ನವದೆಹಲಿ: ಈಗ ಇ-ಮೇಲ್ ಎಂದರೆ ಜಿ-ಮೇಲ್ ಎನ್ನುವ ಪರಿಸ್ಥಿತಿ ಇದೆ. ಆದರೆ ಇದಕ್ಕೂ ಪೂರ್ವದಲ್ಲಿ ಅಬ್ಬರಿಸಿದ ಮೇಲ್ಗಳಲ್ಲಿ ಒಂದು ಯಾಹೂ ಡಾಟ್ ಕಾಮ್. ಆದರೆ ಪರಿಸ್ಥಿತಿಯ ಒತ್ತಡಕ್ಕೆ ಸಿಲುಕಿ ಇದೀಗ ಇದು ತೀವ್ರ ನಷ್ಟ ಅನುಭವಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಇದನ್ನು ಇನ್ನೆರಡು ತಿಂಗಳಿನಲ್ಲಿ ಮುಚ್ಚಲಾಗುತ್ತಿದೆ.
ಯಾಹೂ ಡಾಟ್ ಕಾಮ್ ಒಡೆತನದಲ್ಲಿ ಇರುವ ವೆರಿಜೋನ್ ಈ ವಿಷಯವನ್ನು ಪ್ರಕಟಿಸಿದೆ. ಕಳೆದ ಹಲವಾರು ವರ್ಷಗಳಿಂದ ಬಳಕೆದಾರರ ಕೊರತೆಯಿಂದಾಗಿ ನಷ್ಟ ಅನುಭವಿಸುತ್ತಿರುವ ಹಿನ್ನೆಲೆಯಲ್ಲಿ, ಡಿಸೆಂಬರ್ 15ರಿಂದ ಈ ಇ- ಮೇಲ್ ಸ್ಥಗಿತಗೊಳಿಸಲಾಗುವುದು ಎಂದು ಹೇಳಿದೆ.
2017ರಲ್ಲಿ ವೆರಿಜೋನ್ ಕಂಪೆನಿ ಯಾಹೂವನ್ನು ಖರೀದಿ ಮಾಡಿತ್ತು. ಹಿಂದೊಮ್ಮೆ ಅತಿದೊಡ್ಡ ಸಂದೇಶ ಬೋರ್ಡ್ ಎಂದೇ ಪ್ರಸಿದ್ಧಿ ಪಡೆದಿದ್ದ ಯಾಹೂ ಇದೀಗ ತನ್ನ ಆಟ ಮುಗಿಸಲಿದೆ.
ಇದನ್ನೂ ಓದಿ: ಲಂಚ ಪ್ರಕರಣದಲ್ಲಿ ಬಂಧನ: ಜೈಲಿನಲ್ಲೇ ತಹಶೀಲ್ದಾರ್ ಆತ್ಮಹತ್ಯೆ
ಅನೇಕ ಹಳೆಯ ಬಳಕೆದಾರರು ಇದುವರೆಗೂ ಯಾಹೂ ಡಾಟ್ ಕಾಮ್ ಬಳಸುತ್ತಿದ್ದಾರೆ. ಅವರು ಬೇರೆ ಯಾವುದೇ ಬೇರೆ ಇ-ಮೇಲ್ಗೆ ವರ್ಗಾವಣೆಗೊಂಡಿಲ್ಲ. ಅಂಥವರ ವಿಶ್ವಾರ್ಹತೆಯನ್ನು ಕಾಪಾಡಿಕೊಂಡು ಹೋಗುವುದು ನಮ್ಮ ಕರ್ತವ್ಯವಾಗಿತ್ತು. ಆದರೆ ಇದೀಗ ಕಠಿಣ ನಿರ್ಧಾರ ತೆಗೆದುಕೊಳ್ಳಲೇಬೇಕಾಗಿದೆ ಎಂದು ವೆರಿಜೋನ್ ಕಂಪೆನಿ ಹೇಳಿದೆ. ಇದಾಗಲೇ ತುಂಬಾ ನಷ್ಟ ಅನುಭವಿಸಿದ್ದೇವೆ. ಆದ್ದರಿಂದ ತಮಗೆ ಬೇರೆ ದಾರಿ ಇಲ್ಲ ಎಂದು ಕಂಪೆನಿ ಹೇಳಿಕೊಂಡಿದೆ.
ಇದಾಗಲೇ ನೀವು ಸ್ವೀಕರಿಸಿರುವ ಅಥವಾ ನಿಮ್ಮ ಇನ್ಬಾಕ್ಸ್ನಲ್ಲಿ ಬೇರೆಯವರು ಕಳುಹಿಸಿರುವ ಮೆಸೇಜ್, ವಿಡಿಯೋ, ಫೋಟೋಗಳು ಯಾವುದೇ ಕಾರಣಕ್ಕೂ ಡಿಲೀಟ್ ಆಗುವುದಿಲ್ಲ. ಅವು ಸುರಕ್ಷಿತವಾಗಿ ಇರುತ್ತವೆ. ಆದರೆ ಡಿಸೆಂಬರ್ 15ರ ನಂತರ ನೀವು ಮೇಲ್ ಕಳುಹಿಸುವುದು ಹಾಗೂ ಸ್ವೀಕರಿಸುವುದು ಸಾಧ್ಯವಾಗುವುದಿಲ್ಲ ಎಂದಿದೆ.
ಅಮೆರಿಕನ್ ವೈರ್ಲೆಸ್ ಸಂವಹನ ಸೇವಾ ಪೂರೈಕೆದಾರ ವೆರಿಜೋನ್ ಯಾಹೂನ ಇಂಟರ್ನೆಟ್ ವ್ಯವಹಾರವನ್ನು 84.8 ಬಿಲಿಯನ್ ಡಾಲರ್ಗೆ 2017ರಲ್ಲಿ ಖರೀದಿ ಮಾಡಿತ್ತು. 2001ರಲ್ಲಿ ಯಾಹೂ ಇಂಟರ್ನೆಟ್ ಸೇವೆಯನ್ನು ಆರಂಭಿಸಿದೆ.
ಮುಸ್ಲಿಂ ಯುವತಿಯ ಸ್ನೇಹಕ್ಕಾಗಿ ಬಿತ್ತು ಮತ್ತೊಂದು ಹೆಣ: ಐವರಿಂದ ಹಿಂದೂ ಯುವಕನ ಹತ್ಯೆ!