ವಾಷಿಂಗ್ಟನ್: ನಾಯಿಗಳನ್ನು ಕಂಡರೆ ಕಲ್ಲು ಹೊಡೆಯುವ ಅದೆಷ್ಟೋ ಜನರ ಮಧ್ಯೆ ನಾಯಿಯನ್ನು ಸ್ವಂತ ಮಕ್ಕಳಿಗಿಂತ ಹೆಚ್ಚಾಗಿ ಪ್ರೀತಿಸುವವರೂ ಇದ್ದಾರೆ. ಇಲ್ಲೊಬ್ಬ ವ್ಯಕ್ತಿ ಅದೆಷ್ಟರ ಮಟ್ಟಿಗೆ ನಾಯಿಯನ್ನು ಹಚ್ಚಿಕೊಂಡಿದ್ದನೆಂದರೆ ತನ್ನ ಪೂರ್ತಿ ಆಸ್ತಿಯನ್ನು ನಾಯಿಗಾಗೇ ಬರೆದಿಟ್ಟು ಪ್ರಾಣ ಬಿಟ್ಟಿದ್ದಾನೆ.
ಅಮೆರಿಕದ ಆಗರ್ಭ ಶ್ರೀಮಂತ ಬಿಲ್ ಡೋರಿಸ್ ಎಂಟು ವರ್ಷಗಳಿಂದ ಲೂಲು ಹೆಸರಿನ ನಾಯಿಯನ್ನು ಸಾಕಿದ್ದ. ತಾನು ಸತ್ತ ನಂತರ ತನ್ನ 5 ಮಿಲಿಯನ್ ಡಾಲರ್ (ಸರಿ ಸುಮಾರು 36 ಕೋಟಿ ರೂಪಾಯಿ) ಆಸ್ತಿಯನ್ನು ಒಂದು ಟ್ರಸ್ಟ್ ಹೆಸರಿಗೆ ಬರೆದಿದ್ದಾನೆ. ನನ್ನ ಲೂಲುವನ್ನು ನೋಡಿಕೊಳ್ಳುವ ಟ್ರಸ್ಟ್ಗೆ ಈ ಆಸ್ತಿ ಸೇರುತ್ತದೆ ಎಂದು ಬರೆದಿಟ್ಟು ಪ್ರಾಣ ಬಿಟ್ಟಿದ್ದಾನೆ.
ಡೋರಿಸ್ ಕೊನೆಯಾಸೆಯಂತೆ ಟ್ರಸ್ಟ್ ನಾಯಿಯ ಜವಾಬ್ದಾರಿಯನ್ನು ಹೊತ್ತಿದೆ. ಆತನ ಸ್ನೇಹಿತೆ ಮಾರ್ಥಾ ಬರ್ಟನ್ ಮನೆಯಲ್ಲಿ ಲೂಲುವನ್ನು ಬಿಡಲಾಗಿದೆ. ಲೂಲುವನ್ನು ನೋಡಿಕೊಳ್ಳುವುದಕ್ಕಾಗಿ ಪ್ರತಿ ತಿಂಗಳಿಗೆ ಇಂತಿಷ್ಟು ಎಂದು ಬರ್ಟನ್ಗೆ ಹಣ ನೀಡಲಾಗುತ್ತಿದೆ.
ಡೋರಿಸ್ ನಾಯಿಯನ್ನು ಅದೆಷ್ಟರ ಮಟ್ಟಿಗೆ ಹಚ್ಚಿಕೊಂಡಿದ್ದ ಎನ್ನುವುದನ್ನು ಕಣ್ಣಾರೆ ಕಂಡಿರುವ ಬರ್ಟನ್ ಲೂಲುವನ್ನು ಅಷ್ಟೇ ಪ್ರೀತಿಯಿಂದ ಸಾಕುತ್ತಿದ್ದಾರೆ. ಲೂಲುಗಾಗಿ ಎಲ್ಲವನ್ನೂ ಮಾಡಲು ಸಿದ್ಧ ಎಂದು ಅವರು ತಿಳಿಸಿದ್ದಾರೆ. ಲೂಲುವಿನ ಜೀವಿತಾವಧಿಗೆ ಬೇಕಾಗಿರುವುದಷ್ಟೇ ಅಲ್ಲದೆ ಅದರ ನೂರು ಪಟ್ಟು ಹಣವನ್ನು ಡೋರಿಸ್ ಟ್ರಸ್ಟ್ ಹೆಸರಿಗೆ ಮಾಡಿಟ್ಟಿದ್ದು, ಅನೇಕರ ಮನಸ್ಸಲ್ಲಿ ಅಳಿಸಲಾಗದ ಸಂದೇಶವನ್ನು ಬರೆದಿಟ್ಟಿದೆ. (ಏಜೆನ್ಸೀಸ್)
ಹೆಂಡತಿ ನೋಡಲು ದೂರದ ಊರಿಂದ ಬಂದ ಗಂಡನಿಗೆ ಕಾದಿತ್ತು ಬಿಗ್ ಶಾಕ್! ಹಿಂಬದಿ ಬಾಗಿಲಿಂದ ಬಂದವ ಹೀಗೇಕೆ ಮಾಡಿದ?
ಇದ್ದಕ್ಕಿದ್ದಂತೆ ಹಸಿರು ಬಣ್ಣಕ್ಕೆ ತಿರುಗಿದ ಎದೆಹಾಲು! ಕಾರಣ ಕೇಳಿದ ತಾಯಿಗೆ ಶಾಕ್