ಸದ್ಗುರು ಮಣ್ಣು ರಕ್ಷಿಸಿ ಅಭಿಯಾನ; ಹೇಗಿತ್ತು ಮೊದಲ ವಾರ?

ಲಂಡನ್: ಮಣ್ಣಿನ ರಕ್ಷಣೆ ಸಲುವಾಗಿ ಈಶ ಫೌಂಡೇಷನ್​ನ ಸದ್ಗುರು ಅವರು ಹಮ್ಮಿಕೊಂಡಿರುವ ಮಣ್ಣು ರಕ್ಷಿಸಿ ಅಭಿಯಾನಕ್ಕೆ ಮಾ. 21ರಂದು ಲಂಡನ್​ನಲ್ಲ ಚಾಲನೆ ಸಿಕ್ಕಿದ್ದು, ಇದೀಗ ಒಂದು ವಾರವನ್ನು ಪೂರೈಸಿದ್ದು, ಅದರ ಸಂಕ್ಷಿಪ್ತ ವಿವರ ಇಲ್ಲಿದೆ. ಈ ಒಂದು ವಾರದಲ್ಲಿ ಅವರು ಮಣ್ಣಿನ ಕುರಿತು ಮಾತಾಡಿ, ಮಣ್ಣಿನ ಕುರಿತು ಹಾಡಿ, ಮಣ್ಣನ್ನೇ ಉಸಿರಾಗಿಸಿ, ಮಣ್ಣಿಂದಲೇ ಬಾಳಿ ಎಂದು ಎಲ್ಲೆಡೆ ಒತ್ತಾಸೆ ವ್ಯಕ್ತಪಡಿಸಿದರು.

ಮಣ್ಣು ರಕ್ಷಣೆ ಕುರಿತು ಜಾಗೃತಿ ಮೂಡಿಸುವ ಸಲುವಾಗಿ ಸದ್ಗುರು ಏಕಾಂಗಿ ಬೈಕ್ ಪ್ರಯಾಣವನ್ನು ಕೈಗೊಂಡಿದ್ದು, ಈ ಅಭಿಯಾನದಲ್ಲಿ ಅವರು 27 ರಾಷ್ಟ್ರಗಳಲ್ಲಿ ಒಟ್ಟು 30 ಸಾವಿರ ಕಿ.ಮೀ. ದೂರವನ್ನು 100 ದಿನಗಳಲ್ಲಿ ಪೂರೈಸಲಿದ್ದಾರೆ. ಲಂಡನ್​ನಿಂದ ಆರಂಭವಾದ ಈ ಪ್ರಯಾಣವು ಯುಕೆ, ಯುರೋಪ್, ಏಷ್ಯಾ ಮತ್ತು ಮಧ್ಯಪ್ರಾಚ್ಯದ ಮೂಲಕ ಹಾದುಹೋಗುತ್ತದೆ. ಮಣ್ಣಿನ ರಕ್ಷಣೆ ಕುರಿತು ಜಾಗೃತಿ ಮೂಡಿಸಲು ಮತ್ತು ಮಣ್ಣಿನ ಅಳಿವನ್ನು ತಡೆಗಟ್ಟಲು ತುರ್ತು ನೀತಿ ಉಪಕ್ರಮಗಳಿಗಾಗಿ ರಾಜಕೀಯ ಮತ್ತು ಸಾರ್ವಜನಿಕ ಒಮ್ಮತವನ್ನು ನಿರ್ಮಿಸುವ ಗುರಿಯನ್ನು ಈ ಅಭಿಯಾನ ಹೊಂದಿದೆ.

ಅಭಿಯಾನ ಪ್ರಾರಂಭದ ಮುನ್ನಾ ದಿನಗಳು ಶಾಸಕರು, ಪ್ರಭಾವಿಗಳು ಮತ್ತು ಸಾರ್ವಜನಿಕರೊಂದಿಗೆ ಸದ್ಗುರುಗಳ ಸಂವಾದಗಳನ್ನು ಒಳಗೊಂಡಿದ್ದು ಮಣ್ಣಿನ ಅಳಿವಿನ ತುರ್ತು ಸಮಸ್ಯೆಯತ್ತ ಗಮನ ಸೆಳೆಯುವ ಉದ್ದೇಶವನ್ನು ಹೊಂದಿದೆ.

