ಖಾನ್​ಗಳ ತರಹ ಸೂಪರ್​ಸ್ಟಾರ್​ ಆಗದಿದ್ದೇ ಓಳ್ಳೆಯದಾಯ್ತು ಅಂತ ಸೈಫ್​ ಹೇಳಿದ್ದೇಕೆ?

ಮುಂಬೈ: ಎಲ್ಲ ಹೀರೋಗಳಿಗೂ ತಾನು ದೊಡ್ಡ ಸ್ಟಾರ್ ಆಗಬೇಕು, ಸೂಪರ್​ಸ್ಟಾರ್​ ಆಗಿ ಮಿಂಚಬೇಕು ಎಂಬ ಆಸೆ ಇದ್ದೇ ಇರುತ್ತದೆ. ಆದರೆ, ನಟ ಸೈಫ್​ ಅಲಿ ಖಾನ್​ಗೆ ಮಾತ್ರ ಬೇರೆ ಖಾನ್​ಗಳ ತರಹ ಸೂಪರ್​ಸ್ಟಾರ್​ ಆಗದಿದ್ದೇ ಒಳ್ಳೆಯದಾಯ್ತು ಅಂತ ಅನಿಸಿದೆ. ಇದ್ಯಾಕಪ್ಪಾ ಹೀಗೆ? ಎಂಬ ಪ್ರಶ್ನೆಯನ್ನು ಸಂದರ್ಶನವೊಂದರಲ್ಲಿ ಮುಂದಿಟ್ಟಾಗ, ಅದಕ್ಕೆ ಅವರು ವಿವರಣೆ ನೀಡಿದ್ದಾರೆ.

ಇದನ್ನೂ ಓದಿ: ನಟ ಸಿಹಿಕಹಿ ಚಂದ್ರು ವಿರುದ್ಧ ಪೊಲೀಸರಿಗೆ ದೂರು; ಕ್ಷಮೆ ಯಾಚಿಸಲು ಆಗ್ರಹ

'ನಾನು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಸಂದರ್ಭದಲ್ಲಿ ಸೂಪರ್​ಸ್ಟಾರ್​ಡಂಗಾಗಿ ಪೈಪೋಟಿ ನಡೆಯುತ್ತಿತ್ತು. ಸಲ್ಮಾನ್​ ಖಾನ್​, ಆಮೀರ್​ ಖಾನ್​ ಮತ್ತು ಶಾರೂಖ್​ ಖಾನ್​ ನಡುವೆ ಯಾರು ಸೂಪರ್​ಸ್ಟಾರ್​ ಎಂಬ ಸ್ಪರ್ಧೆ ಸತತವಾಗಿ ನಡೆಯುತ್ತಲೇ ಇತ್ತು. ನಾನು ಆ ಪೈಪೋಟಿಗೆ ಹೋಗಲಿಲ್ಲ. ಬಹುಶಃ ಸೂಪರ್​ಸ್ಟಾರ್​ ಆಗಿಬಿಟ್ಟಿದ್ದರೆ, ಪ್ರಯೋಗ ಮಾಡುವುದಕ್ಕೆ ಸಾಧ್ಯವಾಗುತ್ತಿರಲಿಲ್ಲ. ಅಷ್ಟೇ ಅಲ್ಲ, ಒಬ್ಬ ನಟನಾಗಿ ನನ್ನದೇ ಇನ್ನೊಂದು ದಾರಿಯಲ್ಲಿ ನಡೆಯುವುದಕ್ಕೆ ಸಾಧ್ಯವಾಗುತ್ತಿರಲಿಲ್ಲ' ಎಂದು ಸೈಫ್​ ಅಲಿ ಖಾನ್​ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ರಶ್ಮಿಕಾನಾ… ಆಲಿಯಾನಾ?; ಯಾರಾಗ್ತಾರೆ ರಾಮ್​ಚರಣ್​ ಚಿತ್ರದ ನಾಯಕಿ..!

ತಮ್ಮ ಯಶಸ್ಸಿಗೆ ಅಕ್ಷಯ್​ ಕುಮಾರ್​ಗೆ ಸಹ ಕ್ರೆಡಿಟ್​ ನೀಡುವ ಸೈಫ್​, ಬಹುಶಃ ಅಕ್ಷಯ್​ ಇಲ್ಲದಿದ್ದರೆ ತಾನು ಇಷ್ಟು ಗುರುತಿಸಿಕೊಳ್ಳುವುದಕ್ಕೆ ಸಾಧ್ಯವಿರಲಿಲ್ಲ ಎನ್ನುತ್ತಾರೆ. 'ಆರಂಭದಲ್ಲಿ ನಾನು, ಅಕ್ಷಯ್​ ಹಲವು ಚಿತ್ರಗಳಲ್ಲಿ ಜತೆಯಾಗಿ ನಟಿಸಿದ್ದೇವೆ. ನಾನು ಕ್ಯೂಟ್​ ಆಗಿದ್ದೆ ಮತ್ತು ತಮಾಷೆ ಮಾಡುತ್ತಿದ್ದೆ. ಅಕ್ಷಯ್​ ಬಹಳ ಗಂಭೀರವಾಗಿರುತ್ತಿದ್ದರು. ಹಾಗಾಗಿ, ನಮ್ಮ ಜೋಡಿ ಹಿಟ್​ ಆಯಿತು ಮತ್ತು ನಾವಿಬ್ಬರು ಹಲವು ಚಿತ್ರಗಳಲ್ಲಿ ನಟಿಸುವಂತಾಯಿತು. ಬಹುಶಃ ಅವರಿಲ್ಲದಿದ್ದರೆ ನಾನು ಪರಿಪೂರ್ಣನಾಗುತ್ತಿರಲಿಲ್ಲ. ಹಾಗೆಯೇ, ನಾನಿಲ್ಲದೆ ಅವರು ಪರಿಪೂರ್ಣರಾಗುತ್ತಿರಲಿಲ್ಲವೇನೋ. ಹಾಗಾಗಿಯೇ, ನಾವಿಬ್ಬರೂ ಇವತ್ತಿಗೂ ಒಳ್ಳೆಯ ಗೆಳೆಯರಾಗಿ ಉಳಿದುಕೊಂಡಿದ್ದೇವೆ' ಎನ್ನುತ್ತಾರೆ ಸೈಫ್​ ಅಲಿ ಖಾನ್​.

https://www.vijayavani.net/actress-priyanka-thimmesh-in-album-song/