ಸತ್ರೂ ನಾನು ಆ ಪಕ್ಷ ಸೇರಲ್ಲ ಎಂದು ಕೆಂಡಾಮಂಡಲನಾದ ಸಂಸದ...

ಕೋಲ್ಕತಾ: ಪಶ್ಚಿಮ ಬಂಗಾಳದ ಕನಿಷ್ಠ ಐವರು ತೃಣಮೂಲ ಕಾಂಗ್ರೆಸ್ ಸಂಸದರು ಪಕ್ಷಕ್ಕೆ ರಾಜಿನಾಮೆಕೊಟ್ಟು , ಬಿಜೆಪಿಗೆ ಬರಲಿದ್ದಾರೆ ಎಂಬ ಬಿಜೆಪಿ ಸಂಸದ ಅರ್ಜುನ್ ಸಿಂಗ್ ಕೆಲ ದಿನಗಳ ಹಿಂದೆ ಹೇಳಿಕೆ ಕೋಲ್ಕತಾದ ರಾಜಕೀಯದಲ್ಲಿ ಭಾರಿ ಕೋಲಾಹಲ ಸೃಷ್ಟಿಸಿರುವುದು ಹಳೆಯ ಮಾತಾಯ್ತು.

ಆದರೆ ಇದೀಗ ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಟಿಎಂಸಿ ಸಂಸದ ಸೌಗತ್ ರಾಯ್ ಫುಲ್​ ಗರಂ ಆಗಿಬಿಟ್ಟಿದ್ದಾರೆ. ಇದೊಂದು ಬಿಜೆಪಿ ಪ್ರಚಾರದ ಕಲೆ. ಇದು ಸುಳ್ಳು ಸುದ್ದಿ ಎಂದಿರುವ ರಾಯ್​, ಒಂದು ವೇಳೆ ನಾನೇನಾದರೂ ರಾಜಕೀಯ ಬಿಡಲೇಬೇಕಾಗಿ ಬಂದರೆ ಅದನ್ನು ಬಿಡುತ್ತೇನೆ. ಆದರೆ ಒಂದು ವೇಳೆ ಈ ಪಕ್ಷ ಬಿಟ್ಟರೆ ಬೇಕಿದ್ದರೆ ಹೋಗಿ ಸಾಯುತ್ತೇನೆಯೇ ವಿನಾ ಬಿಜೆಪಿಯನ್ನು ಸೇರುವುದಿಲ್ಲ ಎಂದು ಕಡ್ಡಿಮುರಿದಂತೆ ಹೇಳಿದ್ದಾರೆ.

ಇದನ್ನೂ ಓದಿ: ಅಸ್ಸಾಂ ಮಾಜಿ ಮುಖ್ಯಮಂತ್ರಿ ತರುಣ್​ ಸ್ಥಿತಿ ಗಂಭೀರ

ಅರ್ಜುನ್ ಸಿಂಗ್ ಈ ರೀತಿ ಸುಳ್ಳು ಸುದ್ದಿ ಹರಡಿಸುವುದಲ್ಲಿ ನಿಸ್ಸೀಮರು. ನಾನು ರಾಜಕೀಯ ತೊರೆದು ಸಾಯಲು ಸಿದ್ಧ ಆದರೆ, ಎಂದಿಗೂ ಬಿಜೆಪಿಗೆ ಸೇರುವುದಿಲ್ಲ, ಆ ಪಕ್ಷದ ಜತೆ ಕೈಕೂಡ ಜೋಡಿಸುವುದಿಲ್ಲ. ಅಷ್ಟಕ್ಕೂ ನಾನೇನೂ ಮಾರಾಟವಾಗುವ ಸರಕು ಅಲ್ಲ ಎಂದು ಕಿಡಿ ಕಾರಿದ್ದಾರೆ.

ಪಶ್ಚಿಮ ಬಂಗಾಳದಲ್ಲಿ ತೃಣ ಮೂಲ ಕಾಂಗ್ರೆಸ್​ನ ಹಿರಿಯ ಮುಖಂಡ ಸುಗಾತ ರಾಯ್ ಹಾಗೂ ಇತರೆ ನಾಲ್ಕು ಜನ ಸಂಸದರು ರಾಜೀನಾಮೆ ನೀಡುವ ಸಾಧ್ಯತೆಯಿದೆ ಅಂತ ಸಂಸದ ಅರ್ಜುನ್ ಸಿಂಗ್ ಹೇಳಿದ್ದರು.

ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ್ದ ಅವರು, ತೃಣ ಮೂಲ ಕಾಂಗ್ರೆಸ್​ನ ಐವರು ಸಂಸದರು ಯಾವುದೇ ಸಂದರ್ಭದಲ್ಲೂ​ ಪಕ್ಷ ತೊರೆದು ಬಿಜೆಪಿ ಸೇರುವ ಸಾಧ್ಯತೆಯಿದೆ ಎಂದಿದ್ದು ಭಾರಿ ಸುದ್ದಿಯಾಗಿದೆ.

https://www.vijayavani.net/s-actress-mona-singh-on-having-baby/

https://www.vijayavani.net/s-ban-smacking-of-children/

https://www.vijayavani.net/s-johnson-baby-powder-fine-by-court/