ಬೆಂಗಳೂರು: ‘ನನ್ನಮ್ಮ ಸೂಪರ್ ಸ್ಟಾರ್’ ರಿಯಾಲಿಟಿ ಷೋ ಮೂಲಕ ಮನೆಮಾತಾಗಿದ್ದ ಪುಟಾಣಿಯೆಂದರೆ ಆಕೆ ಸಮನ್ವಿ. ಆರು ವರ್ಷದ ಈ ಪುಟಾಣಿಗೆ ಫಿದಾ ಆಗದವರೇ ಇಲ್ಲ. ಬೆಳೆದು ದೊಡ್ಡವಳಾಗಿ ಇನ್ನೂ ಕೀರ್ತಿವಂತಳಾಗಬೇಕಿದ್ದ ಪುಟಾಣಿಯ ಜೀವವನ್ನು ಕಸಿದುಕೊಂಡಿತ್ತು ಕಳೆದ ಜನವರಿ ತಿಂಗಳು ಬೆಂಗಳೂರಿನಲ್ಲಿ ನಡೆದ ಅಪಘಾತ.
ಬೆಂಗಳೂರಿನ ಕೋಣನಕುಂಟೆ ಬಳಿಯ ವಾಜರಹಳ್ಳಿಯಲ್ಲಿ ನಡೆದ ಅಪಘಾತದಲ್ಲಿ ಬಾಲಕಿ ಮೃತಪಟ್ಟಿದ್ದಳು. ಮೊದಲೇ ಒಂದು ಮಗುವನ್ನು ಕಳೆದುಕೊಂಡಿದ್ದ ಇವಳ ಅಮ್ಮ ಖ್ಯಾತ ನಿರೂಪಕಿ ಅಮೃತಾ ನಾಯ್ಡು ಹಾಗೂ ತಂದೆ ರೂಪೇಶ್ ಬಾಳು ಅಕ್ಷರಶಃ ನಲುಗಿ ಹೋಗಿದ್ದ ದಿನವದು. ಆದರೆ ಇವತ್ತು ಆ ಮನೆಯಲ್ಲಿ ಮತ್ತೆ ಖುಷಿ ಮನೆಮಾಡಿದೆ. ಸಮನ್ವಿಗೆ ಪುಟ್ಟ ತಮ್ಮನ ಆಗಮನವಾಗಿದೆ.
ಸಮನ್ವಿ ಸಾಯುವ ಸಂದರ್ಭದಲ್ಲಿಯೇ ಗರ್ಭವತಿಯಾಗಿದ್ದ ಅಮೃತಾ ಅವರು ಇಂದು ಗಂಡುಮಗುವಿಗೆ ಜನ್ಮ ನೀಡಿದ್ದಾರೆ. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಅವರ ಪತಿ ರೂಪೇಶ್ ಸಿಹಿಸುದ್ದಿಯನ್ನು ಹಂಚಿಕೊಂಡಿದ್ದಾರೆ. ಮಗಳ ಸಾವಿನ ಸಂದರ್ಭದಲ್ಲಿ ತಮಗೆ ಬೆಂಬಲಿಸಿದ, ಸಮಾಧಾನ ಹೇಳಿದವರಿಗೆ ಈ ಸಂದರ್ಭದಲ್ಲಿ ಅವರು ಧನ್ಯವಾದ ಸಲ್ಲಿಸಿದ್ದಾರೆ. ನನ್ನೊಳಗೆ ಒಂದು ಪುಟ್ಟ ಜೀವವಿದೆ, ನಾನು ಆ ಬೆಳಕನ್ನು ನೋಡುತ್ತೇನೆ ಎಂದು ಗರ್ಭಿಣಿಯಾಗಿದ್ದ ಸಂದರ್ಭದಲ್ಲಿ ಅಮೃತಾ ಬರೆದುಕೊಂಡಿದ್ದರು.
ಮಗು ಗರ್ಭದಲ್ಲಿ ಇರುವಾಗಲೇ ದತ್ತು ತೆಗೆದುಕೊಳ್ಳಬಹುದಾ? ಹೈಕೋರ್ಟ್ನಿಂದ ಹೊರಟಿದೆ ಮಹತ್ವದ ಆದೇಶ