ಹಾಂಗಕಾಂಗ್: ಇತ್ತೀಚೆಗೆ ಬಾಡಿಬಿಲ್ಡರ್ ಒಬ್ಬ ಸೆಕ್ಸ್ಡಾಲ್ ಜತೆ ಮದುವೆ ಮಾಡಿಕೊಂಡು ಭಾರಿ ಸುದ್ದಿಯಾಗಿದ್ದ. ಅದರ ಬೆನ್ನಲ್ಲೇ ಇದೀಗ ಯುವಕನೊಬ್ಬ ಸೆಕ್ಸ್ಡಾಲ್ ಜತೆ ಎಂಗೇಜ್ಮೆಂಟ್ ಮಾಡಿಕೊಂಡು ಸುದ್ದಿಯಲ್ಲಿದ್ದಾನೆ.
ತ್ಸೆ ಟಿನ್ ವಿಂಗ್ ಎಂಬ 36 ವರ್ಷದ ಯುವಕ ಭರ್ಜರಿ ಸಮಾರಂಭದಲ್ಲಿ ಸೆಕ್ಸ್ಡಾಲ್ ಜತೆ ನಿಶ್ಚಿತಾರ್ಥ ಮಾಡಿಕೊಂಡು ಅದರ ಜತೆಯಲ್ಲಿಯೇ ಮದುವೆಯಾಗುವ ತಯಾರಿ ನಡೆಸಿದ್ದಾನೆ. ಇದರ ಜತೆಗೆ ಮದುವೆಯಾಗಲು ತನ್ನ ಪಾಲಕರ ಒಪ್ಪಿಗೆಯನ್ನು ಕೂಡ ಈತ ಪಡೆದುಕೊಂಡಿದ್ದಾನೆ.
10 ವರ್ಷಗಳ ಹಿಂದೆಯೇ ಈ ಗೊಂಬೆಯತ್ತ ಆಕರ್ಷಿತನಾಗಿದ್ದೆ. ಆದರೆ ನಿಜವಾದ ಮಹಿಳೆಯ ಬದಲು ಇದರತ್ತ ಆಕರ್ಷಣೆಯಾಗಿರುವುದು ಸರಿಯಲ್ಲ ಎನ್ನಿಸಿತು. ನಂತರ ಯಾಕೋ ಈ ಸೆಕ್ಸ್ಡಾಲ್ನ ರೂಪ, ಮೈಮಾಟ ನೋಡಿ ಸುಮ್ಮನೆ ಇರಲು ಆಗಲೇ ಇಲ್ಲ. ಆಗಲೇ ಹೋಗಿ ಖರೀದಿಸಬೇಕು ಎಂದುಕೊಂಡೆ. ಆದರೆ ಬಲು ದುಬಾರಿಯಾಗಿತ್ತು. ಅಷ್ಟೊಂದು ಹಣ ನನ್ನ ಬಳಿ ಇರಲಿಲ್ಲ. ಅದಕ್ಕೆ ಸುಮ್ಮನಾಗಿದ್ದೆ.
ತದನಂತರ ಯುವತಿಯ ಸಂಪರ್ಕಕ್ಕೆ ಬಂದೆ. ಆದರೆ ಸೆಕ್ಸ್ಗೊಂಬೆಯ ಮೋಹ ಮಾತ್ರ ಬಿಡಲಿಲ್ಲ. ವರ್ಷಗಳು ಕಳೆದರೂ ಆ ಬೊಂಬೆ ನನ್ನನ್ನು ಆಕರ್ಷಿಸುತ್ತಾ ಬಂತು. ಬರಬರುತ್ತಾರೆ ನಿಜವಾದ ಯುವತಿಯರಿಗಿಂತ ಈ ಗೊಂಬೆಯೇ ಬೆಸ್ಟ್ ಅನ್ನಿಸತೊಡಗಿತು. ಹೇಗಾದರೂ ಮಾಡಿ ಅದನ್ನು ಖರೀದಿ ಮಾಡಬೇಕೆಂದು ಪಣತೊಟ್ಟೆ ಎಂದು ಯುವಕ ಹೇಳಿದ್ದಾನೆ.
10 ವರ್ಷಗಳ ಹಿಂದೆ ನೋಡಿದ್ದ ಸೆಕ್ಸ್ಡಾಲ್ಗೆ 80 ಸಾವಿರ ಯುವಾನ್ (ಸುಮಾರು 9.8 ಲಕ್ಷ ರೂಪಾಯಿ) ಇತ್ತಂತೆ. ಈಗ ಆತನಿಗೆ ಸಿಲಿಕಾನ್ ಡಾಲ್ ಸಿಕ್ಕಿದ್ದು, ಅದರ ಬೆಲೆ 11.34 ಲಕ್ಷ ರೂಪಾಯಿ ಆಗಿದೆ. ಅದರ ಜತೆ ರಾತ್ರಿ- ಹಗಲು ಕಾಲ ಕಳೆದ. ಅದಕ್ಕೆ ಮೋಚಿ ಎಂದು ಹೆಸರಿಟ್ಟ. ಅದರ ಜತೆ ಕಾಲ ಕಳೆದ ಮೇಲೆ ನಿಜವಾಗಿಯೂ ಆತನಿಗೆ ಯುವತಿಯರಿಗಿಂತ ಇದೇ ಬೆಸ್ಟ್ ಎನಿಸಿದೆಯಂತೆ. ಅದಕ್ಕಾಗಿ ಮದುವೆಯಾಗುವ ನಿರ್ಧಾರಕ್ಕೆ ಬಂದಿದ್ದಾನೆ.
ಸದ್ಯ ಅದರ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾನೆ. ಅದರ ಕೋಮಲವಾದ ದೇಹವನ್ನು ನೋಡಿ ಇದುವರೆಗೆ ನಾನು ಸೆಕ್ಸ್ ಮಾಡಿಲ್ಲ. ಅದಕ್ಕೆ ಎಲ್ಲಿ ಹಾನಿಯಾಗುವುದೋ ಎಂಬ ಭಯವಿದೆ. ಅದರ ಜತೆ ಡೇಟಿಂಗ್ ಮಾಡಿದ್ದೇನೆ. ಮಲಗಿದ್ದೇನೆ. ಆದರೆ ಸೆಕ್ಸ್ ಮಾತ್ರ ಮಾಡಿಲ್ಲ. ಆದರೆ ಮದುವೆಯಾದ ಮೇಲೆ ಏನಾಗುವುದೋ ನೋಡಬೇಕು ಎಂದೂ ಹೇಳಿದ್ದಾನೆ.
ಪ್ರತಿಭಟನೆಗೆ ಪಾಕ್ನಿಂದ ಶಸ್ತ್ರಾಸ್ತ್ರ ಪೂರೈಕೆ: ಸ್ಫೋಟಕ ಮಾಹಿತಿ ನೀಡಿದ ಪಂಜಾಬ್ ಸಿಎಂ
‘ಗೋಮಾಂಸ ಹಬ್ಬ’ ವಿರೋಧಿಸಿ ಹಲ್ಲೆ: ಬಿಜೆಪಿ ಶಾಸಕನಿಗೆ ಒಂದು ವರ್ಷ ಜೈಲು
ಸೆಕ್ಸ್ ಡಾಲ್ ಮದ್ವೆಯಾದ ಬಾಡಿಬಿಲ್ಡರ್ಗೆ ನೆಟ್ಟಿಗನ ಪ್ರಶ್ನೆ: ಬಂದ ಉತ್ತರ ಕೇಳಿ ಹೌಹಾರಿದ ನೆಟ್ಟಿಗ!