ಮುಂಬೈ: ಇತ್ತೀಚೆಗಷ್ಟೇ ಹೃದಯಾಘಾತದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಖ್ಯಾತ ನೃತ್ಯ ನಿರ್ದೇಶಕ ಮತ್ತು ನಿರ್ದೇಶಕ ರೆಮೋ ಡಿಸೋಜ ಕ್ರಮೇಣ ಗುಣಮುಖರಾಗುತ್ತಿದ್ದಾರೆ ಎಂದು ಅವರ ಸ್ನೇಹಿತ ಮತ್ತು ನಟ ಆಮೀರ್ ಅಲಿ ಹೇಳಿಕೊಂಡಿದ್ದು, ಜೊತೆಗೆ ರೆಮೋ ಅವರು ಹೀರೋ ಪೋಸ್ ಕೊಡುತ್ತಿರುವ ಫೋಟೋವೊಂದನ್ನು ಸೋಷಿಯಲ್ ಮೀಡಿಯಾ ಮೂಲಕ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ವಿಜೆ ಚಿತ್ರಾ ಪತಿ ಅರೆಸ್ಟ್: ಗಂಡನ ವರ್ತನೆಗೆ ಬೇಸತ್ತು ಆತ್ಮಹತ್ಯೆ ದಾರಿ ಹಿಡಿದರಾ ಕಲಾವಿದೆ?
ಕಳೆದ ಶುಕ್ರವಾರ ರೆಮೋ ಹೃದಯಾಘಾತದಿಂದ ಆಸ್ಪತ್ರೆಗೆ ಮುಂಬೈನ ಕೋಕಿಲಾಬೆನ್ ಆಸ್ಪತ್ರೆಗೆ ದಾಖಲಾಗಿದ್ದರು. ಹೃದಯದಲ್ಲಿ ಬ್ಲಾಕೇಜ್ ಆಗಿದ್ದ ಕಾರಣ, ಅವರಿಗೆ ಆಂಜಿಯೋಗ್ರಫಿ ಮಾಡಲಾಗಿತ್ತು. ಆ ನಂತರ, ರೆಮೋ ಒಂದೆರೆಡು ದಿನಗಳ ಕಾಲ ಐಸಿಯೂನಲ್ಲಿ ಚಿಕಿತ್ಸೆ ಪಡೆದರು.
ರೆಮೋ ಗುಣಮುಖರಾಗಲಿ ಎಂದು ಬಾಲಿವುಡ್ನ ಬಿಗ್ ಬಿ ಅಮಿತಾಭ್ ಬಚ್ಚನ್ ಸೇರಿದಂತೆ ಹಲವು ಗಣ್ಯರು ಪ್ರಾರ್ಥಿಸಿದ್ದರು. ಅದರೆಲ್ಲರ ಪರಿಣಾಮವಾಗಿ ರೆಮೋ ಇದೀಗ ಕ್ರಮೇಣ ಗುಣಮುಖರಾಗಿದ್ದು, ಸದ್ಯದಲ್ಲೇ ಬಿಡುಗಡೆಯಾಗಲಿದ್ದಾರೆ.
ಇದನ್ನೂ ಓದಿ: ‘ಡಿಯರ್ ಸತ್ಯ’ನಿಗೆ ಪವರ್ಸ್ಟಾರ್ ಸಾಥ್; ಟ್ರೇಲರ್ ಬಿಡುಗಡೆ, ಮುಂದಿನ ವರ್ಷಕ್ಕೆ ಸಿನಿಮಾ
ಈ ಮಧ್ಯೆ, ಆಸ್ಪತ್ರೆಯಲ್ಲಿ ರೆಮೋ ಅವರನ್ನು ಭೇಟಿ ಮಾಡಿ ಆರೋಗ್ಯ ವಿಚಾರಿಸಿರುವ ಆಮೀರ್ ಅಲಿ, ಸಾಮಾಜಿಕ ಜಾಲತಾಣಗಳ ಮೂಲಕ ಒಂದು ಫೋಟೊ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ, ರೆಮೋ ಅವರು ಹೀರೋ ಪೋಸ್ ಕೊಡುತ್ತಿರುವುದನ್ನು ನೋಡಬಹುದಾಗಿದ್ದು, ಈ ಮೂಲಕ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಆಮೀರ್ ಹೇಳಿದ್ದಾರೆ.
ಹೆಚ್ಚು ಟ್ವೀಟ್ ಆದ ಚಿತ್ರಗಳು: ‘ದರ್ಬಾರ್’ ಹಿಂದಿಕ್ಕಿದ ‘ಕೆಜಿಎಫ್ 2’