ನೆದರ್ಲೆಂಡ್ಸ್​ ಕಡೆಗೆ ಸಾಗಲು ಯು.ಕೆ. ಕರಾವಳಿಯಲ್ಲಿ ಪಯಣ

ಸದ್ಗುರುಗಳು ಯುನೈಟೆಡ್ ಕಿಂಗ್‌ಡಮ್‌ನಿಂದ ನೆದರ್ಲೆಂಡ್ಸ್​ಗೆ ತೆರಳುತ್ತಿದ್ದಂತೆ, ಸಾಂಪ್ರದಾಯಿಕ ಡಚ್ ಸಂಗೀತ ಸಭೆ ಮತ್ತು ಸ್ಥಳೀಯ ಸ್ವಯಂಸೇವಕರ ಹರ್ಷೋದ್ಗಾರದೊಂದಿಗೆ ಅವರನ್ನು ಸ್ವಾಗತಿಸಲಾಯಿತು. ತಮ್ಮ ಬಿಡುವಿಲ್ಲದ ಕಾರ್ಯಬಾಹುಳ್ಯದ ನಡುವೆಯೂ ಸದ್ಗುರುಗಳ ಸಾರ್ವಜನಿಕ ತೊಡಗಿಸಿಕೊಳ್ಳುವಿಕೆಗಳು ಕೊಪ್ಪರ್ಟ್ ಅನುಭವ ಕೇಂದ್ರದಲ್ಲಿ ಪ್ಯಾನೆಲ್ ಚರ್ಚೆ ಮತ್ತು ಹೇಗ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯಲ್ಲಿ ಪತ್ರಕರ್ತರನ್ನು ಉದ್ದೇಶಿಸಿ ಅವರ ಭಾಷಣವನ್ನು ಒಳಗೊಂಡಿದ್ದವು.

ಈ ಸಂದರ್ಭದಲ್ಲಿ ಸದ್ಗುರುಗಳು ನಗರ ಪ್ರದೇಶಗಳಿಗೆ ಬೃಹತ್‌ ಪ್ರಮಾಣದ ಜನಸಂಖ್ಯೆಯ ಆತಂಕಕಾರಿ ವಲಸೆಯು ಮಣ್ಣಿನ ಅಳಿವಿನ ಮತ್ತು ಕ್ಷಾಮದ ಮೊದಲ ಹೆಜ್ಜೆಯೆಂದು ವಿವರಿಸಿದರು. ದಿನದ ಮೊದಲ ಸಂವಾದವನ್ನು ಪ್ರಸಿದ್ಧ ಟಿವಿ ಸರಣಿ ಗೇಮ್ ಆಫ್ ಥ್ರೋನ್ಸ್​ನ ಕ್ಯಾರಿಸ್ ವ್ಯಾನ್ ಹೌಟನ್ ಅವರು ಮತ್ತು ಜಾಗತಿಕ ಸುಸ್ಥಿರತೆಯ ಸಮಸ್ಯೆಗಳ ಕುರಿತು ಅಂತರಾಷ್ಟ್ರೀಯವಾಗಿ ಗುರುತಿಸಲ್ಪಟ್ಟ ವಿಜ್ಞಾನಿ ಜೋಹಾನ್ ರಾಕ್‌ಸ್ಟ್ರಾಮ್ ಆಯೋಜಿಸಿದ್ದರು. ಕ್ಯಾರಿಸ್ ಅವರು ಮಣ್ಣಿನ ಬಗ್ಗೆ ತಮ್ಮ ಆಳವಾದ ಕಾಳಜಿಯನ್ನು ವಿಶೇಷವಾಗಿ ವ್ಯಕ್ತಪಡಿಸಿದರೆ, ಸದ್ಗುರು ಮುಂದಿನ ಪೀಳಿಗೆಗೆ ಈ ಪರಂಪರೆಯನ್ನು ಸಂರಕ್ಷಿಸುವ ಮಹತ್ವದ ಬಗ್ಗೆ ಮಾತನಾಡಿದರು.

