ಈಗ ವರ್ತಮಾನಕ್ಕೆ ಬರೋಣ. ಸುಮಾರು 17 ವರ್ಷಗಳ ನಂತರ ಅದೇ ಏಪ್ರಿಲ್ 18ರಂದು, ಅದೇ ಕ್ರೀಡಾಂಗಣದಲ್ಲಿ ಮತ್ತೆ ಆಡುವ ಅವಕಾಶ ಆರ್ಸಿಬಿ ಸಿಕ್ಕಿತು. ಆದರೆ, ಈ ಬಾರಿ ಎದುರಾಳಿ ಮಾತ್ರ ಬೇರೆ. ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾದವು. ಈ ಪಂದ್ಯದಲ್ಲಿ ಕೊಹ್ಲಿ ಮೂರು ಎಸೆತಗಳನ್ನು ಎದುರಿಸಿ ಒಂದು ರನ್ ಗಳಿಸಿ ಪೆವಿಲಿಯನ್ ತಲುಪಿದರು. ಪಂಜಾಬ್ ಬೌಲರ್ ಅರ್ಷದೀಪ್ ಸಿಂಗ್ ಬೌಲಿಂಗ್ನಲ್ಲಿ ಔಟಾದರು. ಅಂದು ಕೊಲ್ಕತ್ತ ವಿರುದ್ಧ 9 ಓವರ್ಗಲ್ಲಿ 7 ವಿಕೆಟ್ ನಷ್ಟಕ್ಕೆ 43 ರನ್ ಗಳಿಸಿತ್ತು. ನಿನ್ನೆಯೂ ಕೂಡ 9 ಓವರ್ಗಳಲ್ಲಿ 43 ರನ್ಗೆ ಆರ್ಸಿಬಿ 7 ವಿಕೆಟ್ ಕಳೆದುಕೊಂಡಿತು. ಅಂದು 5 ಎಸೆತ ಆಡಿ 1 ರನ್ ಗಳಿಸಿದ್ದ ಕೊಹ್ಲಿ, ಇಂದು 3 ಎಸೆತ ಆಡಿ 1 ರನ್ ಕಲೆ ಹಾಕಿದರು. ಇದನ್ನು ನೋಡಿದರೆ ಎಂಥಾ ಕಾಕತಾಳೀಯ ಎನಿಸದೇ ಇರದು. ಇದನ್ನು ನೋಡಿದ ಅಭಿಮಾನಿಗಳು 18 ವರ್ಷಗಳ ನಂತರ ಅದೇ ದೃಶ್ಯ ಪುನರಾವರ್ತನೆಯಾಗುತ್ತಿದೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
