ಈ ಕಾರ್ಯಕ್ರಮದಲ್ಲಿ ನಿರೂಪಕಿಯಾಗಿದ್ದ ಸುಮಾ, ರಶ್ಮಿಕಾಗೆ ಕೆಲವು ರ್ಯಾಪಿಡ್ ಪ್ರಶ್ನೆಗಳನ್ನು ಕೇಳಿದರು. ತಾವು ಹೆಸರಿಸುವ ವ್ಯಕ್ತಿಯಿಂದ ನೀವು ಯಾವ ಗುಣಗಳನ್ನು ಕಾಪಿ ಮಾಡಲು ಬಯಸುತ್ತೀರಿ ಎಂದು ಕೇಳಿದರು. ನಾಗಾರ್ಜುನ ಬಗ್ಗೆ ಕೇಳಿದಾಗ, ಅವರ ಮೋಡಿ ಮತ್ತು ಪ್ರಭಾವವನ್ನು ಕದಿಯುತ್ತೇನೆ ಎಂದರು. ಧನುಷ್ ಬಗ್ಗೆ ಕೇಳಿದಾಗ ಅವರ ನಟನೆ, ನಿರ್ದೇಶನ, ನೃತ್ಯ ಮತ್ತು ಇನ್ನೂ ಹೆಚ್ಚಿನದನ್ನು ಕಾಪಿ ಮಾಡುತ್ತೇನೆ ಎಂದರು. ಅಲ್ಲು ಅರ್ಜುನ್ ಅವರ 'ಸ್ವಾಗ್' ಅನ್ನು ಇಷ್ಟಪಡುತ್ತೇನೆಂದು ಹೇಳಿದರು. ಇದೇ ಸಂದರ್ಭದಲ್ಲಿ ವಿಜಯ್ ದೇವರಕೊಂಡ ಬಗ್ಗೆ ಕೇಳಿದಾಗ, ಒಂದು ಕ್ಷಣ ನಾಚಿ ನೀರಾದ ರಶ್ಮಿಕಾ, ಎಲ್ಲವನ್ನೂ, ನಾನು ಎಲ್ಲವನ್ನೂ ತೆಗೆದುಕೊಳ್ಳುತ್ತೇನೆ ಎಂದರು. ಈ ವೇಳೆ ಅಲ್ಲಿದ್ದ ಜನರೆಲ್ಲರು ಒಮ್ಮೆ ಜೋರಾಗಿ ಕೂಗಿದರು.
