ಕಾಮತ್ ಅವರು ಕರ್ನಾಟಕದ ಮಂಗಳೂರಿನ ಹಳ್ಳಿಯೊಂದರಲ್ಲಿ ಮಾವಿನ ಹಣ್ಣುಗಳನ್ನು ಮಾರಾಟ ಮಾಡುವಲ್ಲಿ ತಮ್ಮ ತಂದೆಗೆ ಸಹಾಯ ಮಾಡುತ್ತಾ ಬೆಳೆದರು. 14ನೇ ವಯಸ್ಸಿನಲ್ಲಿ ಅಧ್ಯಯನ ತೊರೆದ ನಂತರ ಮಂಗಳೂರಿನಿಂದ ರೈಲು ಹತ್ತಿ ಮುಂಬೈಗೆ ಬಂದರು. ತಮ್ಮ ಸಹೋದರನ ರೆಸ್ಟೋರೆಂಟ್ನಲ್ಲಿ ಕೆಲಸ ಮಾಡಿದರು. ನಂತರ ಅವರಿಗೊಂದು ಆಲೋಚನೆ ಹೊಳೆಯಿತು. ಐಸ್ಕ್ರೀಮ್ಗಳು ಹಣ್ಣಿನ ರುಚಿ ಹೊಂದಿರುತ್ತವೆ. ಇದರ ಬದಲಾಗಿ, ಐಸ್ಕ್ರೀಮ್ಗಳಲ್ಲಿ ನಿಜವಾದ ಹಣ್ಣು ಇದ್ದರೆ ಹೇಗೆ ಎಂಬ ಆಲೋಚನೆ ಬಂದಿತು. ಆದರೆ, ನೈಜ ಹಣ್ಣಿನ ಐಸ್ಕ್ರೀಮ್ ಅನ್ನು ಗ್ರಾಹಕರು ಸೇವಿಸುತ್ತಾರೋ ಇಲ್ಲವೋ ಎಂಬ ಆತಂಕ ಅವರಲ್ಲಿ ಮೂಡಿತು. ಹೀಗಾಗಿ ಅವರು ಪಾವ್-ಭಾಜಿಯನ್ನು ಮುಖ್ಯ ಭಕ್ಷ್ಯವಾಗಿ ಮತ್ತು ಹಣ್ಣಿನ ಐಸ್ ಕ್ರೀಮ್ ಅನ್ನು ಅದರೊಂದಿಗೆ ಬಡಿಸುವ ಮೂಲಕ ತಮ್ಮ ವ್ಯವಹಾರ ಪ್ರಾರಂಭಿಸಿದರು.
