ಕೃಷಿ ಕಾಯ್ದೆ ಮಾತುಕತೆಯ ಸಮಿತಿಯಿಂದ ಹೊರನಡೆದ ರೈತ ನಾಯಕ!

ನವದೆಹಲಿ: ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಕೃಷಿ ಕಾನೂನುಗಳ ಕುರಿತಂತೆ ರೈತರು ಮತ್ತು ಕೇಂದ್ರ ಸರ್ಕಾರದ ನಡುವೆ ಮಾತುಕತೆ ವಿಫಲವಾಗಿರುವ ಹಿನ್ನೆಲೆಯಲ್ಲಿ, ಈ ಕುರಿತ ಮಾತುಕತೆಗೆ ಸುಪ್ರೀಂಕೋರ್ಟ್‌ ಸಮಿತಿಯೊಂದನ್ನು ರಚನೆ ಮಾಡಿದೆ.

ಈ ಸಮಿತಿಯಲ್ಲಿ ಪಂಜಾಬ್‌ನ ರೈತ ನಾಯಕ ಭೂಪೇಂದರ್ ಸಿಂಗ್ ಮಾನ್ ಅವರು ಕೂಡ ಒಬ್ಬರಾಗಿದ್ದರು. ಆದರೆ ಅಚ್ಚರಿಯ ಬೆಳವಣಿಗೆಯಲ್ಲಿ ಈ ಸಮಿತಿಯಲ್ಲಿ ತಾವು ಇರುವುದಿಲ್ಲ ಎಂದು ಸಿಂಗ್‌ ಹೇಳಿದ್ದು, ಸಮಿತಿಯಿಂದ ಹೊರಕ್ಕೆ ಬಂದಿದ್ದಾರೆ.

ಈ ಸಮಿತಿಯಲ್ಲಿ ನಾಲ್ವರು ಸದಸ್ಯರನ್ನು ನೇಮಕ ಮಾಡಲಾಗಿದ್ದು, ಇದರಲ್ಲಿ ಸಿಂಗ್‌ ಕೂಡ ಒಬ್ಬರಾಗಿದ್ದರು. ಇನ್ನುಳಿದವರು ಕೃಷಿ ತಜ್ಞರಾದ ಅಶೋಕ್ ಗುಲಟಿ, ಡಾ.ಪ್ರಮೋದ್ ಕುಮಾರ್ ಜೋಷಿ, ಅನಿಲ್ ಧನ್ವಂತ್. ಸಿಂಗ್‌  ಭಾರತೀಯ ಕಿಸಾನ್ ಯೂನಿಯನ್‌ನ (ಬಿಕೆಯು) ರಾಷ್ಟ್ರೀಯ ಅಧ್ಯಕ್ಷ, ಅಖಿಲ ಭಾರತೀಯ ಕಿಸಾನ್ ಸಮನ್ವಯ ಸಮಿತಿ ಅಧ್ಯಕ್ಷ ಕೂಡ ಹೌದು. ಈಗ ಸಮಿತಿಯಿಂದ ಹೊರಕ್ಕೆ ನಡೆದಿರುವ ಬಗ್ಗೆ ಭಾರತೀಯ ಕಿಸಾನ್ ಯೂನಿಯನ್ ಮಾಹಿತಿ ನೀಡಿದೆ.

ತಾವು ಸಮಿತಿ ಸದಸ್ಯ ಸ್ಥಾನದಿಂದ ಹೊರಬರುತ್ತಿರುವುದರ ಬಗ್ಗೆ ಪತ್ರ ಬರೆದಿರುವ ಮಾನ್, "ತಮ್ಮನ್ನು ನೇಮಕ ಮಾಡಿರುವುದಕ್ಕೆ ಸುಪ್ರೀಂ ಕೋರ್ಟ್‌ಗೆ ಧನ್ಯವಾದ ತಿಳಿಸುತ್ತೇನೆ, ನಾನು ರೈತರ ನಾಯಕನಾಗಿದ್ದುಕೊಂಡು ಅವರ ಹಿತಾಸಕ್ತಿಗಾಗಿ ಯಾವುದೇ ಹುದ್ದೆಯನ್ನೂ ತ್ಯಜಿಸುವುದಕ್ಕೂ ಸಿದ್ಧನಿದ್ದೇನೆ, ನಾನು ಎಂದಿಗೂ ರೈತರ ಪರ ಹಾಗೂ ಪಂಜಾಬ್ ಪರವಾಗಿರುತ್ತೇನೆ, ಸಮಿತಿ ಸದಸ್ಯತ್ವದಿಂದ ಹೊರಬರುತ್ತಿದ್ದೇನೆ ಎಂದು ಹೇಳೀರುವುದಾಗಿ ತಿಳಿದುಬಂದಿದೆ.

https://www.vijayavani.net/s-aptha-maduveyaguttanendu-nambi/

https://www.vijayavani.net/s-a-15-year-old-girl-can-reproduce/

https://www.vijayavani.net/s-wife-by-pushing-her-from-train/

https://www.vijayavani.net/s-gujarat-cadre-ias-officer-who-took-vrs-joins-bjp-in-up/