ಅಭಿಮಾನಿ ಪಾಲಿಗೆ ಬೆಳಕಾದ ನಟ ಸಲ್ಮಾನ್​ ಖಾನ್​; ವೈದ್ಯಲೋಕಕ್ಕೆ ಅಚ್ಚರಿ ತಂದ ಘಟನೆ!

ಮುಂಬೈ: ಸೆರೆಬ್ರೆಲ್​ ಪಾಲ್ಸಿ ಎಂಬ ಖಾಯಿಲೆಯಿಂದ ತೀವ್ರ ಬಳಲುತ್ತಿದ್ದ ಅಮೀನಾ ಎಂಬ ಪುಟ್ಟ ಹುಡುಗಿ, ಬಾಲಿವುಡ್ ನಟ​ ಸಲ್ಮಾನ್​ ಖಾನ್ ಅವರ ಅಪ್ಪಟ ಅಭಿಮಾನಿ. ವೈದ್ಯರಿಂದ ಬಾಲಕಿಯನ್ನು ಗುಣಪಡಿಸಲು ಅಸಾಧ್ಯ ಎಂದು ಈ ಹಿಂದೆ ಹೇಳಲಾಗಿತ್ತು. ಆದ್ರೆ, ತನ್ನ ನೆಚ್ಚಿನ ನಟನನ್ನು ನೋಡಿದ ಬಳಿಕ ಅಮೀನಾ ಆರೋಗ್ಯದಲ್ಲಿ ಇದೀಗ ಚೇತರಿಕೆ ಕಂಡುಬಂದಿರುವುದು ವೈದ್ಯಲೋಕಕ್ಕೆ ಅಚ್ಚರಿ ಮೂಡಿಸಿದೆ.

ಇದನ್ನೂ ಓದಿ: ಮೂರು ತಿಂಗಳಿಂದ 15 ಕೆಜಿ ಚಿನ್ನ ಉತ್ಪಾದನೆಯಲ್ಲಿ ಹಿನ್ನೆಡೆ

ಅಮೀನಾ ಎಂಬ ಬಾಲಕಿ ನಟ ಸಲ್ಮಾನ್ ಖಾನ್ ಅವರ ದೊಡ್ಡ ಅಭಿಮಾನಿಯಾಗಿದ್ದು, ಸೆರೆಬ್ರೆಲ್​ ಪಾಲ್ಸಿ ಎಂಬ ಖಾಯಿಲೆಗೆ ತುತ್ತಾಗಿದ್ದರು. ಕುಟುಂಬದವರು ಅಮೀನಾಳನ್ನು ಗುಣಪಡಿಸಲು ಹೆಚ್ಚಿನ ಚಿಕಿತ್ಸೆಗೆ ದೆಹಲಿ, ಮುಂಬೈನ ಹೆಸರಾಂತ ಆಸ್ಪತ್ರೆಗಳಿಗೆ ಭೇಟಿ ನೀಡಿದ್ದಾರೆ. ಆದ್ರೆ, ಎಲ್ಲಿಯೂ ಕೂಡ ಅಮೀನಾ ಖಾಯಿಲೆ ಗುಣವಾಗಿರಲಿಲ್ಲ.

ಸಲ್ಮಾನ್​ ಅವರ ಸ್ಟೈಲ್, ಉಡುಗೆ-ತೊಡುಗೆಯನ್ನು ಅನುಸರಿಸುವ ಅಮೀನಾ, ಪ್ರತಿವರ್ಷ ತನ್ನ ನೆಚ್ಚಿನ ನಟನ ಜನ್ಮದಿನವನ್ನು ವಿಶೇಷವಾಗಿ ಆಚರಿಸುತ್ತಾರೆ. ಇನ್​ಸ್ಟಾಗ್ರಾಮ್​ನಲ್ಲಿ BEING HUMAN​ ಸಂಸ್ಥೆಯ ಮೂಲಕ ನಟ ಸಲ್ಮಾನ್​ ಖಾನ್​ ಅವರನ್ನು ಭೇಟಿ ಮಾಡಲು ಅವಕಾಶ ಕಲ್ಪಿಸಿಕೊಡಲಾಗಿತ್ತು.

ಇದನ್ನೂ ಓದಿ: ಇದೇ ವರ್ಷ ಕಿಚ್ಚ46 : 50ನೇ ಚಿತ್ರದ ಕಥೆಯನ್ನೂ ಕೇಳಿದ್ದಾರಂತೆ ಕಿಚ್ಚ ಸುದೀಪ್​

ಸಲ್ಮಾನ್ ಅವರ ಭೇಟಿಗೂ ಮುನ್ನ ಅಮೀನಾ ಕೈಗಳು ತೆರೆಯಲಾಗುತ್ತಿರಲಿಲ್ಲ. ಆದ್ರೆ, ಇದೀಗ ನಟನ ನಿವಾಸದಲ್ಲಿ ಅವರನ್ನು ನೋಡಿದ ಬಳಿಕ ಬಾಲಕಿಯ ಆರೋಗ್ಯದಲ್ಲಿ ಪವಾಡದಂತೆ ಚೇತರಿಕೆ ಕಂಡಬಂದಿದೆ ಎಂದು ಅಮೀನಾ ತಾಯಿ ಮತ್ತು ಕುಟುಂಬದವರು ಸಲ್ಮಾನ್ ಖಾನ್​ಗೆ ಧನ್ಯವಾದ ತಿಳಿಸಿದ್ದಾರೆ. ಸದ್ಯ ಈ ಘಟನೆ ವೈದ್ಯಲೋಕವನ್ನೇ ಅಚ್ಚರಿ ಪಡುವಂತೆ ಮಾಡಿದೆ.

ಖುದ್ದಾಗಿ ಅಮೀನಾಳನ್ನು ತಮ್ಮ ನಿವಾಸದಲ್ಲಿ ಭೇಟಿ ಮಾಡಿದ ಸಲ್ಮಾನ್​ ಖಾನ್​, ಕೆಲ ಸಮಯ ಬಾಲಕಿಯೊಂದಿಗೆ ಮಾತನಾಡಿ, ಅವರ ಮುಂದಿನ ಖರ್ಚು-ವೆಚ್ಚವನ್ನು ಭರಿಸುವುದಾಗಿ ಧೈರ್ಯ ಹೇಳಿದ್ದಾರೆ. ಈ ಬಗ್ಗೆ ಮಾತನಾಡಿದ ಅಮೀನಾ ತಾಯಿ, "ನನ್ನ ಮಗಳು ಎದ್ದು ಓಡಾಡುವುದಕ್ಕೂ ಕಷ್ಟ ಪಡುತ್ತಿದ್ದಳು. ಈಗ ಆರಾಮದಾಯಕವಾಗಿ ಮಾತನಾಡುತ್ತಾಳೆ. ಅವಳು ಸಲ್ಮಾನ್ ಖಾನ್​​​​ ಅವರ ದೊಡ್ಡ ಅಭಿಮಾನಿ, ಅವರ ಸಿನಿಮಾಗಳು, ಬಿಗ್​ ಬಾಸ್​​ ಶೋ ಅನ್ನು ಮಿಸ್​ ಮಾಡದೆ ನೋಡುತ್ತಾಳೆ" ಎಂದು ಹೇಳಿದ್ದಾರೆ.

https://www.vijayavani.net/raj-b-shetty-speaks-about-the-begining-of-toby