ಭೂಮಿಯಿಂದಾಚೆಗೆ, ಮಂಗಳ ಹಾಗೂ ಗುರು ಗ್ರಹಗಳ ನಡುವೆ ಕ್ಷುದ್ರಗ್ರಹಗಳ ಪಟ್ಟಿ ಎಂದೇ ಕರೆಯಲ್ಪಡುವ ವಿಸ್ತಾರ ಪ್ರದೇಶವಿದೆ. ಇಲ್ಲಿ ಸಾವಿರಾರು ಕ್ಷುದ್ರಗ್ರಹಗಳು ಸೂರ್ಯನನ್ನು ಸುತ್ತು ಹಾಕುತ್ತಿರುತ್ತವೆ. ಆದರೆ 16 ಸೈಕೀಯಷ್ಟು ದೊಡ್ಡ ಕ್ಷುದ್ರಗ್ರಹಗಳು ಕಡಿಮೆ. ಬೇರೆ ಗ್ರಹಗಳಲ್ಲಿ ಇರುವಂತೆ 16 ಸೈಕಿಯಲ್ಲಿ ಅಂತರಿಕ್ಷದ ಹುಡಿಧೂಳು, ಅನಿಲಗಳ ಉಂಡೆಯಷ್ಟೇ ಅಲ್ಲದೇ, ಇದಾಗಲೇ ಹೇಳಿದಂತೆ ಚಿನ್ನ, ವಜ್ರಗಳ ಖನಿಯೇ ಇದೆಯಂತೆ. ಇದರ ಅಂದಾಜು ಮೌಲ್ಯದ ಕುರಿತು ವಿವರಣೆ ನೀಡಿರುವ ನಾಸಾ, ಒಂದು ವೇಳೆ ಇಲ್ಲಿರುವ ಎಲ್ಲಾ ಚಿನ್ನ, ವಜ್ರ, ಪ್ಲಾಟಿನಂ ಅನ್ನು ಭೂಮಿಯ ಮೇಲೆ ತಂದರೆ, ಜಗತ್ತಿನ ಪ್ರತಿಯೊಬ್ಬನೂ ಬಿಲೇನಿಯರ್ ಆಗಬಹುದು ಎಂದಿದೆ.
