ಈ ಸಂದರ್ಭದಲ್ಲಿ ಮಾತನಾಡಿದ ಎಸ್.ಆರ.ವಿಶ್ವನಾಥ್, ಯಲಹಂಕ ನಗರ ವ್ಯಾಪ್ತಿಯ ಅಟ್ಟೂರು ವಾರ್ಡ್ನ ಅನಂತಪುರ, ಬಾಲಾಜಿ ಲೇಔಟ್, ಆಂದ್ರ ಲೇಔಟ್, ಅಟ್ಟೂರು ಲೇಔಟ್, ಎಸ್ಕಾರ್ಟ್ ಇಂಜಿನಿಯರಿಂಗ್ ಲೇಔಟ್, ಬಿಎಚ್ಇಎಲ್ ಲೇಔಟ್, ಹರಿರಾಜ ಲೇಔಟ್, ಅಯ್ಯಪ್ಪ ಲೇಔಟ್, ಆದಿತ್ಯ ನಗರ ಫೇಸ್ 1, ಭರತ್ ನಗರ, ಎಂ.ಎಸ್.ಪಾಳ್ಯ, ಸಾಯಿನಗರ ಫೇಸ್ 1 ರಲ್ಲಿ ಮುಖ್ಯ ರಸ್ತೆ, ಅಡ್ಡರಸ್ತೆ, ಚರಂಡಿ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ ನೀಡಲಾಗಿದೆ. ಅಂತೆಯೇ ಯಲಹಂಕ ಉಪನಗರ ವಾರ್ಡ್ 4ರ ವ್ಯಾಪ್ತಿಯ ಮಾತೃ ಬಡಾವಣೆಯಿಂದ ಶಾರದಾ ನಗರದವರೆಗೆ ಸಂಪರ್ಕ ಕಲ್ಪಿಸುವ ಚರಂಡಿ ಅಭಿವೃದ್ಧಿ ಕಾಮಗಾರಿ, ಚಿಕ್ಕಬೊಮ್ಮಸಂದ್ರದಲ್ಲಿ ಸ್ಯಾನಿಟರಿ ಕೋರ್ ಕಾಮಗಾರಿ, ಚಿಕ್ಕಬೊಮ್ಮಸಂದ್ರ, ಸೋಮೇಶ್ವರನಗರ, ಅಳ್ಳಾಳಸಂದ್ರ, ಅಳ್ಳಾಳಸಂದ್ರದ ಎಸ್ಸಿ ಎಸ್ಟಿ ವಸತಿ ಪ್ರದೇಶ, ಅಂಬೇಡ್ಕರ್ ನಗರ, ಕನಕ ನಗರ, ಮೇಜರ್ ಅಕ್ಷಯ್ ಗಿರೀಶ್ ಕುಮಾರ್ ರಸ್ತೆ, ಎಲ್.ಬಿ.ಎಸ್.ನಗರ ಗಳಲ್ಲಿ ಮುಖ್ಯ ರಸ್ತೆ ಮತ್ತು ಅಡ್ಡರಸ್ತೆಗಳ ಅಭಿವೃದ್ಧಿ ಕಾಮಗಾರಿ ಸೇರಿದಂತೆ ಸುಮಾರು 12 ಕೋಟಿ ರು.ಅಂದಾಜು ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಲಾಗಿದೆ. ರಾಜ್ಯ ಸರ್ಕಾರದ ಅನುದಾನದ ಕೊರತೆಯ ನಡುವೆಯೂ ಯಲಹಂಕ ಕ್ಷೇತ್ರದಲ್ಲಿ ಅಭಿವೃದ್ಧಿ ಕಾಮಗಾರಿಗಳು ಕುಂಟಿತ ವಾಗದಂತೆ ಕಾಳಜಿ ವಹಿಸಲಾಗಿದೆ ಎಂದರು.
