ರಂಜಾನ್​ ಪ್ರಯುಕ್ತ ಸಲ್ಮಾನ್​ ಕಡೆಯಿಂದ 5 ಸಾವಿರ ಕುಟುಂಬಗಳಿಗೆ ವಿಶೇಷ ಗಿಫ್ಟ್​!

ಕರೊನಾ ಲಾಕ್​ಡೌನ್​ ಹೊತ್ತಲ್ಲಿ, ಮನರಂಜನೆ ನೀಡುವುದರ ಜತೆಗೆ ಸದಾ ಒಂದಿಲ್ಲೊಂದು ಕಾರ್ಯದಲ್ಲಿ ತೊಡಗಿಸಿಕೊಂಡು ಜನಸೇವೆಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ ಬಾಲಿವುಡ್​ ನಟ ಸಲ್ಮಾನ್ ಖಾನ್​. ನಿರ್ಗತಿಕರಿಗೆ, ಸಿನಿಮಾ ಕಾರ್ಮಿಕರಿಗೆ ಈಗಾಗಲೇ ಬಾಯಿಜಾನ್​ ಮನ ಮಿಡಿದಿದೆ. ಕೋಟಿ ಕೋಟಿ ಹಣವನ್ನು ಹಲವು ಸಂಘಟನೆಗಳಿಗೆ ನೀಡಿದ್ದಾರೆ. ಇದೀಗ ರಂಜಾನ್​ ಹಬ್ಬದ ಪ್ರಯುಕ್ತ 5 ಸಾವಿರ ಕುಟುಂಬಗಳಿಗೆ ವಿಶೇಷ ಉಡುಗೊರೆ ನೀಡಿದ್ದಾರೆ.

ಇದನ್ನೂ ಓದಿ: ಪ್ರಣೀತಾ ಶಭಾಷ್: ಗ್ಲಾಮರ್ ಹುಡುಗಿಯ ಇನ್ನೊಂದು ಮುಖ

ಹೌದು, ರಂಜಾನ್​ ಅಂದ ತಕ್ಷಣ ಹಬ್ಬದ ಪ್ರಯುಕ್ತ ಸಿಹಿ ಶಾವಿಗೆ ಮಾಡುವುದು ಸಂಪ್ರದಾಯ. ಆ ಶಾವಿಗೆ ಮಾಡಲು ಬೇಕಾದ ಎಲ್ಲ ತರಹದ ಪದಾರ್ಥಗಳನ್ನು ಒಂದೆಡೆ ಸೇರಿಸಿ ಕಿಟ್​ ರೂಪದಲ್ಲಿ 5 ಸಾವಿರ ಕುಟುಂಬಗಳಿಗೆ ಹಂಚಿಕೆ ಮಾಡಲಾಗಿದೆ. ಹಾಲು, ತುಪ್ಪ, ಗೋಡಂಬಿ, ಬಾದಾಮ್, ಪಿಸ್ತಾ, ದ್ರಾಕ್ಷಿ, ಒಣಕೊಬ್ಬರಿ, ಸಕ್ಕರೆ ಸೇರಿ ಹಲವು ಪದಾರ್ಥಗಳು ಕಿಟ್​ನಲ್ಲಿವೆ. ಮುಂಬೈ ನಗರದಲ್ಲಿನ ಕೊಳಗೇರಿ ಪ್ರದೇಶದ ಬಹುತೇಕರಿಗೆ ಈ ಕಿಟ್​ ವಿತರಿಸಲಾಗಿದ್ದು, ಭಾಯಿಜಾನ್​ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ.

ಇದನ್ನೂ ಓದಿ: ಶೂಟಿಂಗ್ ಶುರು ಮಾಡಿದ ಅಕ್ಷಯ್ ಕುಮಾರ್ …

ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಇಷ್ಟೊತ್ತಿಗಾಗಲೇ ಸಲ್ಮಾನ್​ ಖಾನ್​ ನಟನೆಯ ರಾಧೆ ಚಿತ್ರ ಈದ್​ ಪ್ರಯುಕ್ತ ಬಿಡುಗಡೆ ಆಗಬೇಕಿತ್ತು. ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸದ್ಯಕ್ಕೆ ಮುಂದೂಡಲ್ಪಟ್ಟಿದೆ. ಅಭಿಮಾನಿಗಳಲ್ಲಿನ ಆ ಬೇಸರವನ್ನು ಕಳೆಯುವ ನಿಟ್ಟಿನಲ್ಲಿ, ಈದ್ ಪ್ರಯುಕ್ತ ತಾವೇ ಧ್ವನಿ ನೀಡಿದ ಭಾಯಿ ಭಾಯಿ ಹೆಸರಿನ ಹಾಡನ್ನು ಬಿಡುಗಡೆ ಮಾಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/karan-johars-domestic-helps-test-positive-for-coronavirus/