'ಇಂಜೆಕ್ಷನ್​ ತಗೊಂಡ್ರೆ ಕರೊನಾ ಹೋಗಲ್ಲ ಸ್ವಾಮಿ... ಇದನ್ನೊಮ್ಮೆ ಏರಿಸಿ ನೋಡಿ.... ಆಮೇಲೆ ಹೇಳಿ...'

ನವದೆಹಲಿ: ಹೆಜ್ಜೆಹೆಜ್ಜೆಗೂ ಆತಂಕ ಸೃಷ್ಟಿಸುತ್ತಿರುವ ಕರೊನಾದಿಂದ ಆಗುತ್ತಿರುವ ಅನಾಹುತಗಳು ಅಷ್ಟಿಷ್ಟಲ್ಲ. ಕರೊನಾವನ್ನು ಹೊಡೆದೋಡಿಸಲು ತಜ್ಱರೆಲ್ಲರೂ ಸೇರಿ ವರ್ಷದಿಂದಲೂ ಏನೆಲ್ಲಾ ಸರ್ಕಸ್​ ಮಾಡುತ್ತಿದ್ದರೂ ಅದು ಸಂಪೂರ್ಣವಾಗಿ ಯಶಸ್ಸು ಕಂಡಿಲ್ಲ.

ಕರೊನಾ ಲಸಿಕೆ ಕಂಡುಹಿಡಿದರೂ, ಲಸಿಕೆ ಹಾಕಿಸಿಕೊಂಡ ನಂತರ ಕರೊನಾ ವೈರಸ್​ ಹತ್ತಿರ ಸುಳಿಯುವುದಿಲ್ಲ ಎಂಬ ಮಾತು ಹುಸಿಯಾಗತೊಡಗಿದೆ. ಲಸಿಕೆ ಹಾಕಿಸಿಕೊಂಡವರಿಗೂ ಸೋಂಕು ತಗುಲಿ ಅನಾಹುತವನ್ನೇ ಸೃಷ್ಟಿಸಿರುವ ಘಟನೆಗಳು ಅಲ್ಲಲ್ಲಿ ವರದಿಯಾಗುತ್ತಿವೆ.

ಇಡೀ ವೈದ್ಯಕೀಯ ಲೋಕವೇ ಈ ಮಹಾಮಾರಿಯ ಹಿಂದೆ ಬಿದ್ದಿರುವಾಗ ಇಲ್ಲೊಬ್ಬ ಮಹಿಳೆ ಮಾತ್ರ ಕರೊನಾಕ್ಕೆ ಒಂದು ಐಡಿಯಾ ಕೊಟ್ಟು, ಸಕತ್​ ಫೇಮಸ್​ ಆಗಿದ್ದಾಳೆ.

ಅಷ್ಟಕ್ಕೂ ಈ ಮಹಿಳೆ ಹೇಳಿದ್ದೇನೆಂದರೆ, ಇಂಜೆಕ್ಷನ್​ನಿಂದ ಯಾವುದೇ ಲಾಭವಿಲ್ಲ. ಲಸಿಕೆ ಹಾಕಿಸಿಕೊಂಡರೆ ಕರೊನಾ ಹೋಗಲ್ಲ. ಆದರೆ ಇದನ್ನೊಮ್ಮೆ ಏರಿಸಿ ನೋಡಿ ಎಂದು ಮದ್ಯದ ಬಾಟಲಿಯನ್ನು ತೋರಿಸಿದ್ದಾಳೆ. ದೆಹಲಿಯ ಶಿವಪುರಿ ಗೀತಾ ಕಾಲೋನಿಯಲ್ಲಿ ಇರುವ ಮದ್ಯದಂಗಡಿಗೆ ಮದ್ಯ ಖರೀದಿಗೆ ಬಂದಿದ್ದ ಈ ಮಹಿಳೆಯನ್ನು ಮಾತನಾಡಿದಾಗ, ನನಗೆ ಬೇರೆ ಯಾವುದೇ ಔಷಧಗಳಿಂದ ಯಾವುದೇ ಪ್ರಯೋಜನ ಆಗುವುದಿಲ್ಲ. ಪ್ರಯೋಜನ ಆಗಬೇಕೆಂದರೆ ಇದೊಂದು ಔಷಧ ಬೇಕು ಎಂದಿದ್ದಾರೆ. ಈಕೆ ಆಡಿದ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್​ ವೈರಲ್​ ಆಗುತ್ತಿದೆ.

https://www.vijayavani.net/s-sureshkumar-sectretary-ramesh-death-due-to-corona/

https://www.vijayavani.net/s-chaitra-kotur-fb-post/

https://www.vijayavani.net/s-tamil-actor-raiza-wilson-forced-to-undergo-dermatological-procedure/