ನೀನು ರೌಡಿ, ಮದ್ವೆಯಾಗಲ್ಲ ಎಂದಳು ಯುವತಿ: ಜೈಲಿನಿಂದ ಬಂದವನೇ ಕೊಲೆ ಮಾಡಿ ಎಸ್ಕೇಪ್​!

ಸೈನ್‌ಪುರ (ಪಂಜಾಬ್​): ರೌಡಿ ಎನ್ನುವ ಕಾರಣಕ್ಕೆ ಮದುವೆಯಾಗಿಲ್ಲ ಎಂದು ಸೋದರ ಮಾವನ ಮಗಳನ್ನೇ ಪಾಗಲ್​ ಪ್ರೇಮಿ ಹತ್ಯೆ ಮಾಡಿರುವ ಭಯಾನಕ ಘಟನೆ ಪಂಜಾಬ್‌ನ ಸೈನ್‌ಪುರ ಗ್ರಾಮದಲ್ಲಿ ನಡೆದಿದೆ.

ಹಲವಾರು ಕ್ರಿಮಿನಲ್​ ಚಟುವಟಿಕೆಗಳಲ್ಲಿ ಆರೋಪಿಯಾಗಿರುವ ರಾಹುಲ್‌, ಜೈಲಿನಲ್ಲಿದ್ದ. ಅವನಿಗೆ ಕೋರ್ಟ್​ ಜಾಮೀನು ಮಂಜೂರು ಮಾಡಿತ್ತು. ಜಾಮೀನಿನ ಮೇಲೆ ಹೊರಕ್ಕೆ ಬಂದು ಈತ ಈ ಕೃತ್ಯ ಎಸಗಿದ್ದಾನೆ. ಈತನ ಈ ದುಷ್ಕೃತ್ಯಕ್ಕೆ ಬಲಿಯಾದವರು ಪೂಜಾ ಎಂಬ ಯುವತಿ.

ರೌಡಿಯಾಗಿದ್ದೂ ಅಲ್ಲದೇ ಜೈಲಿಗೆ ಹೋಗಿರುವ ಈತನನ್ನು ಮದುವೆಯಾಗಲು ಪೂಜಾ ನಿರಾಕರಿಸಿದ್ದಾರೆ. ಜೈಲಿನಿಂದ ಬರುತ್ತಿದ್ದಂತೆಯೇ ರಾಹುಲ್​ ಮದುವೆಗೆ ದುಂಬಾಲು ಬಿದ್ದರೂ ಆಕೆ ಕೇಳಲಿಲ್ಲ ಎನ್ನುವ ಕಾರಣಕ್ಕೆ ಕೊಲೆ ಮಾಡಿದ್ದಾನೆ. ಪೂಜಾಳ ಮನೆಗೆ ನುಗ್ಗಿ ಕತ್ತು ಹಿಸುಕಿ ಕೊಲೆ ಮಾಡಿ ಪರಾರಿಯಾಗಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಪೂಜಾಳ ಅಣ್ಣ, ರಾಹುಲ್​ಗೆ ಕ್ರಿಮಿನಲ್‌ ಹಿನ್ನೆಲೆಯಿತ್ತು. ಹೀಗಾಗಿ ಆತನನ್ನು ಮದುವೆಯಾಗಲು ಪೂಜಾ ನಿರಾಕರಿಸಿದ್ದಳು. ಆರೋಪಿಗಳ ವಿರುದ್ಧ ಪೊಲೀಸ್‌ ಆಡಳಿತ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ. ಪ್ರಕರಣ ದಾಖಲಾಗಿದೆ. ಆರೋಪಿ ಕೊಲೆಯಾದ ಯುವತಿಯ ಮನೆಯ ಹತ್ತಿರ ಸುಳಿದಾಡುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

https://www.vijayavani.net/s-temple-case-in-court-over-150-years/

https://www.vijayavani.net/s-mother-case-against-son-and-daughter-in-law/

https://www.vijayavani.net/s-national-anthem-is-madatory-in-up/