ಬಸ್ನಲ್ಲಿದ್ದ ಪ್ರಯಾಣಿಕರ ಜೀವವೇ ಬಾಯಿಗೆ ಬಂದತಾಗಿ ಎಲ್ಲರೂ ಅಳಲು ಶುರು ಮಾಡಿದ್ದಾರೆ. ಬಸ್ಸಿನಲ್ಲಿದ್ದ ಯೋಗಿತಾ ಸತವ್ ಎಂಬ ಮಹಿಳೆ ಧೈರ್ಯ ಮಾಡಿ ಚಾಲಕರ ಸೀಟಿನಲ್ಲಿ ಕುಳಿತಿದ್ದಾರೆ. ಹಾಗಂತ ಇವರಿಗೇನೂ ಬಸ್ ಓಡಿಸಿ ತಿಳಿದಿರಲಿಲ್ಲ. ಆದರೆ ಕಾರಿನ ಚಾಲನೆ ಗೊತ್ತಿದ್ದರಿಂದ ಬಸ್ ನಿಯಂತ್ರಣ ಮಾಡಬಹುದು ಎಂಬ ದೊಡ್ಡ ಸಾಹಸ ಮಾಡಿದ್ದಾರೆ. ಡ್ರೈವರ್ ಸೀಟಿಗೆ ಬಂದು ಬಸ್ಸನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದಾರೆ. ಧೈರ್ಯದಿಂದಲೇ ಬಸ್ ಅನ್ನು ಚಾಲನೆ ಮಾಡುವ ಮೂಲಕ ನೇರವಾಗಿ ಆಸ್ಪತ್ರೆಗೆ ಬಂದು ಚಾಲಕನನ್ನು ಅಡ್ಮಿಟ್ ಮಾಡಿಸಿದ್ದಾರೆ.
ಅಲ್ಲಿಯವರೆಗೂ ಉಸಿರನ್ನು ಬಿಗಿ ಹಿಡಿದು ಕುಳಿತಿದ್ದ ಪ್ರಯಾಣಿಕರಿಗೆ ಜೀವ ಬಂದಂತಾಗಿದೆ. ನಂತರ ಯೋಗಿತಾರನ್ನು ತಮ್ಮ ಪಾಲಿನ ದೇವತೆ ಎಂದು ಹಾಡಿ ಹೊಗಳಿದ್ದಾರೆ. ಅವರು ಬಸ್ ಚಾಲನೆ ಮಾಡುತ್ತಿರುವ ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
