ವಾಷಿಂಗ್ಟನ್: ಇನ್ನೇನು ಅಮೆರಿಕದ ಅಧ್ಯಕ್ಷೀಯ ಚುನಾವಣೆಗೆ ದಿನಾಂಕ ಸಮೀಪಿಸುತ್ತಿದ್ದಂತೆಯೇ ಆರೋಪ-ಪ್ರತ್ಯಾರೋಪಗಳ ಸುರಿಮಳೆಯೇ ಆಗುತ್ತಿದೆ.
ಈ ನಡುವೆಯೇ, ಹಾಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ಅವರ ವಕೀಲರಾಗಿದ್ದ ಮೈಕೆಲ್ ಕೋಹೆನ್ ಪುಸ್ತಕ ಬರೆದಿದ್ದು, ಅದೀಗ ಭಾರಿ ವಿವಾದ ಸೃಷ್ಟಿಸಿದೆ. ಪುಸ್ತಕದ ಹೆಸರು Disloyal: The True Story of the Former Personal Attorney to President Donald J. Trump (ವಿಶ್ವಾಸದ್ರೋಹಿ: ಡೊನಾಲ್ಡ್ ಜೆ. ಟ್ರಂಪ್ ಅವರ ಮಾಜಿ ವೈಯಕ್ತಿಕ ವಕೀಲನಿಂದ ನಿಜವಾದ ಕಥೆ).
ಟ್ರಂಪ್ ರಸಿಕ. ಆದರೆ ನನ್ನ 15 ವರ್ಷದ ಮಗಳ ಮೇಲೆಯೇ ಅವರು ಕಣ್ಣುಹಾಕಿದ್ದರು. ನಿಮ್ಮ ಮಗಳು ತುಂಬಾ ಹಾಟ್ ಇದ್ದಾಳೆ. ಅವಳು ಇಷ್ಟು ಹಾಟ್ ಆಗಿದ್ದು ಯಾವಾಗ ಎಂದು ಟ್ರಂಪ್ ಕೇಳಿದ್ದರು. ನನಗೆ ತೀವ್ರ ಮುಜುಗರವಾಗಿತ್ತು. ಅವಳು ನನ್ನ ಮಗಳು ಸರ್, ಇನ್ನೂ 15 ವರ್ಷ ಅವಳಿಗೆ ಅಂದಿದ್ದೆ. ಆದರೂ ಟ್ರಂಪ್ ಆಕೆಯ ಮೇಲೆ ಕಣ್ಣುನೆಟ್ಟಿದ್ದರು ಎಂದು ಮೈಕೆಲ್ ಪುಸ್ತಕದಲ್ಲಿ ಬರೆದಿದ್ದಾರೆ.
ಇದನ್ನೂ ಓದಿ: ಪತ್ನಿಯ ಕರೆತಂದರು, ಬನಿಯನ್ ಧರಿಸಿದರು, ಗುಟ್ಕಾ ಜಗಿದರು, ಸ್ಮೋಕ್ ಮಾಡಿದರು… ವಕೀಲರ ಈ ಪರಿಗೆ ಕೋರ್ಟ್ ಕೆಂಡಾಮಂಡಲ
ಟ್ರಂಪ್ ಹಿಂದೆ ತಮ್ಮ ಮಗಳನ್ನೇ ಬಿಟ್ಟಿರಲಿಲ್ಲ. ಆಕೆಯ ಸೌಂದರ್ಯವನ್ನು ವರ್ಣಿಸಿದ್ದರು. ವಿಶ್ವದ ಶ್ರೇಷ್ಠ ಸುಂದರಿ ಇವಳು. ನಾನು ಅವಳನ್ನು ಸೃಷ್ಟಿ ಮಾಡಿದ್ದೇನೆ. ಅವಳು ನನ್ನ ಮಗಳು ಅಲ್ಲದಿದ್ದರೆ ನಾನೇ ಮದುವೆಯಾಗುತ್ತಿದ್ದೆ. ಈಕೆ 6 ಅಡಿ ಎತ್ತರ ಹೊಂದಿದ್ದು, ಸುಂದರ ದೇಹವನ್ನು ಹೊಂದಿದ್ದಾಳೆ ಎಂದು ಸ್ವಂತ ಮಗಳ ಮೇಲೆ ಕೆಟ್ಟದ್ದಾಗಿ ಮಾತನಾಡಿದ್ದರು ಎಂದು ಕೋಹೆನ್ ಹೇಳಿದ್ದಾರೆ.
ಡೊನಾಲ್ಡ್ ಟ್ರಂಪ್ ಅವರ ಅಣ್ಣನ ಮಗಳು ಮೇರಿ ಕೂಡ ಟ್ರಂಪ್ ಕುರಿತು ಈ ಹಿಂದೆ ಪುಸ್ತಕ ಬರೆದಿದ್ದಾರೆ.ಡೊನಾಲ್ಡ್ ಟ್ರಂಪ್ರನ್ನು ಅಹಂಕಾರಿ ಹಾಗೂ ಅಜ್ಞಾನಿ ಎಂಬುದಾಗಿ ಬಿಂಬಿಸಿದ್ದಾರೆ.ಈ ಪುಸ್ತಕದ ಹೆಸರು ‘ಟೂ ಮಚ್ ಆ್ಯಂಡ್ ನೆವರ್ ಇನಫ್: ಹೌ ಮೈ ಫ್ಯಾಮಿಲಿ ಕ್ರಿಯೇಟೆಡ್ ದಿ ವರ್ಲ್ಡ್ಸ್ ಮೋಸ್ಟ್ ಡೇಂಜರಸ್ ಮ್ಯಾನ್’ (ಅತಿಯಾದ ಹಾಗೂ ಎಂದೂ ಮುಗಿಯದ: ಹೇಗೆ ನನ್ನ ಕುಟುಂಬ ವಿಶ್ವದ ಅತ್ಯಂತ ಭಯಾನಕ ಮನುಷ್ಯನನ್ನು ಸೃಷ್ಟಿಸಿದೆ).
ಕೋಹೆನ್ ಬರೆದಿರುವ ಈ ಪುಸ್ತಕವನ್ನೀಗ ಚುನಾವಣಾ ಅಸ್ತ್ರವಾಗಿ ಬಳಸಿಕೊಳ್ಳಲಾಗುತ್ತಿದೆ. ವಕೀಲ ಮಾಡಿರುವ ಈ ಆರೋಪವನ್ನು ಶ್ವೇತಭವನ ತಳ್ಳಿಹಾಕಿದೆ.