ರಾಣಾ ಅವರ ಮೊದಲ ಲವ್‌ ಸ್ಟೋರಿ ಈ ನಟಿಯ ಜತೆಯೇ?

ಹೈದರಾಬಾದ್: ಇತ್ತೀಚೆಗೆ, ನಟ ರಾಣಾ ದಗ್ಗುಬಾಟಿ ಅವರೇ ಸ್ವತಃ, ''ನನ್ನ ಮೊದಲ ಪ್ರೇಮಕಥೆ ಆಗಿದ್ದು ನಟಿ ಸಾಯಿ ಪಲ್ಲವಿ ಅವರ ಜೊತೆ' ಎಂಬ ಹೇಳಿಕೆ ನೀಡಿದ್ದಾರೆ. ಅಂದಹಾಗೆ, ನಟ ರಾಣಾ ದಗ್ಗುಬಾಟಿ ಅವರು ಆಗಸ್ಟ್ 20, 2020ರಂದು ಮಿಹಿಕಾ ಬಜಾಜ್ ಅವರನ್ನು ವಿವಾಹವಾಗಿದ್ದರು. ಇನ್ನು, ಅವರದ್ದು ಪ್ರೇಮ ವಿವಾಹವಾಗಿದ್ದು, ಅವರಿಬ್ಬರೂ ಬಹಳಷ್ಟು ವರ್ಷಗಳು ಪ್ರೀತಿಸುತ್ತಿದ್ದರು. ಹಾಗಾದರೆ, ನಟ ರಾಣಾ ದಗ್ಗುಬಾಟಿ ಅವರು ನಟಿ ಸಾಯಿ ಪಲ್ಲವಿ ಅವರನ್ನು ತಮ್ಮ ಮೊದಲ ಪ್ರೀತಿ ಅಂದ್ದಿದ್ದೇಕೆ ಅಂತೀರಾ...?

ಅಂದಹಾಗೆ, ನಟ ರಾಣಾ, ನಟಿ ಸಾಯಿ ಪಲ್ಲವಿ ಅವರ ಪ್ರೇಮಕಥೆ ನಿಜ ಜೀವನದ ಪ್ರೇಮಕತಥೆಯಲ್ಲ. ಬದಲಿಗೆ ಇದು ಒಂದು ಸಿನಿಮಾದ ಪ್ರೇಮಕಥೆಯಾಗಿದೆ. ಹೌದು, ಸಾಯಿ ಪಲ್ಲವಿ ಹಾಗೂ ರಾಣಾ ದಗ್ಗುಬಾಟಿ ಅಭಿನಯಿಸಿರುವ 'ವಿರಾಟ ಪರ್ವಂ' ಎಂಬ ತೆಲುಗು ಸಿನಿಮಾ ರಿಲೀಸ್​ಗೆ ರೆಡಿಯಾಗಿದೆ. ಈ ಚಿತ್ರದಲ್ಲಿ ಇವರಿಬ್ಬರೂ ಒಟ್ಟಿಗೆ ನಟಿಸಿದ್ದು, ಈ ಸಿನಿಮಾ ಹಲವು ಕಾರಣಗಳಿಂದ ಇನ್ನೂ ಬಿಡುಗಡೆಯಾಗಿಲ್ಲ. ಹೀಗಿದ್ದರೂ, ಈ ಚಿತ್ರ ಮೊದಲಿನಿಂದಲೂ ಬಹಳಷ್ಟು ನಿರೀಕ್ಷೆಗಳನ್ನು ಹುಟ್ಟು ಹಾಕಿದ್ದು, ರಾಣಾ ದಗ್ಗುಬಾಟಿಗೆ ಆಗಾಗ್ಗೆ 'ವಿರಾಟ ಪರ್ವಂ' ಸಿನಿಮಾದ ಬಗ್ಗೆ ಅವರ ಬೇರೆ ಸಿನಿಮಾಗಳ ಮಾಧ್ಯಮ ಸಂದರ್ಶನಗಳಲ್ಲಿಯೂ ಪ್ರಶ್ನೆಗಳನ್ನು ಎದುರಿಸುತ್ತಲೇ ಇರುತ್ತಾರೆ.

