ಬಾಲಿವುಡ್ನ ಸ್ಟಾರ್ ದಂಪತಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ, ಲಾಕ್ಡೌನ್ನಲ್ಲಿ ಸದಾ ಒಂದಿಲ್ಲ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಿದ್ದಾರೆ. ಇದೀಗ ಸ್ವತಃ ದೀಪಿಕಾ ಪತಿ ರಣವೀರ್ ಸಿಂಗ್ ಮೇಲೆ ಗಂಭೀರ ಆರೋಪವೊಂದನ್ನು ಮಾಡಿದ್ದಾರೆ. ಆ ಆರೋಪ ಏನೆಂಬುದನ್ನು ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಮುಂದೆ ಬಹಿರಂಗಪಡಿಸಿದ್ದಾರೆ ದೀಪಿಕಾ.
ಇದನ್ನೂ ಓದಿ: ದರ್ಶನ್ ಅಭಿಮಾನಿಗಳಿಗೆ ಸಿಗ್ತು ಹೊಸ ಗಿಫ್ಟ್!
ಹೌದು, ಮದುವೆಗೂ ಮುನ್ನ ಹಲವು ವರ್ಷ ಡೇಟಿಂಗ್ನಲ್ಲಿದ್ದ ಈ ಜೋಡಿ, 2018ರ ನವೆಂಬರ್ನಲ್ಲಿ ದಾಂಪತ್ಯಕ್ಕೆ ಕಾಲಿಟ್ಟಿತ್ತು. ಅಲ್ಲಿಂದ ಇಲ್ಲಿಯವರೆಗೂ ಒಂದೇ ಒಂದು ಬಾರಿ ರುಚಿಯಾದ ಅಡುಗೆ ಮಾಡಿಕೊಟ್ಟಿಲ್ಲವಂತೆ ರಣವೀರ್. ಮದುವೆಗೂ ಮುನ್ನ, ಅಂದರೆ ಡೇಟಿಂಗ್ ದಿನಗಳಲ್ಲಿ ಅಡುಗೆ ಮಾಡಿಕೊಡುವುದಾಗಿ ರಣವೀರ್ ದೀಪಿಕಾಗೆ ಪ್ರಾಮಿಸ್ ನೀಡಿದ್ದರು. ಅಂದಿನ ಪ್ರಾಮಿಸ್ ಇನ್ನೂ ಈಡೇರಿಲ್ಲವಂತೆ.
ಇದನ್ನೂ ಓದಿ: ಜೆನಿಲಿಯಾ ಡಿಸೋಜಾ ಬಗ್ಗೆ ಈ ಸುದ್ದಿ ಕೇಳಿದಿರಾ?
ಇತ್ತೀಚೆಗೆ ಇಂಡಿಯನ್ ಫುಟ್ಬಾಲ್ ಟೀಮ್ನ ಕ್ಯಾಪ್ಟನ್ ಸುನೀಲ್ ಚೆಟ್ರಿ ಮತ್ತು ರಣವೀರ್ ಸಿಂಗ್ ಇನ್ಸ್ಟಾಗ್ರಾಮ್ ಲೈವ್ನಲ್ಲಿ ಒಟ್ಟಾಗಿ ಲಾಕ್ಡೌನ್ ಸೇರಿ ಒಂದಷ್ಟು ಮಾಹಿತಿಯನ್ನು ವಿನಿಮಯ ಮಾಡಿಕೊಳ್ಳುತ್ತಿದ್ದರು. ಆಗ ಹಳೇ ದಿನಗಳನ್ನು ನೆನೆದ ರಣವೀರ್, ‘ದೀಪಿಕಾರನ್ನು ಇಂಪ್ರೆಸ್ ಮಾಡಲು, ನನಗೆ ಬಟರ್ ಚಿಕನ್ ಮಾಡಲು ಬರುತ್ತದೆ ಎಂದು ಸುಳ್ಳು ಹೇಳಿದ್ದೆ. ಅಷ್ಟೇ ಅಲ್ಲ, ನಾನು ಅಮೆರಿಕದಲ್ಲಿನ ಯೂನಿವರ್ಸಿಟಿಯಲ್ಲಿದ್ದಾಗ ನಾನು ಮಾಡಿದ ಬಟರ್ ಚಿಕನ್ ತಿನ್ನಲು ಪಾಕಿಸ್ತಾನ್, ಬಾಂಗ್ಲಾದೇಶ್, ಇಂಡಿಯಾದವರು ಕ್ಯೂನಲ್ಲಿ ನಿಲ್ಲುತ್ತಿದ್ದರು’ ಎಂದು ದೀಪಿಕಾಗೆ ಡೇಟಿಂಗ್ ಸಮಯದಲ್ಲಿ ಹೇಳಿದ್ದನ್ನೂ ಲೈವ್ ಚಾಟ್ನಲ್ಲಿ ರಣವೀರ್ ಮೆಲುಕು ಹಾಕಿದ್ದಾರೆ. ಆದರೆ, ಇದೂವರೆಗೂ ಅಂದು ಹೇಳಿದ್ದ ಬಟರ್ ಚಿಕನ್ ಅನ್ನು ದೀಪಿಕಾಗೆ ಮಾಡಿಕೊಟ್ಟಿಲ್ಲವಂತೆ. ತನಗೆ ಬ್ರೆಡ್ ಆಮ್ಲಿಟ್ ಅಷ್ಟೇ ಬರುವುದು ಎಂದು ಕಿಚಾಯಿಸಿದ್ದಾರೆ. (ಏಜೆನ್ಸೀಸ್)