ನವದೆಹಲಿ: ಹೋಟೆಲ್ಗಳಲ್ಲಿ ಹಲ್ಲಿ, ಜಿರಳೆ, ಹುಳಗಳು ಸಿಕ್ಕು ಗಲಾಟೆಗಳಾಗುವುದು ಸಹಜ. ಚೀನಾ ಹೊರತುಪಡಿಸಿ ಬಹುಶಃ ಉಳಿದ ಯಾವುದೇ ದೇಶಗಳಲ್ಲಿ ಇವುಗಳನ್ನು ಊಟದ ಪ್ಲೇಟ್ನಲ್ಲಿ ಕಂಡರೆ ವಾಂತಿ ಬರಿಸುವುದಂತೂ ನಿಜ.
ಆದರೆ ಅರ್ಧ ಊಟ ಮಾಡಿದ ಬಳಿಕ, ಹಲ್ಲಿಯ ಅರ್ಧ ದೇಹ ಊಟದ ಪ್ಲೇಟ್ನಲ್ಲಿ ಕಂಡರೆ ಹೇಗಿರುತ್ತೆ? ನೆನೆಸಿಕೊಂಡರೆ ಮೈ ಝುಂ ಎನ್ನುತ್ತದೆಯಲ್ಲವೆ?
ಆದರೆ ದೆಹಲಿಯ ರೆಸ್ಟೋರೆಂಟ್ ಒಂದಕ್ಕೆ ಹೋಗಿದ್ದ ಪಂಕಜ್ ಅಗರ್ವಾಲ್ ಎನ್ನುವವರಿಗೆ ಇದೇ ರೀತಿ ಆಗಿದ್ದು, ಹೋಟೆಲ್ ವಿರುದ್ಧ ಅವರು ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಮಧ್ಯ ದೆಹಲಿಯ ಕೊನಾಟ್ ಪ್ಲೇಸ್ನ ಪ್ರಸಿದ್ಧ ರೆಸ್ಟೋರೆಂಟ್ ಒಂದಕ್ಕೆ ಸ್ನೇಹಿತರ ಗುಂಪು ಅಲ್ಲಿಯ ಪ್ರಸಿದ್ಧ ಸಾಂಬಾರ್-ದೋಸೆಗೆ ಆರ್ಡರ್ ಮಾಡಿದೆ. ಐಷಾರಾಮಿ ಹೋಟೆಲ್ಗಳು, ಉನ್ನತ ಮಟ್ಟದ ತಿನಿಸುಗಳು ಮತ್ತು ಶಾಪಿಂಗ್ ಸಂಕೀರ್ಣಗಳಿಗೆ ಹೆಸರುವಾಸಿಯಾದ ಕಟ್ಟಡದಲ್ಲಿರುವ ಐಷಾರಾಮಿ ಹೋಟೆಲ್ ಇದು.
