ಇನ್ನು ನೀವು ನಿಮ್ಮದೇ ಪರಿಧಿಯಲ್ಲಿ, ನಿಮಗಿರುವ ಸ್ವತಂತ್ರದಲ್ಲಿ ನಿಮ್ಮ ಮನಸ್ಸಿಗೆ ಸ್ವಲ್ಪವಾದರೂ ಸುಖಕೊಡುವಂಥಾ ಕೆಲಸಗಳನ್ನು ಮಾಡಬಹುದು. ೧ ಒಳ್ಳೆಯ ಪುಸ್ತಕಗಳನ್ನು ಮನೆಗೆಲಸವೆಲ್ಲಾ ಮುಗಿದ ಮೇಲೆ ಓದುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ೨ ಮನೆಯ ಮುಂದೆ ಜಾಗವಿದ್ದರೆ, ಅಥವಾ ಪಾಟುಗಳಿದ್ದರೆ, ಒಂದಿಷ್ಟು ಗಿಡಗಳನ್ನು ಬೆಳೆಸುವ ಹವ್ಯಾಸ ಮನಸ್ಸಿಗೆ ಮುದಕೊಡುತ್ತದೆ. ೩ ಅಕ್ಕಪಕ್ಕದ ಮಹಿಳೆಯರ ಜೊತೆ ಒಂದಿಷ್ಟು ಸ್ನೇಹವನ್ನು ಬೆಳೆಸಿಕೊಂಡು ಒಬ್ಬರಿಗೊಬ್ಬರು ದಿನನಿತ್ಯದ ಕೆಲಸಕ್ಕೆ ನೆರವಾದರೆ ಖುಷಿ ಸಿಗುತ್ತದೆ. ೪ ಬಿಡುವಾದಾಗ ಸಂಗೀತ ಕೇಳುವುದು, ಹರಿದಾಸರ ಕೀರ್ತನೆಗಳನ್ನು ವಚನಕಾರರ ವಚನಗಳನ್ನು, ಜನಪದಹಾಡುಗಳನ್ನು ಭಾವಗೀತೆಗಳನ್ನು ಹಾಡಿಕೊಳ್ಳುವುದು ಸಹ ಮನಸ್ಸಿಗೆ ಮುದವನ್ನು ಕೊಡುತ್ತದೆ. ೫ ಹತ್ತಿರದಲ್ಲಿ ದೇವಸ್ಥಾನವಿದ್ದರೆ, ಪ್ರತಿನಿತ್ಯ ಅಲ್ಲಿ ಹೂಬತ್ತಿ ಮಾಡಿಕೊಡುವ, ಹೂವನ್ನು ಕಟ್ಟಿಕೊಡುವ, ದೇವರ ಉಪಕರಣೆಗಳನ್ನು ತೊಳೆದುಕೊಡುವ, ಅಂಗಳಕ್ಕೆ ನೀರುಹಾಕಿ ರಂಗೋಲಿಹಾಕುವ ಸೇವೆಗಳನ್ನು ಮಾಡಿದರೆ ಮನಸ್ಸಿಗೆ ಅಹ್ಲಾದವೆನಿಸುತ್ತದೆ.
