ಆಚಾರ್ಯಗೆ ರಶ್ಮಿಕಾ? ರಾಮ್​ಚರಣ್ ಜತೆಗೆ ಗುಳಿಕೆನ್ನೆ ಹುಡುಗಿ

ಲಾಕ್​ಡೌನ್ ಸಮಯದಲ್ಲಿ ಟಾಲಿವುಡ್​ನಲ್ಲಿ ಅತೀ ಹೆಚ್ಚು ಸುದ್ದಿ ಮಾಡಿದ ಚಿತ್ರವೆಂದರೆ ಅದು ಚಿರಂಜೀವಿ ಅಭಿನಯದ ‘ಆಚಾರ್ಯ’. ಕಳೆದ ನಾಲ್ಕು ತಿಂಗಳುಗಳಲ್ಲಿ ಈ ಚಿತ್ರದ ಕುರಿತು ಹಲವು ಅಂತೆ-ಕಂತೆಗಳು ಕೇಳಿ ಬಂದಿವೆ ಮತ್ತು ಇನ್ನೂ ಕೇಳಿ ಬರುತ್ತಲೇ ಇವೆ. ಆದರೆ, ಚಿತ್ರತಂಡದವರು ಮಾತ್ರ ಈ ಸುದ್ದಿಗಳಿಗೂ ಹೂಂ ಎಂದಿಲ್ಲ. ಹಾಗೆಯೇ ಉಹೂಂ ಅಂತಲೂ ಹೇಳಿಲ್ಲ.

ಹೊಸ ಸುದ್ದಿಯೇನೆಂದರೆ, ರಶ್ಮಿಕಾ ಮಂದಣ್ಣ ಸಹ ಈ ಚಿತ್ರದಲ್ಲಿ ಚಿಕ್ಕ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ. ಚಿತ್ರದಲ್ಲಿ ಚಿರಂಜೀವಿ ನಾಯಕನಾಗಿ ನಟಿಸಿದರೆ, ಅವರ ಮಗ ರಾಮ್ರಣ್ ತೇಜಗೆ ಸಹ ಒಂದು ಚಿಕ್ಕ ಮತ್ತು ಪ್ರಮುಖ ಪಾತ್ರವಿದೆಯಂತೆ. ರಾಮ್ರಣ್ ಜೋಡಿಯಾಗಿ ರಶ್ಮಿಕಾ ನಟಿಸಲಿದ್ದಾರೆ ಎಂಬ ಸುದ್ದಿಯೊಂದು ಟಾಲಿವುಡ್​ನಲ್ಲಿ ಹರಿದಾಡುತ್ತಿದೆ.

ಇದನ್ನೂ ಓದಿ: ರಾಗಿಣಿ ಪರ ವಕಾಲತ್ತು ವಹಿಸಲು ಮುಂಬೈನಿಂದ ಬಂದ ವಕೀಲರು; ಜಾಮೀನು ಅರ್ಜಿ ಸಲ್ಲಿಕೆ

ಎಂದಿನಂತೆ ಈ ಸುದ್ದಿಯೂ ನಿಜವೋ, ಸುಳ್ಳೋ ಎಂದು ಚಿತ್ರತಂಡದವರು ಹೇಳಿಕೊಂಡಿಲ್ಲ. ಹಾಗಂತ ಸುದ್ದಿ ಸುಳ್ಳು ಎಂದು ಹೇಳುವುದಕ್ಕೂ ಸಾಧ್ಯವಿಲ್ಲ. ಏಕೆಂದರೆ, ಈಗಾಗಲೇ ರಶ್ಮಿಕಾ, ‘ಸರಿಲೇರು ನೀಕ್ಕೆವರು’ ಚಿತ್ರದಲ್ಲಿ ಮಹೇಶ್ ಬಾಬು ಜತೆಗೆ ಮತ್ತು ‘ಪುಷ್ಪಾ’ದಲ್ಲಿ ಅಲ್ಲು ಅರ್ಜುನ್ ಜತೆಗೆ ನಟಿಸಿದ್ದಾರೆ. ಟಾಲಿವುಡ್​ನ ಇಬ್ಬರು ಜನಪ್ರಿಯ ಹೀರೋಗಳ ಜತೆಗೆ ನಟಿಸಿರುವ ಅವರಿಗೆ, ಸಹಜವಾಗಿಯೇ ಡಿಮಾಂಡ್ ಹೆಚ್ಚಿದ್ದು, ಈಗ ರಾಮ್ರಣ್ ಜೋಡಿಯಾಗಿ ನಟಿಸುವುದಕ್ಕೆ ಅವಕಾಶ ಬಂದಿದ್ದರೆ ಅದರಲ್ಲಿ ಆಶ್ಚರ್ಯವೇನಿಲ್ಲ.

ಇದನ್ನೂ ಓದಿ: ಪಬ್‌ಜಿ ಆಡಬೇಡ ಎಂದಿದ್ದಕ್ಕೆ ಈ ಹುಡುಗ ಹೀಗೆ ಮಾಡೋದಾ?

ಆದರೆ, ಶಂಖದಿಂದ ಇನ್ನೂ ತೀರ್ಥ ಬಂದಿಲ್ಲವಾದ್ದರಿಂದ, ‘ಆಚಾರ್ಯ’ ಚಿತ್ರದಲ್ಲಿ ರಶ್ಮಿಕಾ ನಟಿಸುತ್ತಾರೋ, ಇಲ್ಲವೋ ಎಂಬ ವಿಷಯ ಗೊತ್ತಾಗುವುದಕ್ಕೆ ಇನ್ನಷ್ಟು ದಿನ ಕಾಯಬೇಕಾದರೆ ಆಶ್ಚರ್ಯವಿಲ್ಲ.

https://www.vijayavani.net/drugs-case-accused-gets-chicken-biriyani-meals-from-police/