ಬರ್ಲಿನ್ ರಸ್ತೆಗಳು: ಅಭಿಯಾನದ ಆಂತರಿಕ ಭಾಗವಾಗಿ ಡಚ್ ಜನರನ್ನು ಒಂದುಗೂಡಿಸುತ್ತ, ಸದ್ಗುರು ಜರ್ಮನಿಯ ರಾಜಧಾನಿ ಬರ್ಲಿನ್ ತಲುಪಲು ತಮ್ಮ ಬೈಕ್ ಪ್ರಯಾಣ ಮುಂದುವರಿಸಿದರು. ಹೆಸರಾಂತ ನರ್ತಕಿ ಮತ್ತು ನೃತ್ಯ ಸಂಯೋಜಕಿ ನಿಕೇಟಾ ಥಾಂಪ್ಸನ್ ಅಥವಾ ನಟಿ ಮತ್ತು ಮಾನವತಾವಾದಿ ಟೋನಿ ಗಾರ್ನ್ ಅವರೊಂದಿಗಿನ ಸಂಭಾಷಣೆಯೇ ಆಗಿರಲಿ, ಮಣ್ಣನ್ನು ಉಳಿಸುವ ಸಂದೇಶವು ನಿಸ್ಸಂದಿಗ್ಧವಾಗಿತ್ತು. ಸದ್ಗುರು ಬಲವಂತದ ವಲಸೆ ಮತ್ತು ಯುದ್ಧದಂತಹ ದೂರಗಾಮಿ ಪರಿಣಾಮಗಳ ಕುರಿತು ವಿವರಿಸುತ್ತ, ಮಣ್ಣಿನ ಅಳಿವಿನ ದುಷ್ಪರಿಣಾಮವನ್ನು ಒತ್ತಿ ಹೇಳಿದರು.

ಜರ್ಮನಿಯ ಮೂಲಕ ಸವಾರಿ ಮಾಡುವಾಗ, ಸದ್ಗುರುಗಳೊಂದಿಗೆ ಮಣ್ಣು ಉಳಿಸಿ ಅಭಿಯಾನದ ಸ್ವಯಂಸೇವಕರು ತಮ್ಮ ಸೃಜನಾತ್ಮಕ ಭಾಗವನ್ನು ಹೊರತಂದರು ಮತ್ತು ಬರ್ಲಿನ್‌ನಲ್ಲಿ ಗೋಡೆಯ ಮೇಲೆ ಚಿತ್ರಿಸಿದ ಮಣ್ಣು ಉಳಿಸಿ ಗ್ರಾಫಿಟಿ ಚಿತ್ರಕಲೆಯನ್ನು ಪ್ರದರ್ಶಿಸಿದರು. ಮಣ್ಣನ್ನು ಉಳಿಸುವ ತಮ್ಮ ಬದ್ಧತೆಯನ್ನು ವ್ಯಕ್ತಪಡಿಸಲು ಪ್ರತಿಯೊಬ್ಬರನ್ನು ಪ್ರೋತ್ಸಾಹಿಸುವುದು- ಅದು ಯಾವುದೇ ರೂಪದಲ್ಲಿರಬಹುದು- “ಮಣ್ಣ ಕುರಿತು ಮಾತಾಡಿ, ಮಣ್ಣ ಕುರಿತು ಹಾಡಿ, ಮಣ್ಣನ್ನೇ ಉಸಿರಾಗಿಸಿ, ಮಣ್ಣಿಂದಲೇ ಬಾಳಿ” ಎಂಬ ಸಂದೇಶವು ಜೋರಾಗಿ ಮತ್ತು ಸ್ಪಷ್ಟವಾಗಿತ್ತು.