ಹಾಗಾಗಿ, ನಟ ರಾಣಾಗೆ ಭೀಮ್ಲಾ ನಾಯಕ್ ಚಿತ್ರದ ಒಂದು ಸಂದರ್ಶದಲ್ಲಿ 'ವಿರಾಟ ಪರ್ವಂ' ಚಿತ್ರದಲ್ಲಿ ನಟ ಸಾಯಿ ಪಲ್ಲವಿ ಜತೆಗೆ ನಟಿಸಿದ ಅನುಭವದ ಬಗ್ಗೆ ಪ್ರಶ್ನೆ ಕೇಳಿದಾಗ, ''ಜನ ನನಗೆ ಹೇಳುತ್ತಿರುತ್ತಾರೆ, ನೀವು 'ಭೀಮ್ಲಾ ನಾಯಕ್' ಸಿನಿಮಾದಲ್ಲಿ ಪವನ್ ಕಲ್ಯಾಣ್ ಜೊತೆ ನಟಿಸುತ್ತಿದ್ದೀರಿ. 'ವಿರಾಟ ಪರ್ವಂ' ಸಿನಿಮಾದಲ್ಲಿ ಲೇಡಿ ಪವನ್ ಕಲ್ಯಾಣ್ ಜೊತೆ ನಟಿಸುತ್ತಿದ್ದೀರಿ ಅಂತ. ನಟಿ ಸಾಯಿ ಪಲ್ಲವಿಯಂಥಹಾ ಅದ್ಭುತ ನಟಿಯೊಂದಿಗೆ ನಟಿಸುವುದು ಒಂದು ಅದ್ಭುತ ಅನುಭವ. ದಕ್ಷಿಣ ಭಾರತದ ಚಿತ್ರರಂಗಕ್ಕೆ ನಟಿ ಸಾಯಿ ಪಲ್ಲವಿ ಒಂದು ಅತೀ ದೊಡ್ಡ ಉಡುಗೊರೆಯಂತೆ'' ಎಂದು ನಟಿ ಸಾಯಿ ಪಲ್ಲವಿಯನ್ನು ಹಾಡಿ ಹೊಗಳಿದ್ದಾರೆ ನಟ ರಾಣಾ.

'ವಿರಾಟ ಪರ್ವಂ' ಸಿನಿಮಾದ ಬಗ್ಗೆ ಇನ್ನೂ ಹೆಚ್ಚು ಹೆಚ್ಚು ಮಾತಾಡಿದ ನಟ ರಾಣಾ, ''ವಿರಾಟ ಪರ್ವಂ' ಸಿನಿಮಾ 1970-80ರ ದಶಕದ ಪ್ರೇಮಕಥೆಯಾಗಿದೆ. ನಟಿ ಸಾಯಿ ಪಲ್ಲವಿ ಅವರ ಪ್ರಿಯಕರನ ಪಾತ್ರದಲ್ಲಿ ನಾನು ಅಭಿನಯಿಸಿದ್ದೇನೆ. ಈ ವರೆಗಿನ ನನ್ನ ವೃತ್ತಿ ಜೀವನದಲ್ಲಿ ಇದು ನನ್ನ ಮೊದಲನೇ ಅಪ್ಪಟ ಪ್ರೇಮ ಕಥೆ. ನನ್ನ ಮೊದಲ ಪ್ರೇಮ ಕಥೆ ನಟಿ ಸಾಯಿ ಪಲ್ಲವಿ ಜೊತೆ ಆಗಿರುವುದು ಖುಷಿಯ ವಿಚಾರ'' ಎಂದಿದ್ದಾರೆ ರಾಣಾ. ಸದ್ಯ, ರಾಣಾ ಅವರ ಈ ಉತ್ತರ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

ಈ ಚಿತ್ರ 2021ರ ಏಪ್ರಿಲ್‌ 21 ಕ್ಕೆ ಬಿಡುಗಡೆ ಆಗಬೇಕಿತ್ತು ಎನ್ನಲಾಗಿದೆ. ಆದರೆ, ಕರೊನಾ ಕಾರಣದಿಂದ ಸಿನಿಮಾ ಬಿಡುಗಡೆ ತಡವಾಗಿದೆ. ಈಗಲೂ ಸಿನಿಮಾದ ಬಿಡುಗಡೆ ದಿನಾಂಕ ಘೋಷಣೆ ಆಗಿಲ್ಲ. ಆದರೆ, ಹಲವು ಮಾಹಿತಿಗಳ ಪ್ರಕಾರ ಇದೇ ಏಪ್ರಿಲ್ ಅಥವಾ ಮೇ ತಿಂಗಳಲ್ಲಿ 'ವಿರಾಟ ಪರ್ವಂ' ಚಿತ್ರ ಬಿಡುಗಡೆ ಆಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಹೀಗಾಗಿ, ನಟಿ ಸಾಯಿ ಪಲ್ಲವಿ ಹಾಗೂ ನಟ ರಾಣಾ ಅವರ ಅಭಿಮಾನಿಗಳು ಈ ಸಿನಿಮಾ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ ಎಂದರೆ ತಪ್ಪಾಗುವುದಿಲ್ಲ. 

https://www.vijayavani.net/v-ravichandran-and-kushbhoo-to-share-screen-space-after-32-years-in-first-kannada-movie-of-kireeti-reddy-son-of-janardhan-reddy/

https://www.vijayavani.net/shane-warne-wanted-to-act-in-bollywood-movie/