾ ಗಲ್ರಾನಿ ಅಲಿಯಾಸ್​ ಮಹಿರಾ ಸಂಪರ್ಕ ಇದ್ದ ಬಗ್ಗೆ ಸಾಕಷ್ಟು ಫೋಟೋಗಳನ್ನು ಬಹಿರಂಗ ಪಡಿಸಿದ್ದರು. ಅಲ್ಲದೆ ಶಾಸಕ ಜಮೀರ್ ಅಹ್ಮದ್​ರ ಆಪ್ತ ಶೇಖ್​ ಫಾಝಿಲ್​ನ ಕ್ಯಾಸಿನೋ ಪಾರ್ಟಿ ಬಗ್ಗೆಯೂ ಪ್ರಸ್ತಾಪಿಸಿದ್ದರು. ಹಾಗಾಗ್ಗೆ ಹೊಸ ಹೊಸ ಬಾಂಬ್​ ಸಿಡಿಸುತ್ತಿರುವ ಸಂಬರಗಿ, ಇದೀಗ ಡಾರ್ಕ್ ವೆಬ್ ದಂಧೆಯಲ್ಲಿ ಸ್ಟಾರ್ ನಟರಿಬ್ಬರ ಬಣ್ಣ ಬಯಲು ಮಾಡುವುದಾಗಿ ಹೇಳಿದ್ದಾರೆ. ಆ ಮೂಲಕ 'ಎ' ಗ್ರೇಡ್ ಸ್ಟಾರ್ಸ್​ ಬೇಟೆಗೆ ಸಿಸಿಬಿ ಸಜ್ಜಾಗಿದೆ ಎಂದು ಎಚ್ಚರಿಸಿದ್ದಾರೆ.

https://www.vijayavani.net/sandalwood-actor-rockline-sudhakar-last-photo/

https://www.vijayavani.net/sandalwood-drugmafia-prashanthsambaragi-v-s-kmanju/

https://www.vijayavani.net/raginidwivedi-ravishankhar-drugspeddlerloompepper/