ತನ್ನಿಂದ ಗರ್ಭಿಣಿಯಾದ ಬಾಲಕಿಯನ್ನು ಮದ್ವೆಯಾಗ್ತೇನೆಂದ ವಿವಾಹಿತ- ಅಮ್ಮನ ಸಮ್ಮತಿ; ಕೋರ್ಟ್​ ನೀಡಿತು ಜಾಮೀನು

ಮುಂಬೈ: ಇದು 16 ವರ್ಷದ ಅಪ್ರಾಪ್ತ ಬಾಲಕಿ ವಿವಾಹಿತನೊಬ್ಬನಿಗೆ ಗರ್ಭಿಣಿಯಾಗಿ ಮಗುವಿನ ಅಮ್ಮನಾಗಿರುವ ಘಟನೆ. ಅತ್ಯಾಚಾರದ ಕೇಸ್​ನಲ್ಲಿ ಆರೋಪಿ ಜೈಲುಶಿಕ್ಷೆಗೆ ಒಳಗಾಗಿದ್ದ. ಇದೀಗ ಆತ ತಾನು ಬಾಲಕಿಯನ್ನು ಮದುವೆಯಾಗುವುದಾಗಿ ಒಪ್ಪಿಕೊಂಡಿದ್ದಾನೆ.

ಈ ನಡುವೆಯೇ, ತನ್ನ ಮಗಳನ್ನು ಗರ್ಭಿಣಿ ಮಾಡಿದ ಈ ವಿವಾಹಿತನಿಗೆ ಜಾಮೀನು ನೀಡುವಂತೆ ಬಾಲಕಿಯ ತಾಯಿಯೂ ಕೋರ್ಟ್​ ಮೊರೆ ಹೋಗಿದ್ದಾರೆ. ಈಗಾಗಲೇ ತಮ್ಮ ಮಗಳು ಮಗುವೊಂದಕ್ಕೆ ಜನ್ಮ ನೀಡಿದ್ದು, ಆರೋಪಿ ಆಕೆಯನ್ನು ಮದುವೆಯಾಗಲು ಒಪ್ಪಿಗೆ ಸೂಚಿಸಿದ್ದರಿಂದ ಜಾಮೀನು ನೀಡುವಂತೆ ಮನವಿ ಮಾಡಿಕೊಂಡಿದ್ದಾರೆ.

ಅಷ್ಟೇ ಅಲ್ಲದೇ, ಲೈಂಗಿಕ ಸಂಬಂಧ ಬೆಳೆಸಲು ಬಾಲಕಿಯ ಒಪ್ಪಿಗೆ ಕೂಡ ಇತ್ತು ಎನ್ನುವುದು ವಿಚಾರಣೆ ವೇಳೆ ಕೋರ್ಟ್​ಗೆ ತಿಳಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಮಗಳಿಗೆ 18 ವರ್ಷ ಆದ ಮೇಲೆ ಮದುವೆಯಾಗಲು ಆತ ಒಪ್ಪಿಕೊಂಡಿದ್ದರಿಂದ ಜಾಮೀನು ನೀಡುವಂತೆ ತಾಯಿ ಕೋರಿದರು.

ಇದನ್ನು ಮಾನ್ಯ ಮಾಡಿದ ಕೋರ್ಟ್​ ಆರೋಪಿಗೆ ಜಾಮೀನು ನೀಡಿದೆ. ಪೋಕ್ಸೋ ಕಾಯ್ದೆ ಅಡಿ 25 ವರ್ಷದ ಆರೋಪಿಯನ್ನು ಬಂಧಿಸಿ ಜೈಲಿನಲ್ಲಿ ಇಡಲಾಗಿತ್ತು.

16 ವರ್ಷದ ಬಾಲಕಿ ತಂದೆಗೆ ಆರೋಪಿ ಪರಿಚಿತನಾಗಿದ್ದ. ಆತನ ಮೊದಲ ಮದುವೆ ವಿಷಯವನ್ನು ಬಾಲಕಿಗೆ ತಿಳಿದಿರಲಿಲ್ಲ. ಆದ್ದರಿಂದ ಇಬ್ಬರೂ ಲೈಂಗಿಕ ಸಂಪರ್ಕ ಬೆಳೆಸಿದ್ದರು.

https://www.vijayavani.net/s-boycott-presidents-budget-speech/

https://www.vijayavani.net/s-h-vishwanath-on-supremecourt-order/

https://www.vijayavani.net/s-2-5-crore-award-fro-flag-hoist/