ಪ್ರೇಗ್​ ಕಡೆಗೆ ಪಯಣ: ಪ್ರಯಾಣದ ಮೊದಲ ವಾರದ ಅಂತ್ಯ ಸಮೀಪಿಸುತ್ತಿದ್ದಂತೆ, ಸದ್ಗುರುಗಳು ಜೆಕ್​ ಗಣರಾಜ್ಯದ ಪ್ರೇಗ್ ಎಂಬ ಸುಂದರ ನಗರವನ್ನು ಪ್ರವೇಶಿಸಿದರು. ಮಣ್ಣಿನ ಸಾವಯವ ಅಂಶವನ್ನು ಕನಿಷ್ಠ ಶೇ. 3-6ಕ್ಕೆ ಏರಿಸುವ ಮತ್ತು ನಿರ್ವಹಿಸುವ ನಿಟ್ಟಿನಲ್ಲಿ ರಾಷ್ಟ್ರೀಯ ನೀತಿ ಮಟ್ಟದ ಬದಲಾವಣೆಗಳನ್ನು ಚಾಲನೆ ಮಾಡುವ ಅಭಿಯಾನದ ಕೇಂದ್ರಬಿಂದುವಾಗಿ, ಸದ್ಗುರುಗಳು ಜಾಗತಿಕ ನೀತಿ ಕರಡು ಮತ್ತು ಪರಿಹಾರಗಳ ಕೈಪಿಡಿಯನ್ನು ಜೆಕ್​ ಗಣರಾಜ್ಯದ ಪರಿಸರ ಸಚಿವಾಲಯದ ಉಪ ಸಚಿವರು ಮತ್ತು ಕೃಷಿ ಉಪ ಸಚಿವರಿಗೆ ಪ್ರಸ್ತುತಪಡಿಸಿದರು.

ನಂತರ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಜೆಕ್ ಗಣಿತಜ್ಞ ಕರೆಲ್ ಜಾನೆಸೆಕ್ ಜೊತೆಗೂಡಿ, ಸದ್ಗುರುಗಳು ನೆರೆದಿರುವ ಕೂಟಗಳನ್ನು ಉದ್ದೇಶಿಸಿ ಮಣ್ಣು ಉಳಿಸಿ ಅಭಿಯಾನದ ಕುರಿತು ವಿವರಿಸಿದರು. ಸ್ಥಳೀಯ ಉತ್ಸಾಹಿಗಳು ಮತ್ತು ಬೆಂಬಲಿಗರ ಸುಂದರ ಪ್ರೇಕ್ಷಕರ ಮುಂದೆ ಅವರು ಗಣಿತ ಮತ್ತು ಅತೀಂದ್ರಿಯತೆಯ ನಡುವಿನ ಸಂಪರ್ಕದ ಕುರಿತು ಮತ್ತಷ್ಟು ವಿವರಣೆ ಮಾಡಿದರು.

ಮುಂದಿನ ಕೆಲವು ವಾರಗಳಲ್ಲಿ ಸದ್ಗುರುಗಳು ಯುರೋಪ್ ಮತ್ತು ಏಷ್ಯಾದ ದೇಶಗಳಿಗೆ ಭೇಟಿ ನೀಡುವ ಮೂಲಕ ಶಾಸಕರು, ಪ್ರಭಾವಿಗಳು ಮತ್ತು ಸಾರ್ವಜನಿಕರ ವೈವಿಧ್ಯಮಯ ಗುಂಪುಗಳನ್ನು ಉದ್ದೇಶಿಸಿ ಅವರು ಜಾಗತಿಕ ವೇದಿಕೆಯಲ್ಲಿ ಮಣ್ಣನ್ನು ಉಳಿಸುವ ಕಾರಣವನ್ನು ಮುನ್ನೆಲೆಗೆ ತರುತ್ತಾರೆ.

https://www.vijayavani.net/r-oscars-2022-big-love-for-best-film-coda-will-smith-is-best-actor-list-of-oscars-winners/

https://www.vijayavani.net/upendra-challenge-to-married-men/