ಡ್ರಗ್ಸ್​ ಲಿಸ್ಟ್​ನಲ್ಲಿ ರಾಕುಲ್​, ಸಾರಾ ಹೆಸರಿರುವುದು ಹೌದು ... ಎನ್​ಸಿಬಿ ಒಪ್ಪಿಗೆ

ಮುಂಬೈ: ಸುಶಾಂತ್​ ಸಿಂಗ್​ ರಜಪೂತ್​ ಅವರಿಗೆ ಡ್ರಗ್ಸ್​ ಪೂರೈಸುತ್ತಿದ್ದ ಹಿನ್ನೆಲೆಯಲ್ಲಿ ಇತ್ತೀಚೆಗಷ್ಟೇ ನಟಿ ರಿಯಾ ಚಕ್ರವರ್ತಿ ಅವರನ್ನು ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯೂರೋ (ಎನ್​.ಸಿ.ಬಿ) ಬಂಧಿಸಿದೆ. ಈ ಸಂದರ್ಭದಲ್ಲಿ ರಿಯಾ ಚಕ್ರವರ್ತಿ, ಬಾಲಿವುಡ್​ನ ಒಂದಿಷ್ಟು ಕಲಾವಿದರ ಹೆಸರನ್ನು ಹೇಳಿದ್ದಾರೆ ಎಂದು ಸುದ್ದಿಯಾಗಿತ್ತು. ಆ ಪಟ್ಟಿಯಲ್ಲಿ ರಾಕುಲ್ ಪ್ರೀತ್​ ಸಿಂಗ್​, ಸಾರಾ ಅಲಿ ಖಾನ್​ ಮತ್ತು ಫ್ಯಾಶನ್ ಡಿಸೈನರ್​ ಸಿಮೋನ್​ ಖಂಬತ್ತಾ ಅವರ ಹೆಸರಿದೆ ಎಂದು ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯೂರೋ ಹೇಳಿದೆ (ಎನ್​.ಸಿ.ಬಿ) ಹೇಳಿದೆ.

ಇದನ್ನೂ ಓದಿ: ‘ನಾವಿಬ್ಬರೂ ಒಟ್ಟಿಗೆ ಡ್ರಗ್ಸ್​ ಸೇವಿಸುತ್ತಿದ್ದೆವು, ಬಿಎಂಡಬ್ಲ್ಯು ಕಾರಿನಲ್ಲೇ ಹೋಟೆಲ್​ಗೆ ಕರೆದೊಯ್ಯುತ್ತಿದ್ದೆ…’

ಇದಕ್ಕೂ ಮುನ್ನ ಡ್ರಗ್ಸ್​ ಜಾಲದಲ್ಲಿ ಭಾಗಿಯಾಗಿರುವ ಕುರಿತು ನಟಿ ಮತ್ತು ಸುಶಾಂತ್​ ಸಿಂಗ್​ ರಜಪೂತ್​ ಅವರ ಗೆಳತಿ ರಿಯಾ ಚಕ್ರವರ್ತಿ ಅವರನ್ನು ಎನ್​ಸಿಬಿ ಅರೆಸ್ಟ್​ ಮಾಡಿತ್ತು. ತನಿಖೆ ಸಂದರ್ಭದಲ್ಲಿ ಡ್ರಗ್ಸ್​ ದಂಧೆಯಲ್ಲಿ ಬಾಲಿವುಡ್​ನ 25 ಜನಪ್ರಿಯ ಕಲಾವಿದರ ಹೆಸರುಗಳನ್ನು ರಿಯಾ ಹೇಳಿದ್ದರಂತೆ, ಈ ಪೈಕಿ ರಾಕುಲ್​ ಪ್ರೀತ್​ ಸಿಂಗ್​, ಸಾರಾ ಅಲಿ ಖಾನ್​ ಸೇರಿದಂತೆ ಹಲವರು ಹೆಸರುಗಳು ಇವೆಯಂತೆ ಎಂಬಂತಹ ಸುದ್ದಿಗಳು ಕೇಳಿಬಂದಿದ್ದವು. ಅಷ್ಟೇ ಅಲ್ಲ, ಆ ನಟ-ನಟಿಯರನ್ನು ಎನ್​.ಸಿ.ಬಿಯವರು ಸದ್ಯದಲ್ಲೇ ಬಂಧಿಸಲಾಗುತ್ತದೆ ಎಂದು ಹೇಳಲಾಗಿತ್ತು.

