ಎಂಥ ಗಂಡ ಬೇಕು? ಮದುವೆ ಸೈಟ್​ಗಳಲ್ಲಿ ಸರ್ಚ್​ ಮಾಡೋದೇನು? ಐಎಎಸ್​, ಐಪಿಎಸ್ಸೂ ಅಲ್ಲ, ಡಾಕ್ಟರ್​, ಇಂಜಿನಿಯರೂ ಅಲ್ಲ..

ನವದೆಹಲಿ: ನಿನಗೆಂಥ ಗಂಡ ಬೇಕಮ್ಮಾ ಅಂತ ಇಂದಿನ ಯುವತಿಯರನ್ನು ಪ್ರಶ್ನಿಸಿದ್ರೆ, ಗುಣವಂತ, ಶೀಲವಂತ, ರೂಪವಂತ... ಇವುಗಳಿಗಿಂದಲೂ ಮೊದಲು ಬರೋದು ಡಾಕ್ಟರ್​, ಇಂಜಿನಿಯರ್​ ಅಂತನೋ ಇಲ್ಲವೇ ಐಎಎಸ್​, ಐಪಿಸ್​ ಎಂದೋ. ಒಟ್ಟಿನಲ್ಲಿ ಶ್ರೀಮಂತನಾಗಿರಬೇಕು ಎನ್ನುವವರೇ ಹೆಚ್ಚಾಗಿದ್ದರೆ, ಬೆರಳೆಣಿಕೆ ಮಂದಿ ಮಾತ್ರ ಉಳಿದ ಉದ್ಯೋಗದ ವರನ ಕನಸು ಕಾಣುತ್ತಾರೆ ಎಂಬ ಮಾತಿದೆ. ಆದರೆ ಈಗ ಟ್ರೆಂಡ್​ ಹಾಗಿಲ್ವಂತೆ. ಇಂದಿನ ಹುಡುಗಿಯರು ಮ್ಯಾಟ್ರಿಮೋನಿ ಸೈಟ್​ಗಳಲ್ಲಿ ಸರ್ಚ್​ ಮಾಡ್ತಿರೋದೇ ಬೇರೆಯಂತೆ.

ಈ ಮಾಹಿತಿ ನೀಡಿದ್ದು, ಕೇಂದ್ರ ಇಲೆಕ್ಟ್ರಾನಿಕ್ಸ್ ಮತ್ತು ಐಟಿ ರಾಜ್ಯ ಸಚಿವ ರಾಜೀವ್ ಚಂದ್ರಶೇಖರ್. ಇವರು ಹೇಳಿರುವ ಪ್ರಕಾರ, ವೈವಾಹಿಕ ಮಾರುಕಟ್ಟೆಯಲ್ಲಿ, ನಾಗರಿಕ ಸೇವಕ ಅಥವಾ ಉನ್ನತ ಸಂಸ್ಥೆಯಿಂದ ಪದವೀಧರರಾಗಿರುವವರಿಗೆ ಹೆಚ್ಚಿನ ಮಾನ್ಯತೆಯಿರುತ್ತದೆ. ಆದರೆ ಅದು ಇನ್ನು ಮುಂದೆ ಹಾಗಲ್ಲ. ಮ್ಯಾಟ್ರಿಮೋನಿ ಸೈಟ್​ ಅದರಲ್ಲಿಯೂ ಹೆಚ್ಚಾಗಿ ಶಾದಿ ಡಾಟ್ ಕಾಮ್‌ನಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಕೀವರ್ಡ್ ಸ್ಟಾರ್ಟ್‌ಅಪ್ ಉದ್ಯೋಗಿ ಮತ್ತು ಸ್ಟಾರ್ಟ್‌ಅಪ್ ಸಂಸ್ಥಾಪಕರು ಎಂಬುದಂತೆ!

ಡಿಜಿಟಲ್ ಇಂಡಿಯಾ ಸಪ್ತಾಹ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿರುವ ವೇಳೆ ಅವರು ಈ ವಿಷಯ ತಿಳಿಸಿದ್ದಾರೆ. ವೈವಾಹಿಕ ಸೈಟ್​ಗಳಲ್ಲಿ ಹೆಚ್ಚು ಹುಡುಕಲಾದ ಕೀವರ್ಡ್‌ಗಳ ಪಟ್ಟಿಯಲ್ಲಿ ಸ್ಟಾರ್ಟ್‌ಅಪ್ ಉದ್ಯೋಗಿ ಮತ್ತು ಸ್ಟಾರ್ಟ್‌ಅಪ್ ಸಂಸ್ಥಾಪಕರು ಪದಗಳು ಹೆಚ್ಚು ಅಗ್ರಸ್ಥಾನದಲ್ಲಿವೆ ಎಂದಿದ್ದಾರೆ ಸಚಿವರು. ಆದ್ದರಿಂದ ಹೆಚ್ಚು ಹೆಚ್ಚು ಸ್ಟಾರ್ಟ್​ ಅಪ್​ಗಳೊಂದಿಗೆ ಯುವಕರು ಮುಂದೆ ಬರಬೇಕಿದೆ. ಡಿಜಿಟಲ್​ ಕ್ರಾಂತಿಯನ್ನು ಹೆಚ್ಚಿಸಬೇಕಿದೆ ಎಂದು ಅವರು ಹೇಳಿದರು.

ಸಚಿವರು ತಮಾಷೆ ಮಾಡುತ್ತಿದ್ದಾರೆ ಎಂದು ಕೆಲವರು ಕಮೆಂಟ್ ಮಾಡಿದ್ದರೂ, ತಾವು ವಿಶ್ವಾಸಾರ್ಹ ಮೂಲಗಳಿಂದ ಇದನ್ನು ಹೇಳಿರುವುದಾಗಿ ಸಚಿವರು ಸ್ಪಷ್ಟನೆ ಕೊಟ್ಟಿದ್ದಾರೆ. (ಏಜೆನ್ಸೀಸ್​)

https://www.vijayavani.net/s-english-translation-of-pm-modis-book-of-poetry-to-release-next-month/

https://www.vijayavani.net/s-interfaith-dialogue-with-nsa-ajit-doval-resolution-to-ban-pfi-organization/

https://www.vijayavani.net/s-uttar-pradesh-news-bjp-leaders-son-fires-from-revolver/