ಪ್ರಶ್ನೆ: ಹೆಂಡತಿಯಿಂದ ಬದುಕು ಮೂರಾಬಟ್ಟೆಯಾಗಿದೆ. ಅವಳ ಉನ್ನತ ಶಿಕ್ಷಣಕ್ಕೆ ಹದಿನೈದು ಲಕ್ಷ ರೂಪಾಯಿ ಖರ್ಚು ಮಾಡಿದೆ. ನಾನುಹೀಗೆ ಹಣ ಕೊಟ್ಟಿದ್ದಕ್ಕೆ ಬ್ಯಾಂಕಿನ ದಾಖಲೆಗಳಿವೆ. ನಂತರ ಅವರು ಮದುವೆಗೂ ತಮ್ಮ ಹತ್ತಿರ ಹಣವಿಲ್ಲವೆಂದರು. ಅದನ್ನೂ ನಾನೇ ಖರ್ಚು ಮಾಡಿ ಮದುವೆಯಾದೆ.
ಈಗ ಆಕೆ ನನಗೆ ನಿನ್ನನ್ನು ಕಂಡರೆ ಇಷ್ಟವಿಲ್ಲ, ನನ್ನಪ್ಪನ ಬಲವಂತಕ್ಕೆ ಮದುವೆಯಾದೆ ಎಂದು ಬಿಟ್ಟಳು. ನನ್ನ ತಂದೆತಾಯಿಯರು, ಹಿರಿಯರು ಎಲ್ಲರೂ ಸೇರಿ ಈ ವಿವಾಹವನ್ನು ಊರ್ಜಿತ ಮಾಡಲು ಪ್ರಯತ್ನ ಪಟ್ಟರು. ನನಗೆ ೧೫ ದಿನ ರಜೆಹಾಕಿಸಿ ನಮ್ಮಿಬ್ಬರನ್ನು ಒಂದೇ ಮನೆಯಲ್ಲಿರುವಂತೆ ಏರ್ಪಾಡು ಮಾಡಿದರು. ಆಗಲೂ ನನ್ನ ಹೆಂಡತಿ ನನ್ನ ಜೊತೆ ಸರಿಯಾಗಿ ಇರಲಿಲ್ಲ. ಒಂದು ದಿನ ನಾನು ಹೊರಹೋಗಿ ಮನೆಗೆ ಬಂದಾಗ ಅವಳ ಕಸಿನ್ ಜೊತೆ ಹಾಸಿಗೆಯಲ್ಲಿ ನಾನು ನೋಡಬಾರದ ಸ್ಥಿತಿಯಲ್ಲಿ ಮಲಗಿದ್ದರು. ನಾನದನ್ನು ಕಿಟಕಿಯಿಂದ ಮೊಬೈಲ್ನಲ್ಲಿ ಫೋಟೋ ತೆಗೆದಿದ್ದೇನೆ. ಈಗ ವಿಚ್ಛೆದನಕ್ಕೆ ಕೋರ್ಟಿಗೆ ಹೋಗಿದ್ದೇನೆ. ಅವಳು ” ನಾನು ವರದಕ್ಷಿಣೆ ಕೇಳಿ ದೈಹಿಕ ಹಿಂಸೆ ಮಾಡಿದೆ, ನಾನು ಮಾನಸಿಕವಾಗಿ ಸರಿಯಾಗಿಲ್ಲ ಎಂದೆಲ್ಲಾ ಸ್ಟೇಟ್ಮೆಂಟ್ ಕೊಟ್ಟಿದ್ದಾಳೆ. ನನಗಂತೂ ದಿಕ್ಕೇ ತೋಚುತ್ತಿಲ್ಲ. ನಾನು ನೋಡಿದರೆ ಪರದೇಶದಲ್ಲಿದ್ದೇನೆ. ಜೊತೆಗೆ ಹದಿನೈದು ದಿನವೂ ಸರಿಯಾಗಿರದೇ ಬೇರೆಯಾಗಿದ್ದೇವೆ. ಈಗ ಐದು ವರ್ಷಗಳಿಂದ ನಾನಿಲ್ಲಿ, ಅವಳಲ್ಲಿ, ಆದರೂ ದೈಹಿಕ ಹಿಂಸೆಯ ಆರೋಪ! ಇದಕ್ಕೇನಾದರೂ ಪರಿಹಾರವಿದೆಯೇ?
