ಕೋಲ್ಕತ್ತ: ನಟ ಸುಶಾಂತ್ ಸಿಂಗ್ ಸಾವಿನ ಬಳಿಕ ರಿಯಾ ಚಕ್ರವರ್ತಿ ಸಿಕ್ಕಾಪಟೆ ಸುದ್ದಿಯಲ್ಲಿದ್ದಾರೆ. ಸುಶಾಂತ್ಗೆ ಡ್ರಗ್ಸ್ ಕೊಡುತ್ತಿದ್ದರು, ಅವರ ಹಣವನ್ನು ಬಳಸಿಕೊಳ್ಳುತ್ತಿದ್ದರು, ಸುಶಾಂತ್ ಮೇಲೆ ಮಾಟಮಂತ್ರ ಮಾಡಿಸಿದ್ದರು ಎಂಬಿತ್ಯಾದಿ ಸುದ್ದಿಗಳೆಲ್ಲ ಮಾಧ್ಯಮಗಳು, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಸದ್ಯ ರಿಯಾ ಬಂಧನವಾಗಿದ್ದು, ಜೈಲಿನಲ್ಲಿ ಇದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಂತೂ ಅನೇಕರು ರಿಯಾ ಚಕ್ರವರ್ತಿಯವರನ್ನು ಟ್ಯಾಗ್ ಮಾಡಿ ನೆಗೆಟಿವ್ ಹ್ಯಾಷ್ಟ್ಯಾಗ್ಗಳನ್ನು ಕೊಟ್ಟು ಬೈಯುತ್ತಿದ್ದಾರೆ. ರಿಯಾ ವಿರುದ್ಧ ಕೆಟ್ಟಕೆಟ್ಟ ಕಾಮೆಂಟ್ಗಳನ್ನೂ ಬರೆಯುತ್ತಿದ್ದಾರೆ.
ಹಾಗೇ ಕೊಲ್ಕತ್ತದಲ್ಲಿ ಕೂಡ ರಿಯಾ ಚಕ್ರವರ್ತಿಗೆ ಸಂಬಂಧಪಟ್ಟ ಒಂದು ಹ್ಯಾಷ್ಟ್ಯಾಗ್ ಟ್ರೆಂಡ್ ಆಗಿದೆ. ಕೊಲ್ಕತ್ತದ ಪುರುಷರು #RheaChakrabortyOfMyLife (ರಿಯಾ ಚಕ್ರವರ್ತಿ ಆಫ್ ಮೈ ಲೈಫ್) ಎಂಬ ಹ್ಯಾಷ್ಟ್ಯಾಗ್ ಮೂಲಕ ತಮ್ಮ ಮಾಜಿ ಪ್ರೇಯಸಿಯರನ್ನು ನಿಂದಿಸುತ್ತಿದ್ದಾರೆ. ಮೋಸ ಮಾಡಿ ಬಿಟ್ಟುಹೋದ, ಬೇರೆಬೇರೆ ಕಾರಣಕ್ಕೆ ದೂರವಾದ ತಮ್ಮ ಗರ್ಲ್ಫ್ರೆಂಡ್ಗಳನ್ನು ಅಪಮಾನ ಮಾಡಲು, ಅವರಿಗೆ ನಿಂದಿಸಿ, ಸುಳ್ಳು ಆರೋಪಗಳನ್ನು ಮಾಡಲು #RheaChakrabortyOfMyLifeನ್ನು ಬಳಕೆ ಮಾಡುತ್ತಿದ್ದಾರೆ. ಇದನ್ನೂ ಓದಿ: ಡ್ರಗ್ಸ್ ಲಿಸ್ಟ್ನಲ್ಲಿ ರಾಕುಲ್, ಸಾರಾ ಹೆಸರಿರುವುದು ಹೌದು … ಎನ್ಸಿಬಿ ಒಪ್ಪಿಗೆ
ಅನೇಕ ಯುವತಿಯರು ಈ ಬಗ್ಗೆ ಸೈಬರ್ ಸೆಲ್ಗೆ ದೂರು ನೀಡಿದ್ದಾರೆ ಎಂದು ಸ್ಥಳೀಯ ಪತ್ರಿಕೆಯೊಂದು ವರದಿ ಮಾಡಿದೆ. #RheaChakrabortyOfMyLife ಎಂಬ ಹ್ಯಾಷ್ಟ್ಯಾಗ್ ಮೂಲಕ ನಮ್ಮನ್ನು ನಿಂದಿಸುತ್ತಿದ್ದಾರೆ. ಸೋಷಿಯಲ್ ಮೀಡಿಯಾಗಳಲ್ಲಿ ನಮ್ಮ ಮಾನ ಹರಾಜು ಹಾಕುತ್ತಿದ್ದಾರೆ ಎಂದು ಯುವತಿಯರು ಮಾಜಿ ಬಾಯ್ಫ್ರೆಂಡ್ಸ್ ವಿರುದ್ಧ ದೂರು ನೀಡಿದ್ದಾರೆ ಎನ್ನಲಾಗಿದೆ.
ಈ ಪ್ರಕರಣದಲ್ಲಿ ಕೊಲ್ಕತ್ತ ಪೊಲೀಸರು ಸದ್ಯ ಪ್ರೋನಾಯ್ ಚಂದ್ರ ಎಂಬಾತನನ್ನು ಬಂಧಿಸಿದ್ದಾರೆ. ಈತನ ವಿರುದ್ಧ ರೂಪದರ್ಶಿಯೋರ್ವರು ದೂರು ನೀಡಿದ್ದರು. ಅವನು ನನ್ನ ಬಾಯ್ಫ್ರೆಂಡ್ ಆಗಿದ್ದ. ಅವನಿಂದ ಬೇರೆಯಾಗಿದ್ದೇನೆ. ಇದೀಗ #RheaChakrabortyOfMyLife ಎಂಬ ಹ್ಯಾಷ್ಟ್ಯಾಗ್ನಡಿ ನನ್ನ ಮಾನ ಹಾನಿ ಮಾಡುತ್ತಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದರು ಎಂದು ತಿಳಿದುಬಂದಿದೆ. ಇದನ್ನೂ ಓದಿ: ‘ಗಡಿ ನಿಯಮಗಳನ್ನು ಚೀನಾ ಗೌರವಿಸುತ್ತಿಲ್ಲ…ಎಂಥದ್ದೇ ಸಂದರ್ಭ ಬಂದರೂ ಎದುರಿಸಲು ಸಿದ್ಧ’ -ರಕ್ಷಣಾ ಸಚಿವ
ಉಳಿದಂತೆ ಈ ಬಗ್ಗೆ ಸೈಬರ್ ಪೊಲೀಸರು ಅಲರ್ಟ್ ಆಗಿದ್ದು, ಕ್ರಮಕ್ಕೆ ಮುಂದಾಗಿದ್ದಾರೆ.(ಏಜೆನ್ಸೀಸ್)