ಹೈದರಾಬಾದ್: ಟಾಲಿವುಡ್ ಜನಪ್ರಿಯ ನಾಯಕಿಯರಲ್ಲಿ ನಿವೇತಾ ಥಾಮಸ್ ಕೂಡ ಒಬ್ಬರು. ಗ್ಲಾಮರ್ನಿಂದ ದೂರವಿರುವ ಮತ್ತು ನಟನೆಗೆ ಹೆಚ್ಚು ಸ್ಕೋಪ್ ಇರುವ ಪಾತ್ರಗಳಿಗೆ ಆದ್ಯತೆ ನೀಡುತ್ತಾರೆ. ನಿನ್ನು ಕೋರಿ, ಬ್ರೋಚೇವರೆವರೂರ, ಜೈ ಲವಕುಶ ಮತ್ತು ವಕೀಲ್ ಸಾಬ್ ಸಿನಿಮಾಗಳ ಮೂಲಕ ತೆಲುಗು ಜನರ ಹೃದಯದಲ್ಲಿ ಭದ್ರವಾದ ಸ್ಥಾನವನ್ನು ಗಳಿಸಿದ್ದಾರೆ. ತಮ್ಮ ನಟನೆಯಿಂದಲೇ ಚಿತ್ರಪ್ರೇಮಿಗಳ ನೆಚ್ಚಿನ ನಟಿ ಎನಿಸಿಕೊಂಡಿದ್ದಾರೆ.
ಅಂದಹಾಗೆ ನಿವೇತಾ ಥಾಮಸ್ ಅವರು ಚೆನ್ನೈ ಮೂಲದವರು. 2008ರಲ್ಲಿ ತೆರೆಕಂಡ ಮಲಯಾಳಂ ಚಿತ್ರ ಅಂಜನಾ ಸುಗುಣನ್ ಮೂಲಕ ಸಿನಿರಂಗಕ್ಕೆ ಪಾದರ್ಪಣೆ ಮಾಡಿದರು. ಇದಾದ ಬಳಿಕ ಅವರು ನಟ ಜೈ ನಟನೆಯ ನವೀನ ಸರಸ್ವತಿ ಸಬಥಮ್ ಚಿತ್ರದ ಮೂಲಕ ನಾಯಕಿಯಾಗಿ ತಮಿಳಿನಲ್ಲಿ ಪಾದರ್ಪಣೆ ಮಾಡಿದರು. ಈ ಚಿತ್ರದ “ವೈಟ್ ಅಂಡ್ ಲವ್” ಹಾಡು ಇನ್ನೂ ಅಭಿಮಾನಿಗಳ ಪ್ಲೇಲೀಸ್ಟ್ನಲ್ಲಿದೆ.
ವಿಜಯ್ ಅವರ ಕುರುವಿ ಚಿತ್ರದಲ್ಲಿ ವಿಜಯ್ ಅವರ ತಂಗಿಯಾಗಿ ನಟಿಸಿದ್ದಾರೆ. ಅಲ್ಲದೆ, ಜಿಲ್ಲಾ ಸಿನಿಮಾದಲ್ಲೂ ವಿಜಯ್ಗೆ ತಂಗಿಯಾಗಿ ನಟಿಸಿ ಗಮನ ಸೆಳೆದರು. ಕಮಲ್ ಹಾಸನ್ ಅಭಿನಯದ ಪಾಪನಾಸಂ ಚಿತ್ರದಲ್ಲಿ ಕಮಲ್ ಮಗಳಾಗಿ ಮತ್ತು ರಜನಿಯ ಸೂಪರ್ ಹಿಟ್ ದರ್ಬಾರ್ ಸಿನಿಮಾದಲ್ಲಿ ರಜನಿ ಮಗಳಾಗಿ ನಟಿಸಿದ ನಂತರ ನಿವೇತಾ ಥಾಮಸ್ ತುಂಬಾ ಜನಪ್ರಿಯತೆ ಗಳಿಸಿದರು. ಇದಾದ ಬಳಿಕ ಬಳಿಕ ತೆಲುಗಿನಲ್ಲಿ ಬಿಜಿಯಾದ ನಿವೇತಾ, ಜೆಂಟಲ್ಮ್ಯಾನ್, ಜೈ ಲವಕುಶ ಹಾಗೂ ವಕೀಲ್ ಸಾಬ್ ಸಿನಿಮಾ ಮೂಲಕ ಒಳ್ಳೆಯ ಖ್ಯಾತಿ ಗಳಿಸಿದರು.
