ಸಲ್ಮಾನ್​ಖಾನ್​ ನೀಡಿದ 2 ಸಿನಿಮಾ ಆಫರ್​​ ತಿರಸ್ಕರಿಸಿದೆ ಆದರೂ..; ಕಂಗನಾ ರಣಾವತ್ ಹೀಗೆಳಿದ್ದೇಕೆ?

ಮುಂಬೈ: ಬಾಲಿವುಡ್​ ಕ್ವೀನ್​ ಕಂಗನಾ ರಣಾವತ್​​ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಸಿನಿಮಾ ಮತ್ತು ರಾಜಕಾರಣ ಎರಡರಲ್ಲೂ ಸಕ್ರಿಯರಾಗಿರುವ ನಟಿ ಕಂಗನಾ ಒಂದಲ್ಲ ಒಂದು ಕಾರಣಕ್ಕೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಲವು ಬಾರಿ ಟ್ರೋಲ್​ ಆಗಿದ್ದಾರೆ.

ಇದನ್ನು ಓದಿ: ‘ಆಗ್ರಾ’ದಲ್ಲಿನ ರುಹಾನಿ ಶರ್ಮಾ ಇಂಟಿಮೇಟ್​​​ ​​ದೃಶ್ಯ ವೈರಲ್​​; ನನ್ನ ಆಯ್ಕೆಗೆ…ನಟಿ ಹೇಳಿದ್ದಿಷ್ಟು

ಕೆಲ ದಿನಗಳ ಹಿಂದೆಯಷ್ಟೇ ಬಾಲಿವುಡ್​​ನ ಮೂವರು ಖಾನ್​ಗಳ ಸಿನಿಮಾ ನಿರ್ದೇಶನ ಮಾಡುವ ಆಸೆಯಿದೆ ಎಂದು ಕಂಗನಾ ರಣಾವತ್ ಹೇಳಿದ್ದರು. ಈ ಬಾರಿ ಅವರು ಸಲ್ಮಾನ್​ಖಾನ್​​ ಅವರು ತಮಗೆ ನೀಡಿದ ಸಿನಿಮಾ ಆಫರ್​ಗಳ ಬಗ್ಗೆ ಮಾತನಾಡಿ ಸುದ್ದಿಯಲ್ಲಿದ್ದಾರೆ.

ಹೌದು ಇತ್ತೀಚಿಗಿನ ಸಂದರ್ಶನವೊಂದರಲ್ಲಿ ಕಂಗನಾ ರಣಾವತ್, ಸಲ್ಮಾನ್​ ಖಾನ್​ ಅವರು ನನಗೆ ಸುಲ್ತಾನ್​​ ಮತ್ತು ಬಜರಂಗಿ ಭಾಯಿಜಾನ್​ ಸಿನಿಮಾಗಳಿಗೆ ಆಫರ್​ ನೀಡಿದ್ದರು. ಆದರೆ ನಾನು ‘ಯೇ ಕ್ಯಾ ರೋಲ್​ ದಿಯಾ ಹೈ?’ (ಯಾವ ಪಾತ್ರಗಳನ್ನು ನೀಡಿದ್ದೀರಿ) ಎಂದು ಹೇಳಿ ತಿರಸ್ಕರಿಸಿದೆ. ಸುಲ್ತಾನ್​ ಚಿತ್ರದ ಪಾತ್ರವೊಂದಕ್ಕೆ ನನ್ನನ್ನು ಸಂಪರ್ಕಿಸಿದರು. ಆದರೆ ನಾನು ಅದನ್ನು ನಾನು ತೆಗೆದುಕೊಳ್ಳಲಿಲ್ಲ ಎಂದು ಹೇಳಿದ್ದಾರೆ.

ನನ್ನ ಪ್ರತಿಕ್ರಿಯೆಗೆ ಸಲ್ಮಾನ್​ ಅವರು, ನಾನು ನಿಮಗೆ ಬೇರೆ ಯಾವ ಪಾತ್ರ ನೀಡಲಿ ಎಂದು ಹೇಳಿದರು. ಎರಡು ಸಿನಿಮಾದಲ್ಲಿ ನನಗೆ ನೀಡಿದ ಪಾತ್ರಗಳನ್ನು ತಿರಸ್ಕರಿಸಿದ ಬಳಿಕವೂ ಸಲ್ಮಾನ್​ಖಾನ್​ ಅವರು ನನ್ನನ್ನು ಚೆನ್ನಾಗಿಯೇ ಮಾತನಾಡಿಸುತ್ತಾರೆ. ಅಲ್ಲದೆ ಅವರು ನನ್ನ ಮುಂದಿನ ಸಿನಿಮಾ ಎಮರ್ಜೆನ್ಸಿ ನೋಡಲು ಉತ್ಸುಕರಾಗಿದ್ದಾರೆ ಎಂದು ಕಂಗನಾ ರಣಾವತ್ ತಿಳಿಸಿದರು.

ಕಂಗನಾ ಅವರ ಮುಂದಿನ ಸಿನಿಮಾ ಎಮರ್ಜೆನ್ಸಿ, ದೇಶದಲ್ಲಿನ ತುರ್ತು ಪರಿಸ್ಥಿತಿ ಹೇರಿದ ಅವಧಿಯನ್ನು ಆಧರಿಸಿದೆ. ಕಂಗನಾ ರಣಾವತ್​ ಭಾರತದ ಮಾಜಿ ಪ್ರಧಾನಿ ಇಂದಿರಾಗಾಂಧಿ ಅವರ ಪಾತ್ರದಲ್ಲಿ ನಟಿಸಿದ್ದಾರೆ. ಸಿನಿಮಾ 2024 ಸೆಪ್ಟೆಂಬರ್​​ 6ರಂದು ಬಿಡುಗಡೆಯಾಗಲಿದೆ. ಸಿನಿಮಾದಲ್ಲಿ ಅನುಪಮ್ ಖೇರ್, ಮಹಿಮಾ ಚೌಧರಿ, ಮಿಲಿಂದ್ ಸೋಮನ್, ಶ್ರೇಯಸ್ ತಲ್ಪಾಡೆ, ವಿಶಾಕ್ ನಾಯರ್ ಮತ್ತು ದಿವಂಗತ ಸತೀಶ್ ಕೌಶಿಕ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/bangladesh-revokes-sheikh-hasinas-diplomatic-passport-what-her-next-move