ಮದ್ವೆಯಾಗಿ ಪತ್ನಿಯರನ್ನು ಮಾರಾಟ ಮಾಡುತ್ತಿದ್ದ ಭಯಾನಕ ಕ್ರಿಮಿನಲ್! 12 ಮಂದಿಗೆ ಮೋಸ ಮಾಡಿದ್ದವ ಕೊನೆಗೂ ಸಿಕ್ಕಿಬಿದ್ದ

ಕಿಶನ್‌ಗಂಜ್ (ಬಿಹಾರ): ಎಂಟು ಮಂದಿ ಅಪ್ರಾಪ್ತೆಯರೂ ಸೇರಿದಂತೆ 12 ಮಂದಿಯನ್ನು ಮದುವೆಯಾದ ಬಿಹಾರದ ಕಿಶನ್​ಗಂಜ್​ ಜಿಲ್ಲೆಯ ಅನಾರ್ಕಲಿ ಗ್ರಾಮದ ನಿವಾಸಿಯೊಬ್ಬನನ್ನು ಕೊನೆಗೂ ಪೊಲೀಸರು ಬಂಧಿಸಿದ್ದಾರೆ. 32 ವರ್ಷದ ಶಂಶಾದ್​ ಪುರ್ನಿಯಾ ಎಂಬ ಈ ವ್ಯಕ್ತಿ 12 ಮಂದಿಯನ್ನು ನಿಖಾ ಮಾಡಿಕೊಂಡು ಅವರನ್ನೆಲ್ಲಾ ಏನು ಮಾಡಿದ್ದ ಎಂದು ಕೇಳಿ ಪೊಲೀಸರೇ ಬೆಚ್ಚಿಬಿದ್ದಿದ್ದಾರೆ.

ತಾನೊಬ್ಬ ಅವಿವಾಹಿತ ಎಂದು ಹೇಳಿಕೊಂಡು ಕೆಲವೊಂದು ಮದುವೆಯಾಗಿದ್ದರೆ, ಬಾಲಕಿಯರನ್ನು ಅಪಹರಿಸಿ ಈತ ಮದುವೆಯಾಗುತ್ತಿದ್ದ. 2015 ರಲ್ಲಿ ಬಾಲಕಿ ಅಪಹರಣ ಮಾಡಿದ ಕೇಸ್​ ದಾಖಲಾಗಿತ್ತು. ಅಂದಿನಿಂದಲೂ ಪೊಲೀಸರಿಗೆ ಬೇಕಾಗಿದ್ದ ಈತ ತನ್ನ ವಿರುದ್ಧ ದೂರು ನೀಡಿದ ಬಾಲಕಿಯನ್ನೇ ಮತ್ತೆ ಅಪಹರಿಸಿದ್ದ. ಅಲ್ಲದೇ, ಆಕೆಯೊಂದಿಗೆ ಮದುವೆಗೆ ಸಿದ್ಧನಾಗಿದ್ದ. ಈ ವಿಷಯ ತಿಳಿದ ಪೊಲೀಸರು ಈತನ ಹಿಂದೆ ಬಿದ್ದಾಗ ಭಯಾನಕ ಕಥೆಗಳು ತೆರೆದುಕೊಂಡಿವೆ.

ವಿಚಾರಣೆ ವೇಳೆ ಆತ ತನಗೆ ಈಗಾಗಲೇ 12 ಮದುವೆಗಳಾಗಿವೆ ಎಂದು ಬಾಯ್ಬಿಟ್ಟಿದ್ದಾನೆ. ತಾನು ಇವರನ್ನು ಮದುವೆಯಾಗಿ ವೇಶ್ಯಾವಾಟಿಕೆಗೆ ತಳ್ಳುತ್ತಿದ್ದ ಬಗ್ಗೆ ಹೇಳಿಕೊಂಡಿದ್ದಾನೆ. ಗಿಶನ್​ಗಂಜ್​ನ ಠಾಕೂರ್​ಗಂಜ್​ನ ರೆಡ್​ಲೈಟ್​ ಏರಿಯಾದಲ್ಲಿ ಈತ ಮದುವೆಯಾದವರನ್ನು ವೇಶ್ಯಾವಾಟಿಕೆಗೆ ನೂಕುತ್ತಿದ್ದ. ಇದಾಗಲೇ 12 ಮಂದಿಯನ್ನೂ ವೇಶ್ಯಾವಾಟಿಕೆಗೆ ನೂಕಿ ಹಣ ಮಾಡುತ್ತಿದ್ದ ಈತ ಈಗ ಪೊಲೀಸರ ಬಲೆಗೆ ಬಿದ್ದಿದ್ದು, ಆತನ ವಿರುದ್ಧ ಕೇಸ್​ ದಾಖಲಾಗಿದೆ. ತಾನು ಮದುವೆಯಾದವರ ಪೈಕಿ ಕೆಲವರನ್ನು ಬೇರೆ ಬೇರೆ ದೇಶಗಳಿಗೆ ಈತ ಮಾರಾಟ ಕೂಡ ಮಾಡಿರುವ ಅಂಶ ಬೆಳಕಿಗೆ ಬಂದಿದೆ.

ಇದಾಗಲೇ ಇಷ್ಟು ಮದುವೆಯಾಗಿದ್ದರೂ 15 ವರ್ಷದ ಬಾಲಕಿಯ ಅಪಹರಣದ ಕೇಸ್​ ಬಿಟ್ಟು ಬೇರೆ ಯಾವ ಕೇಸ್​ಗಳೂ ದಾಖಲಾಗಲಿಲ್ಲ. ಇದು ಪೊಲೀಸರನ್ನು ಅಚ್ಚರಿಗೆ ತಳ್ಳಿದೆ. ಇದೀಗ ಬಾಲಕಿ ಸೇರಿದಂತೆ ಉಳಿದ 12 ಮಂದಿಯ ಪತ್ತೆಗೆ ಪೊಲೀಸರು ಕ್ರಮ ತೆಗೆದುಕೊಂಡಿದ್ದಾರೆ.

https://www.vijayavani.net/s-newlu-married-man-pills-operation-by-doctors/

https://www.vijayavani.net/s-mla-krishnappa-about-inspector-entry-to-politics/