ಹೀಗಿರುವಾಗ ನಟಿ ನಿವೇತಾ ಥಾಮಸ್ ಅವರ ಲೇಟೆಸ್ಟ್ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅದನ್ನು ನೋಡಿ ಅಭಿಮಾನಿಗಳು ಶಾಕ್ ಆಗಿದ್ದಾರೆ. ತುಂಬಾ ತೆಳ್ಳಗೆ, ಬಳುಕುವ ಬಳ್ಳಿಯಂತಿದ್ದ ನಿವೇತಾ ಇದೀಗ ತೂಕ ಹೆಚ್ಚಿಸಿಕೊಂಡು ತುಂಬಾ ದಪ್ಪಗೆ ಕಾಣುತ್ತಿದ್ದಾರೆ. ತುಂಬಾ ತೂಕ ಹೆಚ್ಚಿಸಿಕೊಂಡಿದ್ದು, ಗುರುತೇ ಹಿಡಿಯದಷ್ಟು ಬದಲಾಗಿದ್ದಾರೆ. ಇವರೇನಾ ನಮ್ಮ ನಿವೇತಾ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.
Nivetha Thomas | #35ChinnaKathaKadu
— Christopher Kanagaraj (@Chrissuccess) August 31, 2024
ಸಿನಿಮಾ ವಿಚಾರಕ್ಕೆ ಬರುವುದಾದರೆ, ನಿವೇತಾ ಥಾಮಸ್ ಅವರ ಮತ್ತೊಂದು ವಿಭಿನ್ನ ಸಿನಿಮಾ ಬರುತ್ತಿದೆ. ಆಕೆ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ’35 ಚಿನ್ನ ಕಥಾ ಕಾದು’ ಚಿತ್ರ ಶೀಘ್ರದಲ್ಲೇ ತೆರೆಗೆ ಬರಲಿದೆ. ಈ ಚಿತ್ರದ ಟೀಸರ್ ಈಗಾಗಲೇ ಬಿಡುಗಡೆಯಾಗಿದ್ದು, ಸಾಕಷ್ಟು ಸದ್ದು ಮಾಡಿದೆ. ತಿರುಪತಿಯ ಹಿನ್ನೆಲೆಯಲ್ಲಿ ನಡೆಯುವ ಕಥೆಯನ್ನು ಇಟ್ಟುಕೊಂಡು ಸಿನಿಮಾ ಮಾಡಲಾಗಿದೆ. ತಾಯಿ ಪಾತ್ರದಲ್ಲಿ ನಿವೇತಾ ನಟಿಸಿದ್ದಾರೆ. ಪರೀಕ್ಷೆಯಲ್ಲಿ ಉತ್ತೀರ್ಣನಾಗಲಿಲ್ಲ ಎಂದು ತಂದೆ ಛೀಮಾರಿ ಹಾಕಿದ ನಂತರ ಮಗ ಮನೆ ಬಿಟ್ಟು ಹೋಗುತ್ತಾನೆ. ತಾಯಿ ಮಗುವಿಗಾಗಿ ಹಂಬಲಿಸುವ ದೃಶ್ಯಗಳು ಟೀಸರ್ ಅನ್ನು ಇನ್ನಷ್ಟು ಕುತೂಹಲಕಾರಿಯಾಗಿಸಿದೆ. (ಏಜೆನ್ಸೀಸ್)
ಮುಂಬೈ ಬಿಟ್ಟು ಈ ತಂಡ ಸೇರಲಿದ್ದಾರೆ ರೋಹಿತ್ ಶರ್ಮ! ಸುಳಿವು ಬಿಟ್ಟುಕೊಟ್ಟ ಜಾಂಟಿ ರೋಡ್ಸ್
ಎಂ.ಎಸ್. ಧೋನಿ ಪ್ರಕಾರ ಈತನೇ ನೋಡಿ ವಿಶ್ವ ಕ್ರಿಕೆಟ್ನ ಬೆಸ್ಟ್ ಬ್ಯಾಟ್ಸ್ಮನ್!
