ಟ್ವಿಟರ್, ಇನ್ಸ್ಟಾಗ್ರಾಂನಲ್ಲಿ ಆಗಾಗ ಏನಾದರೊಂದು ಟ್ರೆಂಡ್ ಆಗುತ್ತಿರುತ್ತದೆ. ಪ್ರಸ್ತುತ ವಿಚಾರಕ್ಕಾಗಿ ಹ್ಯಾಷ್ಟ್ಯಾಗ್ ಸೇರಿಸಿ ಒಗ್ಗಟ್ಟನ್ನು ಪ್ರದರ್ಶಿಸುವ ಪದ್ರಕ್ರಿಯೆ ಅಂತಲೂ ಇದನ್ನು ಕರೆಯಬಹುದು. ಇದೀಗ ಅದೇ ರೀತಿ ಬ್ಲಾಕ್ ಆ್ಯಂಡ್ ವೈಟ್ ಫೋಟೋ ಹಂಚಿಕೊಳ್ಳುವ ಮೂಲಕ ಮಹಿಳೆಯರು ಹೊಸ ಅಭಿಯಾನ ಶುರು ಮಾಡಿದ್ದಾರೆ. ವಿದೇಶದಿಂದ ಶುರುವಾದ ಈ ಕ್ಯಾಂಪೇನ್ ಇದೀಗ ಸ್ಯಾಂಡಲ್ವುಡ್ ನಟಿಯರನ್ನೂ ಸೆಳೆದಿದೆ.
ಇದನ್ನೂ ಓದಿ: ಅಪ್ಪ-ಮಗಳಾಗಿ ಪ್ರಕಾಶ್ ರೈ, ಸಾಯಿ ಪಲ್ಲವಿ
ಚಂದನವನದ ಸಾಕಷ್ಟು ನಟಿಯರು ತಮ್ಮ ಫೋಟೋಗಳನ್ನು ಬ್ಲ್ಯಾಕ್ ಆ್ಯಂಡ್ ವೈಟ್ ಮಾಡಿಕೊಂಡು, ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡು, ಸ್ನೇಹಿತರಿಗೆ ಚಾಲೆಂಜ್ ವರ್ಗಾಯಿಸುತ್ತಿದ್ದಾರೆ. ಹಾಗಾದರೆ ಏನಿದು ಬ್ಲಾಕ್ ಆ್ಯಂಡ್ ವೈಟ್ ಚಾಲೆಂಜ್? ಇದು ಮಹಿಳೆಯರಿಗಾಗಿಯೇ ಶುರುವಾದ ಅಭಿಯಾನ. ಮಹಿಳೆಯ ಬೆಂಬಲ ಮಹಿಳೆಗೆ ಎಂಬರ್ಥದಲ್ಲಿನ ಹ್ಯಾಷ್ಟ್ಯಾಗ್ಗಳೂ ಈ ಅಭಿಯಾನದಲ್ಲಿ ಟೈಪಿಸಲ್ಪಟ್ಟಿವೆ.
ಇದನ್ನೂ ಓದಿ: ಅಬ್ದುಲ್ ಕಲಾಂ ಆಗಲಿದ್ದಾರೆ ಖ್ಯಾತ ಹಾಸ್ಯನಟ; ಹಾಲಿವುಡ್ನಲ್ಲಿ ಕೆಲಸ ಮಾಡಿದ ನಿರ್ದೇಶಕನಿಂದ ಬಯೋಪಿಕ್
ಒಟ್ಟಾರೆಯಾಗಿ ಶಕ್ತಿ, ಬೆಂಬಲ ಮತ್ತು ಸ್ವಾತಂತ್ಯ್ರದ ದೃಷ್ಟಿಯಿಂದ ಈ ರೀತಿಯ ಟ್ರೆಂಡ್ ಸದ್ಯ ಚಾಲ್ತಿಯಲ್ಲಿದೆ. ಸ್ಯಾಂಡಲ್ವುಡ್ನ ನಟಿಯರೂ ಈ ಅಭಿಯಾನಕ್ಕೆ ಕೈ ಜೋಡಿಸಿದ್ದು, ಕಪ್ಪುಬಿಳುಪಿನ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.