‘ಒಬ್ಬ ನಟಿಯಾಗಲು ನನ್ನಿಂದ ಸಾಧ್ಯವಾ ಎಂದು ಅನುಮಾನದಲ್ಲಿ ಇರುವಾಗಲೇ, ಅವರು (ರಕ್ಷಿತ್ ಮತ್ತು ರಿಷಬ್) ನನಗೆ ಮೊದಲ ಸಿನಿಮಾದಲ್ಲಿ ಅವಕಾಶ ನೀಡುವ ಮೂಲಕ ಚಿತ್ರರಂಗದಲ್ಲಿ ದಾರಿ ತೋರಿಸಿದರು. ನನ್ನ ಮೇಲೆ ನಂಬಿಕೆ ಇಟ್ಟು, ನಟಿಸಲು ಮೊದಲ ಅವಕಾಶ ನೀಡಿದರು. ನಿಜ ಹೇಳಬೇಕೆಂದರೆ, ನನಗೆ ಸಿನಿಮಾರಂಗಕ್ಕೆ ಕರೆದು ತಂದಿದ್ದೇ ರಕ್ಷಿತ್ ಮತ್ತು ರಿಷಬ್. ಅವರ ಜತೆ ಮೊದಲ ಬಾರಿ ಸಿನಿಮಾದಲ್ಲಿ ಕೆಲಸ ಮಾಡಿದೆ. ಆ ಬಳಿಕ ಇದುವರೆಗೂ ಹಲವು ಬೆಸ್ಟ್ ಪ್ರತಿಭೆಗಳ ಜತೆ, ಒಳ್ಳೆಯ ಜನರ ಕೆಲಸ ಮಾಡಿದ್ದೇನೆ ಎಂಬ ಖುಷಿಯಿದೆ’ ಎಂದು ರಶ್ಮಿಕಾ ಹೇಳಿಕೊಂಡಿದ್ದಾರೆ. ಇದುವರೆಗೆ ಮಾತನಾಡದೇ ಟ್ರೋಲ್ ಆಗುತ್ತಿದ್ದ ರಶ್ಮಿಕಾ, ಇದೀಗ ಮಾತನಾಡಿ ಮತ್ತೆ ಟ್ರೋಲ್ ಆಗುತ್ತಿದ್ದಾರೆ. ‘ವಾರಿಸು’ ಚಿತ್ರದ ಯಶಸ್ಸಿನ ಸಂಭ್ರಮದಲ್ಲಿರುವ ರಶ್ಮಿಕಾ ಸದ್ಯ ಅಲ್ಲು ಅರ್ಜುನ್ ಜತೆ ‘ಪುಷ್ಪ 2 - ದಿ ರೂಲ್’ ಹಾಗೂ ಬಾಲಿವುಡ್ನ ‘ಅನಿಮಲ್’ ಚಿತ್ರಗಳಲ್ಲಿ ಬಿಜಿಯಾಗಿದ್ದಾರೆ. - ಏಜೆನ್ಸೀಸ್
