ವಿಡಿಯೋದಲ್ಲಿ ಏನಿದೆ?: ವೃದ್ಧರೊಬ್ಬರು ರಸ್ತೆಬದಿಯಲ್ಲಿ ಜೇನು ಮಾರಾಟ ಮಾಡುತ್ತಿರುವುದನ್ನು ಕಾಣಬಹುದು. ಜೇನುತುಪ್ಪವು ಶುದ್ಧವಾಗಿದೆ ಎಂದು ಅವರು ಹೇಳುತ್ತಾರೆ. ಆದರೆ, ಗ್ರಾಹಕರಿಗೆ ಜೇನುತುಪ್ಪದ ಶುದ್ಧತೆಯನ್ನು ತೋರಿಸಲು, ಅವರು ಮೊದಲು ಇನ್ನೂರು ರೂಪಾಯಿಯ ನೋಟನ್ನು ತೆಗೆದುಕೊಂಡು ನೋಟಿನ ಒಂದು ಭಾಗಕ್ಕೆ ಸ್ವಲ್ಪ ಜೇನುತುಪ್ಪವನ್ನು ಬಳಿಯುತ್ತಾರೆ. ಬಳಿಕ ಬೆಂಕಿಕಡ್ಡಿಯನ್ನು ಹೊತ್ತಿಸಿ ಕರೆನ್ಸಿ ನೋಟಿನ ಮೇಲೆ ಹಚ್ಚಿದ ಜೇನು ತುಪ್ಪದ ಕೆಳಗೆ ಇಟ್ಟರು. ಆದರೆ ನೋಟು ಸುಡುವುದಿಲ್ಲ. ಅಂದರೆ ಜೇನು ಲೇಪಿತ ನೋಟಿಗೆ ಬೆಂಕಿ ಬಿದ್ದಿಲ್ಲ. ಅಷ್ಟೇ ಅಲ್ಲ, ನೋಟು ಸುಟ್ಟರೆ ಜೇನನ್ನು ಬಿಸಾಕುತ್ತೇನೆ ಎಂದು ಆ ವ್ಯಕ್ತಿ ಹೇಳಿರುವುದು ಕೂಡ ವಿಡಿಯೋದಲ್ಲಿ ಕಂಡು ಬಂದಿದೆ. ಆ ನಂತರವೂ ಅವರು 10 ರೂ.ನೋಟಿನ ಮೂಲಕ ಅದೇ ಸಾಹಸವನ್ನು ತೋರಿಸಿದರು.
