ಅಷ್ಟಕ್ಕೂ ಜಾಕಿ ಹೆಸರೇಕೆ ಈಗ ಬಂದಿತು ಎಂದರೆ, 2014ರಲ್ಲಿ ಇವರ ಮಗನನ್ನು ಡ್ರಗ್ಸ್ ಕೇಸ್ನಲ್ಲಿ ಬಂಧಿಸಲಾಗಿತ್ತು. ಈತ ಡ್ರಗ್ಸ್ ಮಾರಾಟ ಹಾಗೂ ಸೇವನೆ ಮಾಡುತ್ತಿರುವ ಕುರಿತು ಸಾಕ್ಷ್ಯಾಧಾರಗಳು ಸಿಗುತ್ತಿದ್ದಂತೆಯೇ ಜಗತ್ತಿನ ಕ್ಷಮೆ ಕೋರಿದ್ದರು ಜಾಕಿ. ಮಾತ್ರವಲ್ಲದೇ ಶತಕೋಟಿ ಡಾಲರ್ಗಳ ಒಡೆಯನಾಗಿದ್ದ ಇವರು, ಮಗನ ವಿಷಯ ತಿಳಿಯುತ್ತಿದ್ದಂತೆಯೇ, 2,603 ಕೋಟಿ ರೂಪಾಯಿ ಆಸ್ತಿಯನ್ನು ಮಗನ ಹೆಸರಿಗೆ ಬರೆಯದೆ ಚಾರಿಟಿಗೆ (ದತ್ತಿ) ಕೊಟ್ಟುಬಿಟ್ಟರು. ತನ್ನ ಮಗನಾದ ಜೈಸಿಗೆ ನಯಾಪೈಸೆ ನೀಡುವುದಿಲ್ಲ ಎಂದು ಘೋಷಿಸಿದರು. ‘ಡ್ರಗ್ ಪ್ರಕರಣದಲ್ಲಿ ಜೈಸಿ ಜೈಲು ಸೇರಿದ್ದಾನೆ. ನನ್ನ ಮಗನನ್ನು ಡ್ರಗ್ಸ್ನಿಂದ ರಕ್ಷಣೆ ಮಾಡಲು ಆಗಿಲ್ಲ. ನನ್ನ ಮಗನನ್ನು ಉತ್ತಮವಾಗಿ ಬೆಳೆಸಲು ನನ್ನಿಂದ ಸಾಧ್ಯವಾಗಿಲ್ಲ’ ಎಂದು ಜಾಕಿ ಚಾನ್ ಬೇಸರ ಹೊರ ಹಾಕಿದ್ದರು.
