ನಾಳೆ ರಾಮಮಂದಿರ ಭೂಮಿ ಪೂಜೆ; ಇಂದು ತಮ್ಮ ನಿವಾಸದಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಿಸಿದ ಯೋಗಿ ಆದಿತ್ಯನಾಥ್​

ಲಖನೌ: ಅಯೋಧ್ಯೆಯಲ್ಲಿ ನಾಳೆ (ಆಗಸ್ಟ್​ 5)ಯೇ ರಾಮಮಂದಿರ ಭೂಮಿ ಪೂಜೆ. ಅಲ್ಲೀಗ ಸಿದ್ಧತೆಗಳು ನಡೆಯುತ್ತಿದೆ. ಇಂದು ಕೂಡ ಕೆಲವು ಫೂಜೆಗಳು ನೆರವೇರಿದೆ. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರು ಅಯೋಧ್ಯೆಯಲ್ಲಿ ನಡೆಯುತ್ತಿರುವ ಎಲ್ಲ ಸಿದ್ಧತೆಗಳ ಮೇಲುಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ.

ಈ ಮಧ್ಯೆ ಸಿಎಂ ಯೋಗಿ ಅವರು ಲಖನೌದಲ್ಲಿರುವ ತಮ್ಮ ನಿವಾಸದಲ್ಲಿ ಪಟಾಕಿಯನ್ನು ಹಚ್ಚಿ, ದೀಪೋತ್ಸವ ಆಚರಿಸಿದ್ದಾರೆ. ನಾಳಿನ ಭೂಮಿಪೂಜೆ ಹಿನ್ನೆಲೆಯಲ್ಲಿ ಇಂದು ಅಯೋಧ್ಯೆಯಲ್ಲಿ ದೀಪೋತ್ಸವ ನಡೆದಿದ್ದು, ಅದರ ನಿಮಿತ್ತ ಯೋಗಿ ತಮ್ಮ ಕಚೇರಿಯಲ್ಲಿ ಪಟಾಕಿ ಹಚ್ಚಿ, ಆಚರಣೆ ಮಾಡಿದ್ದಾರೆ. ಇದನ್ನೂ ಓದಿ: 24ಗಂಟೆಯಲ್ಲಿ ಪತ್ತೆಯಾದ ಹೊಸ ಕರೊನಾ ಪ್ರಕರಣಗಳಿಗಿಂತ ಡಿಸ್​​ಚಾರ್ಜ್​ ಆದವರೇ ಹೆಚ್ಚು; 110 ಮಂದಿ ಸಾವು

ಕಾನ್ಪುರದಲ್ಲಿ ವಿಶ್ವ ಹಿಂದು ಪರಿಷದ್​ ಕಾರ್ಯಕರ್ತರು ದೀಪ ಬೆಳಗಿದ್ದಾರೆ. ಹಾಗೇ ಉತ್ತರ ಪ್ರದೇಶದ ಅನೇಕ ಕಡೆಗಳಲ್ಲಿ ದೀಪತೋತ್ಸವ ಆಚರಣೆ ಇಂದು ನಡೆದಿದೆ.

ನಾಳೆ ನಡೆಯಲಿರುವ ಭೂಮಿ ಪೂಜೆಯಲ್ಲಿ ಪ್ರಧಾನಿ ಮೋದಿ ಪಾಲ್ಗೊಳ್ಳಲಿದ್ದು, ಅಯೋಧ್ಯೆಯಲ್ಲಿ ಕಟ್ಟೆಚ್ಚರ ವಹಿಸಲಾಗಿದೆ. ಬಿಗಿ ಭದ್ರತೆ ಕಲ್ಪಿಸಲಾಗಿದೆ. (ಏಜೆನ್ಸೀಸ್​)