ಭಾವಿ ಪತ್ನಿಗೆ ₹6 ಕೋಟಿಯ ಉಂಗುರ ನೀಡಿದ ನಾಲ್ಕುಮಕ್ಕಳ ತಂದೆ ಈ ಆಟಗಾರ...

ಲಂಡನ್​: ಫುಟ್​ಬಾಲ್​ ಆಟದಿಂದ ವಿಶ್ವಖ್ಯಾತಿ ಗಳಿಸಿರುವ ಕ್ರಿಸ್ಟಿಯಾನೊ ರೊನಾಲ್ಡೊ ಇದೀಗ ಮತ್ತೆ ಪ್ರಸಿದ್ಧರಾಗಿದ್ದಾರೆ. ಇದಕ್ಕೆ ಕಾರಣ, ಅವರು ತಮ್ಮ ಭಾವಿ ಪತ್ನಿಗೆ ನೀಡಿರುವ ಉಂಗುರದಿಂದಾಗಿ.

ಇದಾಗಲೇ ಒಬ್ಬಾಕೆಯ ಜತೆ ಲಿವ್​ ಇನ್​ ಸಂಬಂಧದಲ್ಲಿದ್ದು ಆಕೆಯಿಂದ ದೂರವಾಗಿರುವ ಕ್ರಿಸ್ಟಿಯಾನೊ , ನಾಲ್ಕು ಮಕ್ಕಳ ತಂದೆಯಾಗಿದ್ದಾರೆ. ಇದರಲ್ಲಿ ಒಂದು ಮಗು ಇವರದ್ದಾಗಿದ್ದು, ಉಳಿದ ಮೂರು ಮಕ್ಕಳನ್ನು ಬಾಡಿಗೆ ತಾಯಿಯ (ಸರೋಗಸಿ) ಮೂಲಕ ಪಡೆದುಕೊಂಡಿದ್ದಾರೆ. ಇದೀಗ ತಮ್ಮ ಬಹುಕಾಲದ ಗೆಳತಿ ಜಾರ್ಜಿನಾ ರಾಡ್ರಿಗೀಸ್​ ಜತೆಗೆ ವಿವಾಹವಾಗಲಿದ್ದಾರೆ.

ನಿನ್ನೆ ಇವರ ನಿಶ್ಚಿತಾರ್ಥ ಸಮಾರಂಭ ನಡೆದಿದೆ. ಈ ಸಂದರ್ಭದಲ್ಲಿ ಅವರು ತಮ್ಮ ಭಾವಿ ಪತ್ನಿಗೆ 615,000 ಪೌಂಡ್​ (ಸುಮಾರು 5.84 ಕೋಟಿ ರೂಪಾಯಿ) ಬೆಲೆ ಬಾಳುವ ವಜ್ರದ ಉಂಗುರ ನೀಡಿದ್ದಾರೆ.

ಇದನ್ನೂ ಓದಿ: ₹10 ಕೋಟಿ ದಂಡ ಕಟ್ಟಿದರೆ ಶಶಿಕಲಾ ಜನವರಿಯಲ್ಲಿ ಬಂಧಮುಕ್ತ…

ಈ ಮೂಲಕ ನಿಶ್ಚಿತಾರ್ಥಕ್ಕೆ ಅತ್ಯಂತ ಹೆಚ್ಚು ಖರ್ಚು ಮಾಡಿರುವ ಆಟಗಾರರ ಪೈಕಿ ಇವರು ಟಾಪ್​ ಸ್ಥಾನವನ್ನು ಗಳಿಸಿದ್ದಾರೆ.

ಈ ಕುರಿತು ಬ್ರಿಟಿಷ್ ಟ್ಯಾಬ್ಲಾಯ್ಡ್, ದಿ ಸನ್ ವರದಿ ಮಾಡಿದೆ. ರೊನಾಲ್ಡೊ ಈ ವಜ್ರದ ಉಂಗುರಕ್ಕಾಗಿ 615,000 ಪೌಂಡ್​ ನೀಡಿದ್ದಾರೆ. ಫುಟ್​ಬಾಲ್​ ಆಟಗಾರರಲ್ಲಿ ನಿಶ್ಚಿತಾರ್ಥದ ಉಂಗುರಗಳಿಗಾಗಿ ಅತಿ ಹೆಚ್ಚು ಖರ್ಚು ಮಾಡುವವರ ಪಟ್ಟಿಯಲ್ಲಿ ರೊನಾಲ್ಡೊ ಅಗ್ರಸ್ಥಾನ ಪಡೆದಿದ್ದಾರೆ. ಇಂಗ್ಲೆಂಡಿನ ಜೋರ್ಡಾನ್ ಪಿಕ್ಫೋರ್ಡ್ ತಮ್ಮ ಪತ್ನಿ ಮೆಗಾನ್ ಡೇವಿಸನ್​ಗಾಗಿ 500,000 ಪೌಂಡ್​ (ಅಂದಾಜು ರೂ. 4.74 ಕೋಟಿ) ವೆಚ್ಚದ ಉಂಗುರವನ್ನು ಖರೀದಿಸಿದ್ದರು ಎಂದು ವರದಿಯಾಗಿದೆ.

ಕ್ರಿಸ್ಟಿಯಾನೊ ರೊನಾಲ್ಡೊ ಈ ಹಿಂದೆ ರಷ್ಯಾದ ಇರಿನಾ ಶ್ಯಾಕ್​ ಅವರ ಜತೆ ಸಂಬಂಧದಲ್ಲಿ ಇದ್ದರು.

https://www.vijayavani.net/s-prashanthbhooshan-one-rupee-fine-review-petition/

https://www.vijayavani.net/s-rahulgandhi-tweet-against-pm-modi/

https://www.vijayavani.net/s-ordered-to-dig-graves-of-coronavirus-victims/