ಕೋವಿಡ್​ಮುಕ್ತ ಈ ಗ್ರಾಮದಲ್ಲಿ 87 ರೂಪಾಯಿಗೆ ಸಿಗುತ್ತೆ ಮನೆ!

ಕಲಾಬ್ರೀಯಾ (ಇಟಲಿ): ಈ ಶೀರ್ಷಿಕೆ ನೋಡಿ ಎಲ್ಲೋ ತಪ್ಪಾಗಿದೆ ಎಂದುಕೊಂಡ್ರಾ? ಎಲ್ಲೂ ತಪ್ಪಾಗಿಲ್ಲ. 87 ಲಕ್ಷವೂ ಅಲ್ಲ, 87 ಸಾವಿರವೂ ಅಲ್ಲ... ನಿಜವಾಗಿಯೂ ಈ ಗ್ರಾಮದಲ್ಲಿ ಕೇವಲ 87 ರೂಪಾಯಿಗೆ ಮನೆ ಸಿಗುತ್ತೆ!

ಆದರೆ ಇಂಥದ್ದೊಂದು ಗ್ರಾಮದಲ್ಲಿ ಮನೆ ಖರೀದಿಗೆ ಹೋಗಬೇಕಿರುವುದು ಇಟಲಿಗೆ. ಇಟಲಿಯ ಕಲಬ್ರಿಯಾ ಪ್ರಾಂತ್ಯದ ಪುಟ್ಟ ಗ್ರಾಮ ವೆಸಾಜ್ಜಾ ಎಂಬಲ್ಲಿ ಮನೆಗಳು ಮಾರಾಟಕ್ಕಿದ್ದು, 1 ಯೂರೋ ಅಂದರೆ ಸರಿಸುಮಾರು 87 ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ಈ ಗ್ರಾಮ ಸಲೇಮಿ ಸಿಸಿಲಿ ದ್ವೀಪದ ಸಮೀಪವಿದೆ.

ಇದನ್ನೂ ಓದಿ: ಮನೆಗೆಲಸದವರು ಬೇಕಾಗಿದ್ದಾರೆ… ಸಂಬಳ ₹18.5 ಲಕ್ಷ, ಊಟ, ವಸತಿ ಫ್ರೀ…

ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಅನೇಕ ಮಂದಿ ಕೆಲಸ ಕಳೆದುಕೊಂಡಿರುವ ಕಾರಣ, ಮನೆ ಬಾಡಿಗೆ ಕೊಡುವುದೂ ಕಷ್ಟವಾಗಿದೆ. ಅಂಥವರಿಗಾಗಿ ‘ಆಪರೇಷನ್ ಬ್ಯೂಟಿ’ ಎಂಬ ಹೆಸರಿನಲ್ಲಿ ಈ ಗ್ರಾಮದಲ್ಲಿ ಮನೆಗಳನ್ನು ನೀಡಲು ನಿರ್ಧರಿಸಲಾಗಿದೆಯಂತೆ.

ಸಲೇಮಿ ಸಿಸಿಲಿ ದ್ವೀಪ ಐತಿಹಾಸಿಕ ಸ್ಥಳದ ಜತೆಗೆ ದ್ರಾಕ್ಷಿ ಹಾಗೂ ಆಲಿವ್​ ತೋಟಗಳಿಂದ ಆವೃತವಾಗಿದೆ. ಇಲ್ಲಿ ಅತ್ಯಂತ ಕಡಿಮೆ ಜನಸಂಖ್ಯೆಯಿಂದ ಜೀವನ ನಿರ್ವಹಣೆ ಮಾಡಲಾಗದೇ, ಇತ್ತ ಆಸ್ತಿ ಮಾರಾಟ ಮಾಡಲೂ ಆಗದೇ ಜನತೆ ಕಷ್ಟದಲ್ಲಿದ್ದಾರೆ. ಆದ್ದರಿಂದ ಇಲ್ಲಿ ಮನೆಗಳನ್ನು ಕೊಂಡುಕೊಳ್ಳುವವರಿಗೆ ಬರ ಬಿದ್ದಿತ್ತು. ಆದರೆ ಇದೀಗ ಕರೊನಾವೈರಸ್​ ಹಾಗೂ ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಕಡಿಮೆ ಬೆಲೆಯ ಮನೆಯ ಆಸೆಗೆ ಜನರು ಬರುತ್ತಿರುವುದಾಗಿ ವರದಿಯಾಗಿದೆ.

https://www.vijayavani.net/s-college-girl-police-case/

https://www.vijayavani.net/s-kodagu-dc-in-vedio/

https://www.vijayavani.net/s-supremecourt-advocate-without-shirt/