ಸೋಮಿ ಅಲಿ ಪ್ರಸ್ತುತ ನೋ ಮೋರ್ ಟಿಯರ್ಸ್ ಹೆಸರಿನ ಎನ್ಜಿಒ ಒಂದನ್ನು ನಡೆಸುತ್ತಿದ್ದಾರೆ. ಲೈಂಗಿಕವಾಗಿ ದೌರ್ಜನ್ಯಕ್ಕೆ ಒಳಗಾದವರ ಸಹಾಯಕ್ಕಾಗಿ ಎನ್ಜಿಒ ಅನ್ನು ನಡೆಸಲಾಗುತ್ತಿದೆ. ಈ ಎನ್ಜಿಒ ಆರಂಭಿಸಿದ ನಂತರ ಧೈರ್ಯ ತಂದುಕೊಂಡಿರುವುದಾಗಿ ಹೇಳಿರುವ ಸೋಮಿ, ತಮ್ಮ ಕಥೆಯನ್ನು ಹಂಚಿಕೊಂಡಿದ್ದಾರೆ. ನಾನು ಆಗ ಪಾಕಿಸ್ತಾನದಲ್ಲಿದ್ದೆ. ಮೂರು ವರ್ಷದವಳಿದ್ದಾಗಲೇ ನನ್ನ ಮೇಲೆ ಲೈಂಗಿಕ ದೌರ್ಜನ್ಯವಾಯಿತು. ಈ ವಿಚಾರವನ್ನು ನಾನು ನನ್ನ ತಂದೆ ತಾಯಿಯ ಬಳಿ ಹೇಳಿಕೊಂಡೆ. ತಪ್ಪಿತಸ್ತರಿಗೆ ಶಿಕ್ಷೆಯೂ ಆಯಿತು. ಆದರೆ ನನ್ನ ತಂದೆ ತಾಯಿ ಆಗ ನನಗೆ ಬುದ್ಧಿ ಹೇಳಿದ್ದರು. ಇಂತಹ ವಿಚಾರವನ್ನು ಯಾರೊಂದಿಗೂ ಹೇಳಬಾರದು ಎಂದು ಹೇಳಿದ್ದರು. ನಾನು ಆಗ ನಾನೇನೋ ತಪ್ಪು ಮಾಡಿದೆ ಎಂದು ತಿಳಿದಿದ್ದೆ.
