2000ನೇ ಇಸವಿಯಲ್ಲಿ ಭಾರತ ತಂಡ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿತ್ತು. ಆಸ್ಟ್ರೇಲಿಯಾ ಹಾಗೂ ಪಾಕಿಸ್ತಾನ ಒಳಗೊಂಡ ತ್ರಿಕೋನ ಏಕದಿನ ಸರಣಿಯಲ್ಲಿ ಭಾರತ ಹೀನಾಯ ಪ್ರದರ್ಶನ ತೋರಿದರೂ, ಆ ಸರಣಿ ಕನ್ನಡಿಗ ಸುನೀಲ್ ಜೋಶಿ ಪಾಲಿಗೆ ಅವಿಸ್ಮರಣೀಯವಾಗಿತ್ತು. ಏಕೆಂದರೆ, ಆಸ್ಟ್ರೇಲಿಯಾ ಎದುರಿನ ಪಂದ್ಯವೊಂದರಲ್ಲಿ ಸಚಿನ್ ಹಾಕುತ್ತಿದ್ದ ಜೆರ್ಸಿ ನಂಬರ್ 10 ಜೋಶಿ ಪಾಲಾಗಿತ್ತು. ಈ ಪಂದ್ಯದಲ್ಲೇ ಜೋಶಿ, ಮಾರ್ಕ್ ವಾ ಹಾಗೂ ರಿಕಿ ಪಾಂಟಿಂಗ್ ವಿಕೆಟ್ ಪಡೆದು ಮಿಂಚಿದ್ದರು. ಈ ವಿಷಯವನ್ನು ಸ್ವತಃ ಜೋಶಿ ಅವರೇ ವಿಡಿಯೋ ಸಮೇತ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಸುನೀಲ್ ಜೋಶಿ ಬಿಟ್ಟರೆ ಬೇರೆ ಯಾವುದೇ ಆಟಗಾರ ಈ ಸಂಖ್ಯೆ ಹಾಕಿಲ್ಲ. ಸಚಿನ್ ನಿವೃತ್ತಿ ಬಳಿಕ ಮುಂಬೈನವರೇ ಆದ ಶಾರ್ದೂಲ್ ಠಾಕೂರ್ ಈ ಸಂಖ್ಯೆ ಧರಿಸಿದ್ದರಿಂದ ವಿವಾದಕ್ಕೀಡಾಗಿದ್ದರು. ಬಳಿಕ ಸಚಿನ್ ಜತೆಗೆಯೇ ಈ ಸಂಖ್ಯೆಯನ್ನು ಬಿಸಿಸಿಐ ನಿವೃತ್ತಿಗೊಳಿಸಿತ್ತು.
