ಏಕಾಂಗಿಯಾಗಿ ಟೀಮ್​ ಇಂಡಿಯಾವನ್ನು ಗೆಲ್ಲಿಸುವ ಆಟಗಾರ ಇವರೊಬ್ಬರೇ; ಶಕೀಬ್​ ಅಲ್​ ಹಸನ್​ ಹೇಳಿಕೆ ವೈರಲ್

ನವದೆಹಲಿ: ಜೂನ್​ 02ರಿಂದ ಆರಂಭವಾಗಲಿರುವ ಟಿ-20 ವಿಶ್ವಕಪ್​ಗೆ ದಿನಗಣನೆ ಆರಂಭವಾಗಿದ್ದು, ಕ್ರೀಡಾಭಿಮಾನಿಗಳು ಚುಟುಕು ವಿಶ್ವಸಮರವನ್ನು ಕಣ್ತುಂಬಿಕೊಳ್ಳಲು ಕಾತುರದಿಂದ ಕಾಯುತ್ತಿದ್ದಾರೆ. ಯುಎಸ್​ಎ ಹಾಗೂ ವೆಸ್ಟ್​ ಇಂಡೀಸ್​ ಆತಿಥ್ಯದಲ್ಲಿ ನಡೆಯಲಿರುವ ಚುಟುಕು ವಿಶ್ವಸಮರದಲ್ಲಿ ಟೀಮ್​ ಇಂಡಿಯಾ ಜೂನ್​ 01ರಂದು ಬಾಂಗ್ಲಾದೇಶ ವಿರುದ್ಧ ಅಭ್ಯಾಸ ಪಂದ್ಯವನ್ನು ಆಡಲಿದ್ದು, ಇದಕ್ಕೂ ಮುನ್ನ ರೋಹಿತ್​ ಶರ್ಮಾ ಕುರಿತು ಮಾಜಿ ನಾಯಕರೊಬ್ಬರು ನೀಡಿರುವ ಹೇಳಿಕೆ ಸಖತ್​ ವೈರಲ್​ ಆಗುತ್ತಿದೆ.

ಬಾಂಗ್ಲಾದೇಶ ಕ್ರಿಕೆಟ್​ ತಂಡದ ಮಾಜಿ ನಾಯಕ ಶಕೀಬ್​​ ಹಸನ್​ ಈ ಹೇಳಿಕೆ ನೀಡಿದ್ದು, ಹಲವರನ್ನು ಹುಬ್ಬೇರುವಂತೆ ಮಾಡಿದೆ. ಬಾಂಗ್ಲಾದೇಶ ವಿರುದ್ಧದ ಅಭ್ಯಾಸ ಪಂದ್ಯಕ್ಕೂ ಮುನ್ನ ಈ ಹೇಳಿಕೆ ನೀಡಿರುವುದು ಸಾಕಷ್ಟು ಮಹತ್ವ ಪಡೆದುಕೊಂಡಿದೆ.

ಇದನ್ನೂ ಓದಿ: ಎಚ್​.ಡಿ. ರೇವಣ್ಣ ಫ್ಯಾಮಿಲಿಗೆ ಡಬಲ್​ ಶಾಕ್​; ಭವಾನಿ ರೇವಣ್ಣ ಸಲ್ಲಿಸಿದ್ದ ಜಾಮೀನು ಅರ್ಜಿ ವಜಾ

ಟೀಮ್​ ಇಂಡಿಯಾಗೆ ಏಕಾಂಗಿಯಾಗಿ ಮ್ಯಾಚ್​ ಗೆಲ್ಲಿಸಿಕೊಡುವ ಶಕ್ತಿ ಇದ್ದರೆ ನನ್ನ ಪ್ರಕಾರ ಅದು ರೋಹಿತ್​ ಶರ್ಮಾಗೆ ಎಂದು ಹೇಳಲು ಇಷ್ಟಪಡುತ್ತೇನೆ. ಏಕೆಂದರೆ ನಾಯಕನಾಗಿ ಆವರು ತಂಡವನ್ನು ಮುನ್ನಡೆಸಿರುವ ರೀತಿ ಅದ್ಭುತವಾಗಿದ್ದು, ತಂಡ ಹಲವು ದಾಖಲೆಗಳನ್ನು ಮಾಡಿದೆ. ಎಲ್ಲಾ ಆಟಗಾರರು ಅವರನ್ನು ತಂಡದ ನಾಯಕ ಎಂದು ಗೌರವಿಸುತ್ತಾರೆಂದು ನಾನು ಭಾವಿಸಿದ್ದೇನೆ. ಏಕಾಂಗಿಯಾಗಿ ಎದುರಾಳಿಯ ಆಟವನ್ನುಕಿತ್ತುಕೊಳ್ಳುವ ಸಾಮರ್ಥ್ಯವಿದ್ದರೆ ಅದು ರೋಹಿತ್​ಗೆ ಮಾತ್ರ ಸಾಧ್ಯ ಎಂದು ಶಕೀಬ್​ ಅಲ್​ ಹಸನ್​ ಅಭಿಪ್ರಾಯಪಟ್ಟಿದ್ದಾರೆ.

ಭಾರತ ಹಾಗೂ ಬಾಂಗ್ಲದೇಶ ನಡುವಿನ ಅಭ್ಯಾಸ ಪಂದ್ಯ ಶುರುವಾಗುವುದಕ್ಕೂ ಮುನ್ನ ಶಕೀಬ್​ ಅಲ್​ ಹಸನ್​ರ ಈ ಹೇಳಿಕೆ ಸಾಕಷ್ಟು ಮಹತ್ವ ಪಡೆದುಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಪರ-ವಿರೋಧದ ಚರ್ಚೆ ನಡೆಯುತ್ತಿದೆ. ಮುಂದಿನ ದಿನಗಳಲ್ಲಿ ಶಕೀಬ್​ರ ಈ ಹೇಳಿಕೆ ಅಭಿಮಾನಿಗಳ ಮೇಲೆ ಯಾವ ರೀತಿ ಪರಿಣಾಮ ಬೀರಲಿದೆ ಎಂದು ಕಾದು ನೋಡಬೇಕಿದೆ.

https://www.vijayavani.net/crazy-to-me-rohit-sharma-marvel-in-new-york-stadium-magic

https://www.vijayavani.net/senior-congress-leader-mla-shamanuru-shivashankarappa-hospitalised