ಮಾಜಿ ಸಂಸದ ಸುಬ್ರಮಣಿಯನ್​ ಸ್ವಾಮಿಗೆ ಬಿಗ್​ಶಾಕ್​! ಆರು ವಾರಗಳಲ್ಲಿ ಮನೆ ಬಿಡುವಂತೆ ಕೋರ್ಟ್​ ಆದೇಶ

ನವದೆಹಲಿ: ಬಿಜೆಪಿಯ ಮಾಜಿ ಸಂಸದ, ಖ್ಯಾತ ಅರ್ಥಶಾಸ್ತ್ರಜ್ಞ ಡಾ. ಸುಬ್ರಮಣಿಯನ್ ಸ್ವಾಮಿ ಅವರು ತಮ್ಮ ದೆಹಲಿ ಬಂಗಲೆಯನ್ನು ಇನ್ನು ಆರು ವಾರಗಳಲ್ಲಿ ಖಾಲಿ ಮಾಡಬೇಕಿದೆ. ಇದಕ್ಕೆ ಕಾರಣ, ಬಂಗಲೆಯನ್ನು ತೆರವು ಮಾಡುವಂತೆ ದೆಹಲಿ ಹೈಕೋರ್ಟ್​ ಸ್ವಾಮಿ ಅವರಿಗೆ ಆದೇಶಿಸಿದೆ.

ಸುಬ್ರಮಣಿಯನ್ ಸ್ವಾಮಿ ಅವರು ಸಂಸದರಾಗಿದ್ದ ಅವಧಿಯಲ್ಲಿ 2016ರ ಜನವರಿಯಲ್ಲಿ 5 ವರ್ಷಗಳ ಕಾಲ ದೆಹಲಿಯಲ್ಲಿ ಅವರಿಗೆ ಬಂಗಲೆ ಮಂಜೂರು ಮಾಡಲಾಗಿತ್ತು. ಇದೇ ಏಪ್ರಿಲ್​ನಲ್ಲಿ ಅವರ ರಾಜ್ಯಸಭಾ ಅಧಿಕಾರಾವಧಿ ಮುಗಿದಿದೆ. ಈ ಹಿನ್ನೆಲೆಯಲ್ಲಿ ಅವರು ಬಂಗಲೆಯನ್ನು ತೆರವು ಮಾಡಬೇಕಿತ್ತು.

ಆದರೆ ಅವರು ಅವಧಿ ಮುಗಿದರೂ ಬಂಗಲೆಯಲ್ಲಿ ವಾಸಿಸುತ್ತಿದ್ದರು. ಇದೀಗ ತಮಗೆ ಜೀವ ಬೆದರಿಕೆ ಇರುವ ಹಿನ್ನೆಲೆಯಲ್ಲಿ ಇದೇ ಬಂಗಲೆಯಲ್ಲಿ ಮುಂದುವರೆಯಲು ಅನುಮತಿ ನೀಡಿ ಎಂದು ಸ್ವಾಮಿ ಹೈಕೋರ್ಟ್​ ಮೊರೆ ಹೋಗಿದ್ದರು.

ಆದರೆ ಈ ವಾದವನ್ನು ನ್ಯಾಯಮೂರ್ತಿ ಯಶವಂತ್ ವರ್ಮಾ ಅವರು ಮಾನ್ಯ ಮಾಡಲಿಲ್ಲ. "ನಿಮಗೆ ಬಂಗಲೆಯನ್ನು ಐದು ವರ್ಷಗಳವರೆಗೆ ಮಂಜೂರು ಮಾಡಲಾಗಿದ್ದು, ಅವಧಿ ಮುಗಿದಿದೆ. ಜೀವ ಬೆದರಿಕೆ ಇದ್ದು ರಕ್ಷಣೆಯ ಅವಶ್ಯಕತೆ ಇದೆ ಎಂಬ ಬಗ್ಗೆ ಸದ್ಯ ಯಾವುದೇ ವಿಷಯ ಕೋರ್ಟ್​ ಗಮನಕ್ಕೆ ಬರಲಿಲ್ಲ. ಈ ಹಿನ್ನೆಲೆಯಲ್ಲಿ ನಿಮ್ಮ ಅರ್ಜಿಯನ್ನು ಮಾನ್ಯ ಮಾಡಲಾಗುವುದಿಲ್ಲ' ಎಂದು ಕೋರ್ಟ್​ ಹೇಳಿದೆ.

ಕೋರ್ಟ್​ ಆದೇಶದಿಂದಾಗಿ ಈಗ ಸುಬ್ರಮಣಿಯನ್​ ಸ್ವಾಮಿ ಅವರು ಇನ್ನು ಆರು ವಾರಗಳಲ್ಲಿ ಬಂಗಲೆ ತೆರವು ಮಾಡಬೇಕಿದೆ (ಏಜೆನ್ಸೀಸ್​)

https://www.vijayavani.net/s-bsy-special-court-order/

https://www.vijayavani.net/s-who-is-pinky-irani-the-matchmaker-for-jacqueline-fernandez/

https://www.vijayavani.net/s-saudi-arabia-yemeni-man-arrested-elizabeth-ii-banner-during-mecca/