ಮುಂಬೈ: ಬಾಲಿವುಡ್ನಲ್ಲಿ ಈಗಾಗಲೇ ಸ್ಟಾರ್ ಕಲಾವಿದರು ತಂತಮ್ಮ ಕೈಲಾದ ಸಹಾಯ ಮಾಡುತ್ತಿದ್ದಾರೆ. ಅಕ್ಷಯ್ ಕುಮಾರ್ 25 ಕೋಟಿ ಕೊಟ್ಟರೆ, ಸಲ್ಮಾನ್ ಖಾನ್ ಸಿನಿಮಾ ಕಾರ್ಮಿಕರ ನೆರವಿಗೆ ನಿಂತಿದ್ದಾರೆ. ಇನ್ನು ಕೆಲವರು ಪಿಎಂ ಕೇರ್ಸ್ಗೆ ಫಂಡಿಂಗ್ ಮಾಡಿದ್ದಾರೆ. ಅದೇ ರೀತಿ ಶಾರುಖ್ ಖಾನ್ ಕಚೇರಿಯನ್ನೇ ಐಸೋಲೇಷನ್ಗಾಗಿ ನೀಡಿದ್ದಾರೆ. ಇದೀಗ ಬಾಲಿವುಡ್ನ ಖ್ಯಾತ ನಿರ್ದೇಶಕ ರೋಹಿತ್ ಶೆಟ್ಟಿ ಕರೊನಾ ವಾರಿಯರ್ಸ್ ಸಹಾಯಕ್ಕೆ ಬಂದಿದ್ದಾರೆ. ಹೌದು, ಕರೊನಾ ವಾರಿಯರ್ಸ್ ಸಲುವಾಗಿ ಮುಂಬೈನ ಎಂಟು ಹೋಟೆಲ್ಗಳಲ್ಲಿ ಅಚ್ಚುಕಟ್ಟು ವ್ಯವಸ್ಥೆ ಮಾಡಿದ್ದಾರೆ ರೋಹಿತ್. ಈ ಹೋಟೆಲ್ಗಳಲ್ಲಿ ಪೊಲೀಸ್ ಸಿಬ್ಬಂದಿ ಒಂದಷ್ಟು ಹೊತ್ತು ವಿಶ್ರಮಿಸಬಹುದು. ಸ್ನಾನ ಮಾಡಿ, ಉಪಹಾರ ಸೇವಿಸಬಹುದು. ಅವರಿಗೆ ಊಟದ ವ್ಯವಸ್ಥೆಯನ್ನೂ ಮಾಡಲಾಗಿದೆ. ಈ ಎಲ್ಲ ವ್ಯವಸ್ಥೆ ಕಲ್ಪಿಸಿದ ರೋಹಿತ್ ಶೆಟ್ಟಿಗೆ ಮುಂಬೈ ಪೊಲೀಸ್ ಧನ್ಯವಾದ ತಿಳಿಸಿದೆ. (ಏಜೆನ್ಸೀಸ್)