ಆದರೆ, ಎನ್​.ಸಿ.ಬಿಯ ಡೆಪ್ಯುಟಿ ಡೈರೆಕ್ಟರ್​ ಕೆ.ಪಿ.ಎಸ್​. ಮಲ್ಹೋತ್ರ ಇತ್ತೀಚೆಗೆ ಇದೊಂದು ಸುಳ್ಳುಸುದ್ದಿ ಎಂದು ಹೇಳಿದ್ದರು. ಎನ್​.ಸಿ.ಬಿಯವರು ಅಂಥದ್ದೊಂದು ಪಟ್ಟಿಯನ್ನು ಸಿದ್ಧ ಮಾಡಿಲ್ಲ ಮತ್ತು ಸದ್ಯಕ್ಕೆ ಯಾರನ್ನೂ ಬಂಧಿಸುವ ಯೋಚನೆ ಇಲ್ಲ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.

ಅದಾಗಿ ಒಂದೇ ದಿನಕ್ಕೆ, ರಿಯಾ ಹೇಳಿದ ಹೆಸರುಗಳ ಪೈಕಿ ರಾಕುಲ್ ಪ್ರೀತ್​ ಸಿಂಗ್​, ಸಾರಾ ಅಲಿ ಖಾನ್​ ಮತ್ತು ಫ್ಯಾಶನ್ ಡಿಸೈನರ್​ ಸಿಮೋನ್​ ಖಂಬತ್ತಾ ಅವರ ಹೆಸರುಗಳಿವೆ ಎಂದು ಎನ್​.ಸಿ.ಬಿ ಹೇಳಿದೆ. ಆದರೆ, ಇದುವರೆಗೂ ಯಾರಿಗೂ ಈ ವಿಷಯವಾಗಿ ಸಮನ್ಸ್​ ಕಳಿಸಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: ಸಿಸಿಬಿ ವಿಚಾರಣೆಗೆ ಬರ್ತಾರಾ ಐಂದ್ರಿತಾ-ದಿಗಂತ್? ಈ ಬಗ್ಗೆ ಅವರೇ ಬಾಯ್ಬಿಟ್ರು

'ರಿಯಾ ಅವರನ್ನು ತನಿಖೆಗೆ ಒಳಪಡಿಸಿದಂತೆ ಒಂದಿಷ್ಟು ಹೆಸರುಗಳು ಸಿಕ್ಕಿವೆ. ಆದರೆ, ಇದುವರೆಗೂ ಯಾರಿಗೂ ಸಮನ್ಸ್​ ಕಳಿಸಿಲ್ಲ. ಹಾಗೆಯೇ, ಬಾಲಿವುಡ್​ನ ಯಾವ ಸ್ಟಾರ್​ಗಳ ಪಟ್ಟಿಯನ್ನೂ ನಾವು ಸಿದ್ಧಪಡಿಸಿಲ್ಲ' ಎಂದು ಎನ್​.ಸಿ.ಬಿಯ ಹೆಸರು ಹೇಳಲಿಚ್ಛಿಸದ ಹಿರಿಯ ಅಧಿಕಾರಿಯೊಬ್ಬರು ಈ ಕುರಿತು ಹೇಳಿದ್ದಾರೆ.

https://www.vijayavani.net/actress-jayashree-ramaiah-has-changed-her-life/